PELAJARAN 15
Ise do Sebenarna Jesus i?
Sian najolo hampir sude do halak hea mambege taringot Jesus. Alai dang godang dope na diboto halak taringot Jesus, nang pe diboto nasida goar i. Jala marasing-asing do pandapot ni nasida taringot ise sebenarna Jesus i. Alai menurut Bibel, ise do sebenarna Jesus i?
1. Ise do sebenarna Jesus i?
Sada suru-suruan manang malaikat na massai gogo do Jesus, na mangolu di surgo. Nungnga ditoppa Jahowa ibana sebelum ditoppa Jahowa akka na asing. Alani i ma Jesus didok “na parjolo ditoppa sian saluhutna”. (Kolosse 1:15) Didok do tong di Bibel Jesus ‘Anak sasada ni Debata’, alana holan Jesus do na langsung ditoppa Jahowa. (Johannes 3:16) Diurupi Jesus do Bapakna manoppa sude nasa na adong di alam semesta on. (Jaha Poda 8:30.) Jala holong hian do roha ni Jesus tu Jahowa. Las do roha ni Jesus pasahatton hata dohot paretta ni Jahowa. Alani i ma didok do Jesus i “Hata”.—Johannes 1:14.
2. Boasa ro Jesus tu tano on?
Hira-hira 2.000 taon naung salpu, dibahen Jahowa ma mukjizat. Dipakke Jahowa ma tondi parbadiana lao papindahon Jesus sian surgo tu bortian ni sada anak boru na margoar si Maria. Songon i ma carana Jesus tubu gabe jolma. (Jaha Lukas 1:34, 35.) Ro do Jesus tu tano on lao gabe Messias manang Kristus na dijanjihon i, na paluahon sude jolma sian dosa dohot hamatean.a Sude hatorangan naung dipaboa Bibel hian taringot Messias, terjadi do i tu diri ni Jesus. Gabe boi ma diboto akka halak Jesus i do ‘Kristus, Anak ni Debata na mangolu i’.—Mateus 16:16.
3. Didia do Jesus saonari?
Dung mate Jesus, dipahehe Jahowa ma ibana jala mulak muse tu surgo. Di surgo, “sangap do ibana dibahen Debata, dilehon do tu ibana inganan na untimbo sian ingananna hian”. (Pilippi 2:9) Jadi saonari, pamimpin ni akka suru-suruan do Jesus. Holan Jahowa nama na untimbo sian Jesus. Dang adong be na asing.
ASA LAM TAATTUSI
Taparsiajari ma muse taringot ise do sebenarna Jesus i jala boasa porlu taparsiajari taringot ibana.
4. Dang Debata Pargogo na So Hatudosan Jesus
Nang pe didok di Bibel Jesus i sada suru-suruan na massai gogo, alai unduk do ibana tu Bapakna, Jahowa. Sian dia taboto? Putar ma VIDEO asa taboto aha na didok Bibel taringot perbedaan ni Jesus dohot Jahowa, Debata Pargogo na So Hatudosan i.
On ma akka ayat na paboahon berbeda do Jahowa dohot Jesus. Jaha ma akka ayat i, dung i bahas ma sukkun-sukkunna:
Jaha Lukas 1:30-32.
Aha do na didok suru-suruan i na patuduhon dang sarupa Jesus dohot Jahowa, Debata “Natumimbul i”?
Jaha Mateus 3:16, 17.
Tikki tardidi Jesus, aha do didok soara na sian langit i?
Menurut hamu, soara ni ise do i?
Jaha Johannes 14:28.
Di ayat i, huaso ni ise do didok na umbalga? Ama i do manang anak i?
Didok Jesus do Jahowa i Bapakna. Aha do maksudna disi?
Jaha Johannes 12:49.
Menurut ayat on, didok Jesus do dirina sarupa songon Bapakna?
5. Akka bukti na patuduhon Jesus do Messias
Godang do akka hatorangan naung dipaboa di Bibel hian taringot Messias. Gabe boi ma diboto halak ise sebenarna Messias i, na dipillit Debata lao paluahon jolma sian dosa dohot hamatean. Putar ma VIDEO na patuduhon terjadi do sude akka hatorangan naung dipaboa Bibel hian taringot Messias.
Jaha ma akka hatorangan naung dipaboa Bibel hian taringot Messias, dung i bahas ma sukkun-sukkun on:
Jaha Mika 5:2 na paboahon didia do Messias tubu.b
Tutu do di inganan songon na didok ayat i Jesus tubu?—Mateus 2:1.
Jaha Psalmen 34:20 dohot Sakaria 12:10 na paboahon taringot parmate ni Messias.
Toho do terjadi songon na didok ayat i?—Johannes 19:33-37.
Menurut hamu, boi do dibahen-bahen Jesus asa terjadi pas songon na didok Bibel taringot dirina?
Jadi, pos do rohamuna molo Jesus i Messias?
6. Porlu do hita marsiajar taringot Jesus
Dipaboa do di Bibel, porlu do taparsiajari taringot Jesus dohot tugas na dilehon Debata tu ibana. Jaha Johannes 14:6 dohot 17:3, dung i bahas ma sukkun-sukkun on:
Boasa porlu taparsiajari taringot Jesus?
Jesus do na gabe dalan asa boi hita jonok tu Debata. Diajarhon Jesus do hasittongan taringot Jahowa, jala marhite Jesus boi ma tadapot hangoluan na saleleng ni lelengna
ADONG DO NA MANDOK: “Dang porsea Saksi Jahowa tu Jesus.”
Molo adong na mandok songon i, boha do alusmuna?
KESIMPULAN
Sada suru-suruan na massai gogo do Jesus. Anak ni Debata do ibana jala Messias.
Tinjauan
Boasa didok Jesus i “na parjolo ditoppa sian saluhutna”?
Aha do na diulahon Jesus sebelum ro ibana tu tano on?
Aha do buktina na tutu do Jesus i Messias?
LULUI MA
Jaha ma taringot tugas ni Jesus gabe Messias.
“Tutu do Jesus i Messias na Disurirangkon di Bibel?” (Artikel web)
Didok do di Bibel, Anak ni Debata do Jesus. Lapatanna na marianakkon do Debata songon jolma?
Jaha ma akka bukti na patuduhon dang sian Bibel ajaran Tritunggal.
Jaha ma taringot sahalak borua na gabe muba pandanganna taringot Jesus dung dijaha ibana sude isi ni Bibel.
“Diselidiki Sahalak Borua Halak Jahudi Muse Agamana” (Dungo ma!, Mei 2013)
a Lao dibahas ma annon di Pelajaran 26 dohot 27, boasa ikkon dipalua jolma sian dosa dohot hamatean jala boha carana Jesus paluahon hita.
b Ida ma akka hatorangan na dipaboa Bibel taringot Messias di Lampiran 2.