Sukkun-Sukkun sian na Manjaha

Tikki didok si Paulus dirina “songon poso-poso na tubu di na so tikkina”, aha do maksudna? (1 Korint 15:8)

Najolo publikasitta mandok na dimaksud si Paulus di ayat i, i ma pengalamanna mangida Jesus naung marmulia di surgo. Tadok do hira na mandapot hasangapon ibana lao ditubuhon muse manang dipahehe tu surgo marratus taon andorang so dimulai haheheon na tu surgo. Alai dung tabahen riset porlu do tasesuaihon pemahamanta taringot on.

Na dipaboa si Paulus dison, i ma taringot hamubaonna gabe halak Kristen. Alai, aha do maksudna tikki didok ibana dirina “tubu di na so tikkina”? Tabahas ma piga-piga kemungkinan boasa didok ibana songon i.

Hamubaon na dibahen si Paulus tung massai toppu masa. Molo adong bayi lahir prematur, pasti tarsonggot do natua-tuana. Songon i do na dihilala si Saulus (na digoari si Paulus). Tikki di pardalanan ibana naeng tu Damaskus lao menganiaya halak Kristen na disi, tarsonggot do ibana mangida Jesus Kristus naung dipahehe tu surgo. Alai dang holan si Paulus na tarsonggot, dohot do tong halak Kristen na di kota i tarsonggot mamboto na masa i. Ala massai toppu do kejadian i pasti mabiar hian do si Paulus jala sanga do ibana dang boi marnida.​—Ul. 9:1-9, 17-19.

Hamubaon ni si Paulus i masa di tikki na so pas. Hata Junani “songon poso-poso na tubu di na so tikkina” boi do tong lapatanna “songon poso-poso na tubu di tikki na so pas”. The Jerusalem Bible menerjemahon kalimat on gabe, “Dang adong na manduga au tubu.” Tikki muba si Paulus gabe halak Kristen, sasittongna nungnga di surgo Jesus. Berbeda do si Paulus sian akka halak na dipaboa ibana di akka ayat sebelumna. Molo halak i sanga dope mangida Jesus naung dipahehe sebelum nakkok tu surgo. (1 Kor. 15:4-8) Jadi hira di tikki na so pas do hamubaon ni si Paulus on, alana dang dirippu ibana boi diida ibana Jesus naung dipahehe.

Menurut piga-piga pakar, hata na didok si Paulus i hata na hira merendahkan dirina sandiri. Molo songon i do perasaanna, berarti si Paulus merasa dang layak gabe apostel. Jala i do na didok ibana, “Au do na ummetmet sian sude apostel, jala dang tama au didok apostel, ai hea do hubahen na haccit tu huria ni Debata. Alai ala asi ni roha ni Debata na massai balga i do umbahen na boi au songon saonari on.”—1 Kor. 15:9, 10.

Jadi tikki didok si Paulus dirina songon poso-poso na tubu di na so tikkina, olo do ra ala hamubaonna i toppu masa, ala mandapot parnidaan di tikki na so pas, manang ala merasa dang layak ibana gabe apostel. Manang aha pe alasanna, pasti berkesan hian do pengalaman i di si Paulus. Gabe lam pos do rohana nungnga dipahehe Jesus. Alani i ma, jotjot do dipaboa si Paulus pengalamanna i tikki mangajarhon haheheon ni Jesus tu akka halak.​—Ul. 22:6-11; 26:13-18.