PELAJARAN 57
Boha do Molo Diulahon Hamu Dosa na Balga?
Olo do ra taulahon kesalahan nang pe holong hian rohatta tu Jahowa jala berusaha hita pasidikkon na dihasogohon rohana. (1 Korint 6:9, 10) Molo taulahon dosa na balga, ingot ma tetap do holong roha ni Jahowa tu hita. Lomo do rohana mengampuni hita jala naeng mangurupi hita.
1. Aha do na ikkon taulahon asa olo Jahowa mengampuni hita?
Molo holong roha ni sasahalak tu Jahowa, pasti lungun hian do rohana tikki mangulahon dosa na balga. Alai pasti gabe tenang do perasaanna mamboto janji ni Jahowa tu naposona na mandok, “Nang pe songon merah ni mudar dosamuna, bottar do i bahenokku songon salju.” (Jesaya 1:18) Molo olo hita muba sian ias ni rohatta, pasti diampuni Jahowa do hita. Boha do carana asa boi hita muba? Tasolsoli ma kesalahatta i, unang be taulahon i, jala tapangido ma tu Jahowa asa diampuni hita. Dung i berusaha ma hita pasohon pikkiran dohot kebiasaan na boi mambahen hita mardosa. Jala berusaha ma hita mangihutton aturan ni Jahowa di ngolutta.—Jaha Jesaya 55:6, 7.
2. Boha do cara ni Jahowa mamakke sintua lao mangurupi hita?
Molo taulahon dosa na balga, didok Jahowa do tu hita, “Jou ma akka sintua di huria.” (Jaha Jakobus 5:14, 15.) Holong do roha ni akka sintua tu Jahowa dohot tu akka halak na manomba Ibana. Jala nungnga dilehon Jahowa tu nasida petunjuk boha carana mangurupi hita asa denggan muse hubungatta tu Jahowa.—Galatia 6:1.
Molo mangulahon dosa na balga sasahalak, boha do cara ni akka sintua mangurupi ibana? Adong ma annon dua manang tolu sintua na pasingotton ibana mamakke akka poda na sian Bibel. Paboaon ni nasida ma akka saran na boi mangurupi ibana asa dang diulahon ibana be kesalahanna i. Alai molo dang olo ibana muba, pakaluaron ni akka sintua ma ibana sian huria, asa dang gabe pengaruh na so denggan ibana tu akka dongan na asing.
ASA LAM TAATTUSI
Taida ma boha carana asa taargai cara ni Jahowa mangurupi hita tikki taulahon dosa na balga.
3. Molo taakkui dosatta, boi ma denggan muse hubungatta tu Jahowa
Molo taulahon na sala, haccit do roha ni Jahowa. Jadi ikkon taakkui do dosatta tu Ibana. Jaha Psalmen 32:1-5, dung i bahas ma sukkun-sukkun on:
Menurut hamu dia do na undenggan, taakkui dosatta tu Jahowa manang tatabunihon? Boasa didok hamu songon i?
Alai dang sae holan tu Jahowa i tapaboa. Porlu do tong tapaboa i tu akka sintua asa tenang perasaanta. Putar ma VIDEO, dung i bahas ma sukkun-sukkun on:
Boha do cara ni akka sintua di video i mangurupi si Canon asa denggan muse hubunganna tu Jahowa?
Molo jujur hita tu akka sintua, boi ma nasida mangurupi hita. Jaha Jakobus 5:16, dung i bahas ma sukkun-sukkun on:
Aha do manfaatna molo taakkui kesalahatta tu akka sintua?
Akkui ma dosamuna, paboa ma i tu akka sintua, jala jalo ma bantuan na sian Jahowa
4. Dipatudu Jahowa do asi ni roha tu halak na marsala
Molo dang olo muba halak na mangulahon dosa na balga, ikkon dipakaluar do ibana sian huria jala dang boi be hita mardongan tu ibana. Jaha 1 Korint 5:6, 11, dung i bahas ma sukkun-sukkun on:
Didok Bibel boi do ragi mambahen kabbang adonan. Dos songon i ma, aha do akibatna tu huria molo mardongan hita tu halak na so olo muba?
Ditiru akka sintua do Jahowa na patuduhon asi ni roha tu halak na mangulahon dosa na balga. Dilului jala diurupi nasida halak na dipakaluar sian huria. Godang do halak na dipakaluar ujungna mulak muse tu huria. Boasa? Alana nang pe haccit dihilala ibana tikki dipakaluar sian huria, alai boi do i mangurupi ibana menyadari kesalahanna.—Psalmen 141:5.
Sian cara ni Jahowa mangurupi halak na marsala, boi ma taida na masuk akkal, parasi roha, jala parholong do Ibana. Boasa boi tadok songon i?
5. Diampuni Jahowa do molo olo hita muba
Dipaboa Jesus do tudosan na patuduhon boha do perasaan ni Jahowa molo muba sasahalak. Jaha Lukas 15:1-7, dung i bahas ma sukkun-sukkun on:
Songon dia do perasaan ni Jahowa molo muba sahalak pardosa? Sian ayat i, aha do na boi diparsiajari hamu taringot Jahowa?
Jaha Hesekiel 33:11, dung i bahas ma sukkun-sukkun on:
Aha do buktina na tasolsoli do kesalahatta?
Songon sahalak parmahan na burju do Jahowa, diparrohahon Ibana do biru-biruna
ADONG DO NA MANDOK: “Mabiar do au gabe dipakaluar sian huria molo hupaboa kesalahanku tu akka sintua.”
Molo adong na mandok songon i, aha ma na lao dokkononmuna tu ibana?
KESIMPULAN
Molo taulahon dosa na balga alai tasolsoli i jala berusaha hita asa dang taulahon be i, pasti diampuni Jahowa do hita.
Tinjauan
Boasa ikkon taakkui kesalahatta tu Jahowa?
Boha do carana asa diampuni Jahowa kesalahatta?
Molo taulahon dosa na balga, boasa ikkon tapaboa i tu akka sintua?
LULUI MA
Ida ma pengalaman ni sahalak bawa na merasahon asi ni roha ni Jahowa songon na dipaboa di Jesaya 1:18.
Boha do cara ni akka sintua mangurupi halak na mangulahon dosa na balga?
Boha do caratta patuduhon holong dohot asi ni roha tu halak na dipakaluar sian huria?
“Akka Sintua, Urupi ma Akka Halak na Dipakaluar sian Huria” (Joujou Paboahon, Agustus 2024)
Di kisah hidup na marjudul “Ikkon Mulak do Au Muse tu Jahowa”, jaha ma pengalaman ni sahalak bawa na hea maninggalhon hasittongan. Alai ujungna boi do dirasahon ibana na ditarik Jahowa do ibana asa boi muse mulak tu Ibana.
“Bibel Mambahen Denggan Ngolukku” (Joujou Paboahon, 1 April 2012)