Dipaboa Bibel do songon dia parngoluon ni jolma saonari. Didok, “Otik do ari-arina jala gok hasusaanna.” (Job 14:1) Memang lomo do roha ni Debata asa songon i parngoluotta? Aha do sebenarna tujuan ni Jahowa manoppa hita? Boi do saut tujuanna i? Taida ma na didok Bibel taringot i.

1. Aha do tujuan ni Jahowa manoppa hita?

Lomo do roha ni Jahowa asa marlas ni roha hita. Tikki ditoppa Ibana jolma na parjolo, i ma si Adam dohot si Hawa, dibahen Ibana do inganan na bagak tu nasida, i ma Taman Eden. “Dung i dipasu-pasu Debata ma nasida jala didok ma, ‘Marpinoppari ma hamu asa lam godang hamu. Gohi hamu ma tano on jala rajai ma i.’” (1 Musa 1:28) Lomo do roha ni Jahowa asa marpinoppari nasida, mambahen tano on gabe Paradeiso, jala mangurus akka binatang. Lomo do rohana asa sude halak marlas ni roha, sehat, jala mangolu saleleng ni lelengna.

Nang pe dang songon i parngoluotta saonari,a alai dang muba dope tujuan ni Debata manoppa hita. (Jesaya 46:10, 11) Lomo do rohana asa sude halak marlas ni roha saleleng ni lelengna di tano on.—Jaha Pangungkapon 21:3, 4.

2. Boha do carana asa martujuan ngolutta saonari?

Tikki ditoppa Jahowa jolma, dibahen Ibana do asa lomo rohatta mananda jala manomba Ibana. (Jaha Mateus 5:3-6.) Lomo do rohana asa jonok hubungatta tu Ibana, ‘asa taihutton sude dalanna, tahaholongi Ibana’, jala tasomba Ibana ‘sian nasa rohatta’. (5 Musa 10:12; Psalmen 25:14) Molo taulahon i, gabe boi ma las rohatta nang pe godang sitaononta. Jadi molo tasomba Jahowa, gabe martujuan ma ngolutta.

3. Lomo do roha ni Jahowa asa marlas ni roha jolma

Putar ma VIDEO, dung i bahas ma sukkun-sukkun on:

VIDEO: Aha do na Tinuju ni Debata Manompa Tano On?—Cuplikan (1:41)

• Boasa ma massai bagak ditoppa Debata tano on?

Jaha Parjamita 3:11, dung i bahas ma sukkun-sukkun on:

• Aha do na didok ayat on taringot Jahowa?

4. Dang muba dope tujuan ni Jahowa

Jaha Psalmen 37:11, 29 dohot Jesaya 55:11, dung i bahas ma sukkun-sukkun on:

• Sian dia do taboto dang muba dope tujuan ni Debata manoppa hita?

5. Gabe martujuan ma ngolutta molo tasomba Jahowa

VIDEO: Nungnga Huboto Be Tujuan ni Ngolukku (5:03)

• Aha do manfaat na dihilala si Terumi ala diboto ibana tujuan ni ngoluna?

Jaha Parjamita 12:13, dung i bahas ma sukkun-sukkun on:

• Nungnga godang na dibahen Jahowa tu hita. Jadi boha ma caratta patuduhon na mandok mauliate hita tu Ibana?

KESIMPULAN

Lomo do roha ni Jahowa asa marlas ni roha hita saleleng ni lelengna di tano on. Molo tasomba Ibana sian nasa rohatta, gabe martujuan ma ngolutta saonari.

Tinjauan

• Aha do sebenarna tujuan ni Jahowa manoppa si Adam dohot si Hawa?

• Sian dia taboto dang muba dope tujuan ni Debata manoppa jolma?

• Boha do carana asa martujuan ngolutta?

LULUI MA

Jaha ma bukti na patuduhon tutu do adong Taman Eden najolo.

“Toho do Memang Adong Taman Eden Najolo Manang Holan Dongeng do i?” (Joujou Paboahon, 1 Januari 2011)

Boasa boi pos rohatta na toktong do adong tano on saleleng ni lelengna?

“Na Lao Hancur do Portibi On?” (Artikel web)

Dipaboa Bibel do songon dia carana asa martujuan ngolutta.

“Aha do Tujuan ni Ngolutta?” (Artikel web)

Tonton ma taringot sahalak bawa na merasa adong dope na hurang di ngoluna, nang pe boi dapotna sude lomo ni rohana.

Saonari Nungnga Martujuan Be Ngolukku (3:55)

2. Ise do dongan ni Jesus mamaretta?

Dang sahalak ni Jesus mamaretta. Alai adong do akka halak na sian “saluhut marga, bahasa, dohot bangso”, na lao gabe dongan ni Jesus ‘mamaretta tu saluhut tano on’. (Pangungkapon 5:9, 10) Sadia do godang ni nasida? Dung ro Jesus tu tano on, marjuta do halak naung mangihutton ibana. Alai dang sude nasida dohot mamaretta. Holan 144.000 do na lao tu surgo mandongani Jesus mamaretta. (Jaha Pangungkapon 14:1-4.) Sude halak Kristen na so tu surgo, mangolu di tano on do nasida gabe rakyat ni Harajaon ni Debata.—Psalmen 37:29.

Nungnga mamaretta Harajaon ni Debata. Satokkin nai, bahenon ni Harajaon i nama perubahan na balga di tano on. Tabahas ma piga-piga perubahan i.

1. Boha do cara ni Harajaon ni Debata mambahen asa adong hadameon dohot keadilan di tano on?

Di porang na digoari Armagedon, dipamate Jesus Raja ni Harajaon ni Debata ma akka parjahat. Jala dihancurhon ibana ma sude pamarettaon ni jolma. (Pangungkapon 16:14, 16) Di tikki i, saut ma janji ni Debata na mandok, “Satokkin nai, dang adong be akka parjahat.” (Psalmen 37:10) Marhite Harajaon i, hilalaon ni sude halak ma hadameon dohot keadilan di tano on.—Jaha Jesaya 11:4.

2. Boha do keadaanta molo nungnga saut lomo ni roha ni Debata di tano on?

Molo nungnga mamaretta Harajaon ni Debata tu tano on, “lehononna do tano on gabe parbagianan ni halak na tigor marroha, jala mangolu ma nasida disi saleleng ni lelengna”. (Psalmen 37:29) Pasti las do rohatta tikki i! Alana sude do halak mangulahon na sittong, makkaholongi Jahowa jala masihaholongan. Dang adong be na marsahit, jala mangolu saleleng ni lelengna ma sude jolma.

3. Dung dipamate akka parjahat, aha ma muse na lao diulahon Harajaon ni Debata?

Dung dipamate akka parjahat, mamaretta ma Jesus rap dohot 144.000 donganna saleleng 1.000 taon. Saleleng 1.000 taon i, diurupi nasida ma akka jolma asa sempurna muse. Di ujung ni 1.000 taon i, nungnga gabe Paradeiso be tano on. Jala marlas ni roha ma sude halak na tinggal disi, ala sai dioloi nasida paretta ni Jahowa. Dung i, pasahaton ni Jesus ma muse Harajaon i tu Jahowa. Ujungna, gabe ‘dipabadia ma goar ni Jahowa’. (Mateus 6:9, 10) Gabe tarida ma tutu do Jahowa i Penguasa na terbaik na parduli tu sude rakyatna. Dung i, pamateon ni Jahowa ma Sibolis, suru-suruan na jahat, dohot sude halak na mangalo Ibana. (Pangungkapon 20:7-10) Jala sude akka na denggan na dibahen Harajaon ni Debata, martahan do i saleleng ni lelengna.

ASA LAM TAATTUSI

4. Lao dihancurhon Harajaon ni Debata do sude pamarettaon ni jolma

Bibel mandok, “Gabe susa do molo jolma na mangarajai jolma.” (Parjamita 8:9) Godang do jolma na susa ala terjadi ketidakadilan di portibi on. Alai molo nungnga mamaretta Harajaon ni Debata tu tano on, dang adong be ketidakadilan i.

Jaha Daniel 2:44 dohot 2 Tessalonik 1:6-8, dung i bahas ma sukkun-sukkun on:

• Aha do na lao dibahen Jahowa dohot Jesus tu sude pamarettaon ni jolma dohot akka halak na mendukung pamarettaon i?

• Boasa pos rohamuna pasti sittong jala adil do cara ni Jahowa dohot Jesus manguhumi?

5. Jesus do Raja na terbaik

Godang do perubahan na lao dibahen Jesus tu tano on na bermanfaat tu sude jolma. Putar ma VIDEO na patuduhon memang lomo do roha ni Jesus mangurupi jolma, jala nungnga dilehon Debata huaso tu ibana lao mangulahon i.

VIDEO: Dipatudu Jesus do Aha na Lao Bahenon ni Harajaon i (1:13)

Tikki di tano on, godang do na dibahen Jesus lao mangurupi akka halak. On patuduhon songon i do tong na lao dibahen ibana di masa depan. Sian daftar berikut on, na dia ma na paling dipaima-ima hamu? Jaha ma akka ayat na adong di daftar on na berkaitan tusi.

6. Luar biasa do masa depanta alani Harajaon ni Debata

VIDEO: Manatap Janji ni Debata di Masa Depan (4:38)

Jaha Psalmen 145:16, dung i bahas ma sukkun-sukkun on:

• Boha do perasaanmuna dung mamboto lao dilehon Jahowa do “sude na porlu” tu nasa na mangolu?

KESIMPULAN

Marhite Harajaon ni Debata, gabe saut ma lomo ni roha ni Debata. Bahenonna ma tano on gabe Paradeiso jala holan akka halak na manomba Jahowa ma na tinggal disi saleleng ni lelengna.

Tinjauan

• Boha do carana Harajaon ni Debata i pabadiahon goar ni Jahowa?

• Boasa pos rohatta boi do Harajaon ni Debata pasautton akka janji na adong di Bibel?

• Sian sude na lao diulahon Harajaon ni Debata, na dia do na paling dipaima-ima hamu?

LULUI MA

Jaha ma aha na didok Bibel taringot Armagedon.

“Aha do Porang Armagedon i?” (Artikel web)

Hea do dipaboa Jesus taringot “hasusaan bolon”. Aha ma na lao masa di tikki i?—Mateus 24:21.

“Aha do Hasusaan Bolon i?” (Artikel web)

Tonton ma sada keluarga na mambayakkon nungnga di Paradeiso nasida.

Aha na Laho Diulahon Ho di Paradeiso? (1:50)

Di artikel “Godang do Sukkun-Sukkun na Sai Ro tu Pikkiranku”, jaha ma taringot sahalak bawa na sogo rohana tu politik. Alai nga dapotna be jalan keluarna.

“Bibel Mambahen Denggan Ngolukku” (Joujou Paboahon, 1 Januari 2012)