‘Tangihon ma Hata ni Halak na Marbisuk’

1. Tikki sadihari do hita porlu dipasingot, jala aha do manfaatna molo taulahon i?

HITA sude porlu do dinasehati. Sipata olo do hita sandiri na mangido nasehat sian dongan na asing. Alai bisa jadi sebelum hita “mangulahon na sala”, adong akka dongan na pasingotton hita. (Gal. 6:1) Boi do tong nasehat i berupa disiplin tikki taulahon dosa na balga. Jadi dang soal sipasingot aha na dilehon tu hita, ikkon tatangihon do i. Denggan do molo taulahon sipasingot manang nasehat i, ala boi do i paluahon ngolutta.​—Poda 6:23.

2. Sesuai tu Poda 12:15, boasa ikkon tatangihon nasehat ni halak na asing?

² Ayat tema ni pembahasan on manjujui hita asa ‘manangihon hata ni halak na marbisuk’. (Poda 22:17) Dang adong jolma na mamboto sasudena. Pasti sai adong do halak na ummalo sian hita manang na lebih berpengalaman sian hita. (Jaha Poda 12:15.) Jadi molo tatangihon nasehat sian halak na asing, i patuduhon na serep do rohatta jala na tasadari do hahurangatta. Hasilna, gabe boi ma tacapai tujuatta. Jahowa manogu-nogu Raja Salomo manurat on, “Saut do [sakkap] molo godang na mamodai.”—Poda 15:22.

3. Sian dia do boi tadapot nasehat?

³ Sada cara hita mandapot sipasingot, i ma tikki manjaha Bibel dohot akka publikasitta. Boi ma hita diurupi menyesuaihon cara marpikkirta dohot padenggatton pangalahotta na sala. (Heb. 4:12) Sipasingot na asing pe boi do ro sian akka sintua manang sian akka dongan na gabe teladan. Mungkin diparrohahon nasida adong na porlu tapadenggan sian diritta. Jadi molo adong na parduli tu hita jala mangalehon nasehat na sian Bibel tu hita, ikkon taargai do i jala tatangihon. Jala berupaya ma hita mangulahon nasehat ni nasida i.

4. Sesuai tu Parjamita 7:9, sikap na songon dia na ikkon tahindari tikki dinasehati?

⁴ Memang taakkui, ummaol do manjalo sipasingot sian akka dongan. Boi do gabe tersinggung hita. Boasa? Memang tasadari do hita jolma na mardosa. Alai molo adong dongan na paboahon hahurangatta, boi do gabe muruk hita. (Jaha Parjamita 7:9.) Olo do gabe membenarkan diri hita manang gabe ragu hita tu motif ni halak na mangalehon nasehat i, jala tersinggung hita tu carana pasahatton nasehat i. Bahkan olo do ra gabe talului hasalaanna, jala tadok di rohatta, ‘Ise haroa ibana? Ibana pe godang do hahuranganna!’ Ala dang lomo rohatta tu nasehatna i, gabe taabaihon ma i jala tapangido nasehat sian halak na asing na sesuai tu lomo ni rohatta.

5. Aha do na lao tabahas di artikel on?

⁵ Di artikel on tabahas ma akka contoh na adong di Bibel taringot akka halak na olo dohot na so olo manjalo nasehat. Dung i tabahas ma aha do na boi mangurupi hita asa rade manjalo nasehat, jala aha do manfaatna molo taulahon i.

AKKA HALAK NA SO OLO DINASEHATI

6. Parsiajaran aha do na boi tadapot sian Raja Rehabeam?

⁶ Saonari taida ma jo pengalaman ni si Rehabeam. Tikki baru gabe raja ibana di Israel, ro ma akka rakyatna tu ibana. Dipangido nasida ma asa diorui karejo ni nasida ala massai godang do karejo na dilehon bapakna si Salomo tu nasida. Dung i disukkun si Rehabeam ma pandapot ni akka natua-tua ni Israel taringot i. Didokkon natua-tua ni Israel, ikkon dioloi si Rehabeam do pangidoan ni rakyat i asa dioloi rakyat i ibana. (1 Raj. 12:3-7) Alai dirasa si Rehabeam dang cocok nasehat i. Gabe disukkun ibana ma pandapot ni akka donganna magodang. Umur ni akka donganna i hira-hira 40-an ma. Boi didok pasti nungnga godang pengalaman ni nasida. (2 Kron. 12:13) Alai di tikki i nasehat na so denggan do na dilehon nasida tu si Rehabeam. Didok nasida ikkon ditambai si Rehabeam do karejo ni rakyat i. (1 Raj. 12:8-11) Ala adong dua nasehat na berbeda, seharusna ikkon disukkun si Rehabeam do tu Jahowa nasehat na dia na ikkon ulahononna. Alai dang diulahon ibana i. Diihutton ibana do nasehat ni akka donganna i, ala dirasa ibana i do na lebih cocok. Akibatna gabe susa ma ibana dohot halak Israel. Parsiajaranna di hita, bisa jadi nasehat na tadapot dang cocok tu rohatta. Alai molo sian Bibel do nasehat i, ikkon taihutton do i.

7. Parsiajaran aha do na boi tadapot sian Raja Usia?

⁷ Saonari taida ma pengalaman ni Raja Usia. Dang olo ibana manjalo sipasingot. Di sada tikki masuk ma ibana tu bagas joro ni Jahowa, jala ditutung ibana ma dupa. Hape tikki i holan malim do na boi mangulahon i. Alani i, gabe dipasingot akka malim ni Jahowa ma ibana. Didok ma, “Ale Usia, dang bagianmu manutung dupa tu Jahowa! Holan akka malim do na boi manutung dupa.” Boha do reaksina? “Gabe muruk ma si Usia.” Molo serep rohana, ditangihon sipasingot ni akka malim i, jala kaluar ibana sian bagas joro i pasti diampuni Jahowa do ibana. Alai boasa dang olo ibana manjalo sipasingot? Ala raja ibana, ninna rohana boi lomo-lomona mangulahon manang aha pe. Alai gabe sogo do roha ni Jahowa tu tindakan ni si Usia i. Akibatna gabe marsahit kusta ma ibana “sahat tu na mate”. (2 Kron. 26:16-21) Sian pengalaman ni si Usia on, hita marsiajar dang soal aha tanggung jawabta di organisasi ni Jahowa, ikkon olo do hita manjalo sipasingot na sian Bibel. Molo dang olo hita, gabe sogo ma roha ni Jahowa tu hita.

AKKA HALAK NA OLO DINASEHATI

8. Boha do tanggapan ni si Job tikki dinasehati?

⁸ Di Bibel dipaboa do tong contoh ni akka halak na olo dinasehati jala ujungna dipasu-pasu Jahowa, misalna si Job. Halak na makkaholongi Debata do ibana jala las do rohana mangoloi Jahowa. Alai dang sempurna ibana. Hea do sala cara marpikkirna ala massai borat sitaononna. Alani i gabe dipasingot Jahowa dohot si Elihu ma ibana. Boha do tanggapan ni si Job? Serep do rohana, ditangihon ibana do nasehat i. Didok ibana, “Makkatai ma au, alai asal hupandok do hatakku . . . hutarik ma hatakki, hundul nama au di orbuk dohot di abu ala husolsoli hatakki.” Ala serep roha ni si Job, gabe dipasu-pasu Jahowa ma ibana.—Job 42:3-6, 12-17.

9. Boha do tanggapan ni si Musa dung dipasingot Jahowa?

⁹ Contoh na asing i ma si Musa. Olo do ibana manjalo sipasingot dung diulahon ibana kesalahan na serius. Di sada tikki ala muruk ibana, gabe dang dipasangap ibana be Jahowa. Ujungna dang dipaloas Jahowa si Musa masuk tu Tano na Dijanjihon i. (4 Mus. 20:1-13) Dung i dipangido si Musa do asa diuba Jahowa keputusanna i. Alai didok Jahowa, “Unang be hatai taringot i tu Au.” (5 Mus. 3:23-27) Dang gabe muruk si Musa. Dijalo ibana do keputusan ni Jahowa, jala toktong do ibana dipakke Jahowa mamimpin halak Israel. (5 Mus. 4:1) Jadi contoh na denggan do si Job dohot si Musa tu hita, ala olo nasida dinasehati dohot dipasingot. Si Job, olo do ibana menyesuaihon cara marpikkirna jala dang membenarkan diri ibana. Molo si Musa, olo do ibana manjalo sipasingot sian Jahowa. Toktong do ibana setia tung pe dang boi ibana dohot tu Tano na Dijanjihon i.

10. (a) Sesuai tu Poda 4:10-13, aha do manfaatna molo olo hita dinasehati? (b) Songon dia do sikap ni akka dongan na dipaboa di paragraf on tikki dinasehati nasida?

¹⁰ Denggan do molo tatiru si Job dohot si Musa. (Jaha Poda 4:10-13.) Godang do akka donganta naung maniru nasida. Misalna donganta si Imanuel, na tinggal di Kongo. Ibana mandok, “Adong do akka dongan na pasingotton au, ala diida nasida nungnga hampir mandao au sian Jahowa. Huihutton ma nasehat ni nasida, jala gabe terhindar ma au sian godang masalah.”b Sahalak perintis na margoar si Megan na sian Kanada mandok, “Memang dang lomo rohakku tu nasehat i. Alai huboto do massai porlu do nasehat i di au.” Donganta si Marko na tinggal di Kroasia mandok, “Hea do au dipasingot, bahkan sappe dicabut tanggung jawabhu di huria. Alai molo huingot-ingot muse, gabe sadar ma au sipasingot i do na mangurupi au asa jonok muse tu Jahowa.”

11. Parsiajaran aha do na boi tadapot sian donganta si Karl Klein?

¹¹ Contoh na asing i ma donganta si Karl Klein, sahalak sian anggota Punguan na Mangaradoti Organisasi. Di kisah hidupna dipaboa ibana, hea do ibana dipasingot donganta si Joseph F.Rutherford. Tegas do sipasingotna i, jala dang lomo roha ni si Klein tu sipasingot i. Tikki pajuppang muse nasida, dipakkulingi si Rutherford ma ibana, “Horas Karl.” Alai ala tersinggung dope si Klein, gabe holan dialusi sambing ma si Rutherford. Ro ma si Rutherford mandok, “Hati-hati da Karl. So tung dijorat Sibolis ho.” Ala maila ibana, dialusi ibana ma, “Ah, so na muruk au Brur.” Alai diboto si Rutherford do na jut dope rohana. Jadi didokkon ibana ma, “O ido ate. Alai hati-hati ma da. So tung dijorat Sibolis ho.” Didok si Klein ma di kisah hidupna i, “Tutu do na didokkon si Rutherford i! Molo haccit rohatta tu dongan na pasingotton hita . . .  gabe mura ma annon hita dijorat Sibolis.”c (Eps. 4:25-27) Jadi diulahon donganta si Klein do nasehat na dilehon si Rutherford, jala toktong do nasida marale-ale.

NA BOI MANGURUPI HITA ASA MURA MANJALO NASEHAT

12. Aha do manfaatna molo serep rohatta? (Psalmen 141:5)

¹² Aha do na boi mangurupi hita asa mura manjalo nasehat? Porlu do serep rohatta. Jala taingot ma hita jolma na so sempurna. Sipata olo do taulahon na sala. Songon naung tabahas nakkin, hea do sala cara marpikkir ni si Job. Alai olo do ibana menyesuaihon cara marpikkirna i, jala ujungna dipasu-pasu Jahowa do ibana. Boasa olo si Job mangulahon i? Ala serep do rohana. Olo do ibana dipasingot si Elihu, hape dao do upposo si Elihu sian ibana. (Job 32:6, 7) Jadi nang pe tarasa nasehat i dang cocok tu hita manang halak na mangalehon nasehat i upposo sian hita, taulahon do nasehat i molo serep rohatta. Sahalak sintua na tinggal di Kanada mandok, “Sipata dang boi taida hahurangatta sandiri. Jadi porlu do adong na pasingotton hita asa boi hita mambahen kemajuan.” Porlu do hita sude dipasingot asa boi lam denggan patuduhon parbue ni tondi parbadia jala asa gabe guru na lam terampil di ulaon marbarita.​—Jaha Psalmen 141:5.

13. Boha do seharusna sikapta tikki dipasingot?

¹³ Taanggap ma sipasingot i bukti holong ni Debata. Lomo do roha ni Jahowa asa denggan ngolutta. (Poda 4:20-22) Alani i ma dipasingot Ibana hita marhite Bibel, akka publikasi, dohot akka dongan. Heber 12:9, 10 mandok, dipasingot Debata do hita “lao mambahen na denggan tu hita”.

14. Sukkun-sukkun aha do na porlu tapikkirhon tikki dipasingot?

¹⁴ Fokus ma tu isi ni nasehat i, dang tu cara ni nasehat i dipasahat. Olo do sipata tarasa dang denggan cara ni sasahalak menasehati hita. Memang halak na mangalehon nasehat i pe, ikkon berupaya do mambahen asa mura dijalo nasehatna i.d (Gal. 6:1) Alai molo dipasingot hita, fokus ma hita tu isi ni nasehat i, nang pe tarasa hurang denggan cara ni sasahalak pasahatton i. Pikkirhon ma on, ‘Nang pe dang lomo rohakku tu carana pasingotton au, alai tutu do nasehatna i? Gabe berfokus tu hahuranganna do au, manang berfokus tu sipasingotna i?’ Molo taulahon nasehat na dilehon tu hita, i patuduhon halak na marbisuk do hita.—Poda 15:31.

MANFAATNA MANGIDO NASEHAT SIAN NA ASING

15. Boasa ikkon berinisiatif hita mangido nasehat?

¹⁵ Didok di Bibel, “Dapotan bisuk do halak na jolo marpanukkun.” (Poda 13:10, surat na di toru) Tutu do i! Biasana halak na mangido nasehat ukkatop do mambahen kemajuan sian halak na so olo mangido nasehat. Jadi denggan do molo berinisiatif hita mangido nasehat sian halak na asing.

16. Tikki sadihari do hita porlu mangido nasehat sian akka donganta?

¹⁶ Tikki sadihari do hita porlu mangido nasehat sian akka donganta? Taida ma piga-piga situasi on. (1) Sahalak donganta borua manogihon donganta naung berpengalaman gabe patnerna memandu studi. Dung sae studi, disukkun ibana ma tu patnerna i aha do na porlu dipadenggan sian carana memandu studi. (2) Sahalak donganta borua naeng manuhor pakkean. Disukkun ibana ma pandapot ni sahalak donganta borua na gabe teladan di huria. (3) Sahalak donganta bawa ditugasson marjamita, jala on do tugasna marjamita parjolo sahali. Dipangido ibana ma sahalak donganta naung berpengalaman manangihon jamitana i. Dung i disukkun ibana ma tu donganta i atik adong do na porlu dipadenggan sian carana marjamita. Nang pe nungnga sering sasahalak marjamita, denggan do molo dipangido ibana nasehat sian donganta naung berpengalaman, jala diihutton nasehat i.

17. Aha do na porlu taulahon tikki dinasehati?

¹⁷ Jadi molo di ari na naeng ro hita dipasingot manang dinasehati, taingot ma akka naung taparsiajari di artikel on. Toktong ma serep rohatta. Berfokus ma hita tu isi ni nasehat i, dang tu cara ni nasehat i dipasahat. Dung i, taulahon ma i. Dang adong sian hita na marbisuk mulai sian na tubu. Alai molo ‘tatangihon poda jala olo diajar-ajari, gabe halak na marbisuk ma hita’.​—Poda 19:20.