Godang do manfaatna marsiajar Bibel. Alai sipata dang sai mura mangulahon i. Olo do ra dihilala hamu hira na so tolap be hamu torus marsiajar Bibel. Alai boasa porlu tausahahon asa torus marsiajar Bibel? Boha do carana asa boi torus marsiajar Bibel nang pe adong tantangan?

1. Boasa massai penting marsiajar Bibel?

“Ai mangolu do hata ni Debata i jala marhuaso.” (Heber 4:12) Molo taparsiajari Bibel, boi do taboto songon dia pikkiran dohot perasaan ni Debata tu hita. Dang holan marisi parbinotoan i, alai boi do i mambahen hita marbisuk jala marpos ni roha tu janji ni Debata. Na paling penting boi do i mangurupi hita asa jonok hubungatta tu Jahowa. Jala molo taparsiajari Bibel, boi do i mambahen gabe lam denggan ngolutta.

2. Molo taboto massai penting isi ni Bibel, aha ma na ikkon taulahon?

Dos songon arta na massai arga do isi ni Bibel i. Alani i ma didok Bibel, “Tuhor ma hasittongan jala unang ma gadis i.” (Poda 23:23) Molo sai taingot i di rohatta, gabe olo ma hita torus marsiajar Bibel nang pe adong tantangan.—Jaha Poda 2:4, 5.

3. Boha do cara ni Jahowa mangurupi hita asa torus marsiajar Bibel?

Lomo do roha ni Jahowa mangurupi hita asa tatanda Ibana. Alana Ibana do na manoppa hita jala boi do Ibana gabe donganta. Boi do Ibana mambahen hita “rade jala margogo mangulahon” lomo ni rohana. (Jaha Pilippi 2:13.) Jadi, boi do Ibana mangurupi hita asa lomo rohatta torus marsiajar Bibel jala mangulahon na taparsiajari i. Jala boi do tong Ibana mambahen hita margogo tikki adong tantangan. Alani i asa boi hamu torus marsiajar Bibel, martangiang ma hamu tu Jahowa asa diurupi.—1 Tessalonik 5:17.

ASA LAM TAATTUSI

4. Bahen ma marsiajar Bibel gabe na uppetting di hamu

Sipata alani godang ni ulaonta, olo do ra tahilala hira na so sanga be hita marsiajar Bibel. Attong aha ma na ikkon taulahon? Jaha Pilippi 1:10, dung i bahas ma sukkun-sukkun on:

• Menurut hamu, aha ma “na urrikkot” di ngolumuna?

• Boha ma carana asa marsiajar Bibel gabe na uppetting di hamu?

1. Molo pasir do na parjolo dipamasuk hamu tu ember i, dang siat be sude batu i masuk tusi

2. Alai molo batu do na parjolo dipamasuk hamu tu ember i, siat dope godang pasir dipamasuk hamu tusi. Dos songon i ma, molo “na urrikkot” do na parjolo diulahon hamu, boi ma dipasae hamu sudena i, jala adong dope tikkimuna mangulahon karejo na asing

Marsiajar Bibel boi do mambahen las rohatta ala boi gabe tatanda jala tasomba Debata. Jaha Mateus 5:3, dung i bahas ma sukkun-sukkun on:

• Aha do gunana molo tabahen marsiajar Bibel gabe na uppetting di hita?

5. Torus ma marsiajar Bibel nang pe adong tantangan

VIDEO: Hasilna Ala Torus Marsiajar (5:22)

• Di video i, boha do didok dongan ni si Francesco dohot keluargana tikki dipaboa ibana na marsiajar Bibel ibana?

• Aha do manfaatna ala torus ibana marsiajar?

Jaha 2 Timoteus 2:24, 25, dung i bahas ma sukkun-sukkun on:

• Boha do didok keluarga dohot donganmuna ala marsiajar Bibel hamu?

• Molo menurut ayat i, boha do molo adong na so lomo rohana marsiajar Bibel hamu? Boasa ikkon songon i dibahen hamu?

6. Pos ma rohamuna urupan ni Jahowa do hamu

VIDEO: Boi do Diurupi Jahowa Hita Muba (3:56)

• Di video i, aha do na dipauba si Jim sian dirina asa boi palashon roha ni Jahowa?

• Boha do perasaanmuna mangida pengalaman ni si Jim i?

Jaha Heber 11:6, dung i bahas ma sukkun-sukkun on:

• Aha do na lao bahenon ni Jahowa tu akka halak na “marsitutu mangalului Ibana”?

• Menurut ayat on, boha do perasaan ni Jahowa molo berusaha hita torus marsiajar Bibel?

KESIMPULAN

Molo torus hamu marsiajar Bibel nang pe adong tantangan, boi ma dapotmuna hangoluan na saleleng ni lelengna. Torus ma mangasahon Jahowa, pasti pasu-pasuonna do hamu.

Tinjauan

• Boasa massai diargai hamu isi ni Bibel?

• Boha do carana asa “diboto hamu dia na urrikkot”?

• Boasa ikkon martangiang hita tu Jahowa asa boi torus marsiajar Bibel?

LULUI MA

Jaha ma opat cara naung diulahon godang halak lao mangatur tikki ni nasida.

“Songon dia Asa Denggan Hamu Mamakke Tikkimuna?” (Dungo ma!, Februari 2014)

Tonton ma taringot sahalak borua na diurupi Jahowa mangulahon lomo ni rohana, nang pe di mulana dang lomo roha ni suamina.

Dipatogu Jahowa asa Tolap Manaon Hasusaan (5:05)

Tonton ma taringot sahalak bawa na gabe marsiajar Bibel ala torus istrina marsiajar.

Huselidiki do Hasittongan i (6:30)

Adong na mandok gabe sursar do keluarga alani Saksi Jahowa. Toho do i?

“Sursar do Keluarga Dibahen Saksi Jahowa manang Gabe Martua?” (Artikel web)

Sude do hita ikkon mambahen keputusan. Godangan sian keputusanta i, berpengaruh do tu hita dohot hubungatta tu Jahowa. Contohna ikkon taputusson do ra didia hita tinggal, aha karejotta, manang naeng menikah do hita manang na dang. Molo tabahen keputusan na denggan, gabe las ma rohatta jala las ma roha ni Jahowa.

1. Songon dia do carana Bibel mangurupi hita mambahen keputusan na denggan?

Sebelum mambahen keputusan, martangiang ma hamu asa diurupi Jahowa. Jala parsiajari hamu ma Bibel asa diboto hamu songon dia pandangan ni Jahowa taringot i. (Jaha Poda 2:3-6.) Molo adong do tarsurat di Bibel hukum ni Jahowa taringot sada situasi, ihutton hamu ma i asa boi dibahen hamu keputusan na denggan.

Alai boha ma molo dang adong tarsurat di Bibel hukum na cocok tu situasi na lagi dihadapi hamu? Bibel mandok, toktong do ditogu-togu Jahowa ho “di dalan sidalananmu”. (Jesaya 48:17) Boha carana? Adong do prinsip ni Bibel na boi mangurupi hamu. Prinsip ni Bibel, i ma akka petunjuk na dipaboa di Bibel na patuduhon songon dia perasaan dohot pikkiran ni Debata. Tikki tajaha Bibel, biasana gabe taboto do songon dia perasaan ni Jahowa taringot sada situasi. Jadi molo tapikkirhon perasaan ni Jahowa, gabe boi ma tabahen keputusan na palashon rohana.

2. Akka aha ma na porlu dipikkirhon hamu sebelum mambahen keputusan?

Bibel mandok, “Dipikkiri halak na marbisuk do ganup lakkana.” (Poda 14:15) Lapatanna sebelum tabahen keputusan, ikkon jolo manat do i tapikkiri. Coba ma jo pikkirhon hamu: ‘Prinsip ni Bibel na dia do na sesuai tu situasikkon? Molo hupillit on, gabe tenang do perasaanku? Aha do pengaruh ni keputusakkon tu halak na asing? Jala na paling penting, molo hupillit on las do roha ni Jahowa?’—5 Musa 32:29.

Nungnga dipaboa Jahowa tu hita dia na denggan dohot na so denggan. Molo taparsiajari hukum dohot prinsipna, jala berupaya hita mangihutton i, boi ma hita mangalatik panggora ni rohatta manang hati nuranitta. Hati nurani, i ma perasaan na mangurupi hita mamboto dia na sittong dohot na sala. (Rom 2:14, 15) Jadi molo tarlatik do hati nuranitta, boi ma i mangurupi hita mambahen keputusan na denggan.

ASA LAM TAATTUSI

3. Pakke ma Bibel mangurupi hamu

VIDEO: Pangke ma Prinsip ni Bibel Laho Manogunogu Hamu (5:54)

• Silehon-lehon aha do na dilehon Jahowa tu hita?

• Boasa dilehon Jahowa tu hita hak lao mamillit?

• Aha do na boi mangurupi hita mambahen keputusan na denggan?

Jaha ma sada prinsip ni Bibel na disurat di Epesus 5:15, 16. Dung i pikkirhon ma boha do hamu meneraphon prinsip “denggan ma pakke tikkimuna”, asa boi hamu . . .

• taratur manjaha Bibel.

• mangalehon tikki tu suami, istri, natua-tua, dohot tu gellengmuna.

• taratur marpungu.

4. Latik ma hati nuranimuna lao mambahen keputusan na denggan

VIDEO: “Tongtong ma Jaga asa Ias Panggora ni Rohamuna” (5:13)

• Di video i, boha do donganta i mangalatik hati nuranina asa boi dibahen ibana keputusan na palashon roha ni Jahowa?

Boasa dang denggan molo tapangido asa halak na mambahen keputusan di hita? Jaha Heber 5:14, dung i bahas ma sukkun-sukkun on:

• Memang ummura do molo tapangido asa halak na asing na mambahen keputusan di hita. Alai menurut ayat on aha ma na ikkon taulahon?

• Akka aha do na diparade organisasi ni Jahowa, na boi mangurupi hamu mangalatik hati nuranimuna jala mambahen keputusan na denggan?

5. Mangargai hati nurani ni halak na asing

Dang sarupa keputusan na dibahen ganup halak. Jadi boha do carana patuduhon na taargai hati nurani ni halak na asing? Parrohahon ma dua situasi on:

Situasi 1: Adong sahalak donganta borua na pinda tu huria na baru. Lomo do rohana mamakke makeup na tebal dohot perhiasan na berlebihan. Hape terganggu do akka donganta borua di huria i mangida penampilanna.

Jaha Rom 15:1 dohot 1 Korint 10:23, 24, dung i bahas ma sukkun-sukkun on:

• Molo diihutton donganta borua i ayat on, aha ma na diulahon ibana? Molo adong halak na terganggu hati nuranina mangida hamu mangulahon sada ulaon, hape hati nuranimuna dang terganggu, aha ma na diulahon hamu?

Situasi 2: Adong sahalak donganta bawa na so olo minum minuman beralkohol, nang pe diboto ibana dang diorai di Bibel manginum i sasaotik. Di sada tikki diundang ma ibana tu acara ramah tamah. Hape disi, diida ibana akka dongan na minum minuman beralkohol.

Jaha Parjamita 7:16 dohot Rom 14:1, 10, dung i bahas ma sukkun-sukkun on:

• Molo diihutton donganta bawa i ayat on, aha ma na diulahon ibana? Molo adong diida hamu sahalak dongan na mangulahon sada ulaon na mambahen terganggu hati nuranimuna, aha ma na diulahon hamu?

Cara mambahen keputusan na denggan

1. Martangiang ma tu Jahowa asa diurupi hamu.—Jakobus 1:5.

2. Lului jala parsiajari hamu ma akka prinsip sian Bibel dohot akka publikasitta na cocok tu situasimuna. Boi do tong hamu mangido saran sian akka dongan na berpengalaman.

3. Pikkirhon ma pengaruh ni keputusanmuna i tu hati nuranimuna dohot tu hati nurani ni dongan na asing.

KESIMPULAN

Asa boi tabahen keputusan na denggan, ikkon jolo tapikkirhon do songon dia perasaan ni Jahowa. Jala tapikkiri ma pengaruh ni keputusanta i tu halak na asing.

Tinjauan

• Boha do carana mambahen keputusan na palashon roha ni Jahowa?

• Boha do carana mangalatik hati nuranitta?

• Boha do carana patuduhon na diargai hamu hati nurani ni dongan na asing?

LULUI MA

Boha do carana mambahen keputusan na palashon roha ni Jahowa?

“Bahen ma Keputusan na Pasangappon Debata” (Joujou Paboahon, 15 April 2011)

Ida ma boha do cara ni Jahowa mangalean nasehat tu hita.

Ditogu-togu Jahowa do Naposona (9:50)

Ida ma aha na mangurupi sahalak bawa boi mambahen keputusan nang pe maol i di ibana.

Dijamin Jahowa do Masa Depanta (5:46)

Boha do carana mambahen keputusan na palashon roha ni Jahowa, nang pe dang adong petunjuk na jelas taringot situasitta?

“Ikkon Sai Adong do Peraturan na Tarsurat di Bibel Siihuttononmu?” (Joujou Paboahon, 1 Desember 2003)