MAMBAHEN SISEAN
PARSIAJARAN 10
Marsitutu ma Hamu
Prinsipna: “Dang holan barita na uli na sian Debata na hulehon hami tu hamu, alai dohot do ngolunami sandiri. Ai massai holong do rohanami tu hamu.”—1 Tes. 2:8.
Aha do na Diulahon Jesus?
1. Tonton ma VIDEO, manang jaha ma Johannes 3:1, 2. Dung i pikkirhon ma sukkun-sukkun on:
Menurut hamu, boasa di tikki borngin si Nikodemus manjuppangi Jesus?—Ida ma Johannes 12:42, 43.
Sian peristiwa on, songon dia do Jesus patuduhon na marsitutu ibana mambahen sisean?
Aha do Parsiajaranna?
2. Ala tahaholongi akka halak marsitutu do hita mangurupi nasida asa gabe sisean.
Tiru ma Jesus
3. Marsiajar ma di tikki dohot di inganan na cocok tu parsiajar Bibelmuna. Olo do ra nungnga ditottuhon ibana ari dohot jam na cocok lao marsiajar Bibel. Didia do inganan na cocok di ibana lao marsiajar, di tempat karejona do, di jabuna do, manang di tempat umum? Molo boi dope, sesuaihon hamu ma jadwalmuna asa boi hamu marsiajar Bibel di tikki dohot di inganan na cocok tu ibana.
4. Taratur ma marsiajar. Molo dang boi hamu, unang ma pittor dibatalhon hamu marsiajar. Alai pikkirhon ma:
Boi dope hamu marsiajar di tikki na asing di bagasan saminggu i?
Boi do hamu marsiajar Bibel sian telepon manang sian video call?
Adong do penyiar na asing na boi manggattihon hamu memandu?
5. Martangiang ma asa toktong marpikkiran positif. Molo maol parsiajar Bibelmuna taratur marsiajar manang lambat mangulahon na diparsiajari ibana, pangido ma bantuan ni Jahowa asa boi hamu torus marsitutu mangurupi ibana. (Plp. 2:13) Ra godang do sifat ni parsiajar Bibelmuna i na denggan. Alani i martangiang ma hamu asa boi hamu fokus mangida akka sifatna na denggan i.