-
Aha do na Didok Bibel Taringot Seks?Mangolu Saleleng ni Lelengna—Mangattusi Isi ni Bibel
-
-
PELAJARAN 41
Aha do na Didok Bibel taringot Seks?
Godang do halak na maila molo makkatai taringot seks. Alai terus terang do informasi na dipaboa Bibel taringot seks jala denggan do carana informasi i dipaboa. Bermanfaat do informasi i tu hita jala masuk akkal do i. Ala Jahowa do na manoppa hita, diboto Ibana do dia na terbaik tu hita. Dipaboa Ibana do boha carana asa boi pangalahotta palashon rohana jala asa boi hita marlas ni roha saleleng ni lelengna.
1. Boha do pandangan ni Jahowa taringot seks?
Tikki ditoppa Jahowa bawa dohot borua, dibahen Ibana do nasida boi mangulahon seks. Alai lomo do rohana asa holan halak naung menikah na mangulahon i. Dang holan asa marianakkon nasida mangulahon i. Alai asa boi do nasida patuduhon cintana dohot holong ni rohana tu pasanganna. Jala boi do on mambahen las roha ni nasida. Alani i ma didok di Bibel, “Sai marlas ni roha ma ho rap dohot istrim na nialapmu tikki poso.” (Poda 5:18, 19) Dipangido Jahowa do muse asa setia halak Kristen tu pasanganna. Jadi dang boi nasida selingkuh.—Jaha Heber 13:4.
2. Aha do maksudna ulaon seks na so patut?
Bibel mandok, “Halak na mangulahon seks na so patut . . . dang adong parbagiananna di Harajaon ni Debata.” (1 Korint 6:9, 10) Dipakke panurat ni Bibel do hata por·neiʹa di bahasa Junani lao patuduhon lapatan ni hata seks na so patut. Hata por·neiʹa on boi do lapatanna (1) bawa manang borua na mangulahon seksa tu na so pasanganna, (2) homoseksual, i ma bawa na mangulahon seks tu bawa manang borua na mangulahon seks tu borua, dohot (3) bestialitas, i ma bawa manang borua na mangulahon seks tu binatang. Molo ‘tapasiding diritta sian seks na so patut’, gabe las ma roha ni Jahowa jala godang do manfaat ni on tu diritta sandiri.—1 Tessalonik 4:3.
ASA LAM TAATTUSI
Taida ma boha do carana padaohon diri sian ulaon seks na so patut jala boha do carana asa toktong ias pikkiranta dohot pangalahotta.
3. Pasiding ma dirimuna sian seks na so patut
Di Bibel adong dipaboa taringot sahalak bawa na margoar si Josep. Tikki digoda sahalak borua ibana mangulahon seks, barani do ibana menolak i. Jaha 1 Musa 39:1-12, dung i bahas ma sukkun-sukkun on:
Boasa barani si Josep menolak godaan i?—Ida ayat 9.
Menurut hamu, denggan do keputusan na dibahen si Josep i? Boasa?
Boha do cara ni akka na poso saonari maniru si Josep jala padaohon diri sian ulaon seks na so patut? Putar ma VIDEO.
Dipangido Jahowa do asa sude hita padaohon diri sian ulaon seks na so patut. Jaha 1 Korint 6:18, dung i bahas ma sukkun-sukkun on:
Di situasi na songon dia do sasahalak boi tergoda mangulahon seks na so patut?
Boha do carana asa boi dipadao hamu dirimuna sian ulaon seks na so patut?
4. Boi do hamu menolak godaan
Aha do na mambahen maol menolak godaan lao mangulahon seks na so patut? Putar ma VIDEO, dung i bahas ma sukkun-sukkun on:
Aha do na diulahon dongan na di video i, dung diboto ibana nungnga mulai tergoda ibana tu sahalak borua?
Olo do maol dihilala halak Kristen manjaga pikkiranna asa toktong ias. Boha do carana asa unang sai tapikkiri akka na so suman? Jaha Pilippi 4:8, dung i bahas ma sukkun-sukkun on:
Akka aha do na porlu tapikkirhon?
Aha do manfaatna molo taratur hita manjaha Bibel jala toktong tajaga hubungatta tu Jahowa?
5. Godang do manfaatna molo taihutton aturan ni Jahowa
Diboto Jahowa do dia na terbaik tu hita. Dipaboa Ibana do boha carana asa toktong ias pangalahotta. Jala dipaboa Ibana do aha manfaatna mangulahon i. Jaha Poda 7:7-27 manang putar ma VIDEO, dung i bahas ma sukkun-sukkun on:
Boasa sappe tergoda doli-doli i mangulahon seks na so patut?—Ida Poda 7:8, 9.
Menurut Poda 7:23, 26, adong do akibatna molo taulahon seks na so patut. Aha ma akibatna molo dang tajaga pangalahotta toktong ias?
Aha do upa na lao lehonon ni Jahowa haduan molo tajaga pangalahotta dohot pikkiranta toktong ias?
Adong do na mandok, terlalu membatasi do aturan na dipaboa di Bibel taringot seks. Alai Debata na parholong do Jahowa. Lomo do rohana asa sude halak mangolu saleleng ni lelengna. Asa boi dapotta i, ikkon taihutton do aturanna di ngolutta. Jaha 1 Korint 6:9-11, dung i bahas ma sukkun-sukkun on:
Molo di Debata, holan halak na homoseksual do na sala?
Sude do hita porlu muba asa boi palashon roha ni Debata. Molo taulahon i aha ma manfaatna? Jaha Psalmen 19:8, 11, dung i bahas ma sukkun-sukkun on:
Menurut hamu, masuk akkal do molo taihutton aturan ni Jahowa taringot seks? Boasa didok hamu songon i?
Nungnga godang na diurupi Jahowa mangihutton aturanna taringot seks. Boi do tong diurupi Ibana hamu
ADONG DO NA MANDOK: “Dang pola boha mangulahon seks tu manang ise pe. Na penting mau sama mau.”
Molo adong na mandok songon i, boha ma alusmuna?
KESIMPULAN
Jahowa do na mambahen suami dohot istri boi mangulahon seks asa las roha ni nasida.
Tinjauan
Akka aha ma na termasuk ulaon seks na so patut?
Boha do carana asa boi dipadao hamu dirimuna sian ulaon seks na so patut?
Aha do manfaatna molo taihutton aturan ni Jahowa taringot seks?
LULUI MA
Boasa diorai Jahowa rap tinggal bawa dohot borua na so menikah dope?
“Sala do Molo Rap Tinggal na Marhallet Hape Dang Menikah Dope?” (Artikel web)
Aturan Bibel taringot seks dang na manjujui hita asa marsogo ni roha tu halak na homoseksual.
Aha do manfaatna molo taihutton aturan ni Debata taringot seks?
“Sarupa do na Mangulahon Seks Oral tu na Mangulahon Hubungan Seks?” (Artikel web)
Di artikel na marjudul “Burju do Nasida tu Au”, jaha ma boasa sahalak bawa na homoseksual hian boi muba jala palashon roha ni Debata.
“Bibel Mambahen Denggan Ngolukku” (Joujou Paboahon, 1 April 2011)
a Na didokna dison, termasuk ma berhubungan badan, seks oral, seks anal, dohot manjama-jama alat kelamin ni halak.
-
-
Boha do Didok Bibel taringot Halak na So Menikah dohot na Menikah?Mangolu Saleleng ni Lelengna—Mangattusi Isi ni Bibel
-
-
PELAJARAN 42
Boha do Didok Bibel taringot Halak na So Menikah dohot na Menikah?
Di piga-piga daerah, adong do halak na mandok ikkon menikah do sasahalak asa boi ibana bahagia. Hape sebenarna dang sude halak na menikah i bahagia, jala belum tentu halak na so menikah i dang bahagia. Didok Bibel, pasu-pasu sian Jahowa do molo tung pe menikah sasahalak manang dang menikah.
1. Aha do manfaatna molo dang menikah sasahalak?
Didok di Bibel, “Denggan do molo marhasohotan sasahalak, alai dumenggan do molo dang marhasohotan sasahalak.” (Jaha 1 Korint 7:32, 33, 38.) Boasa didok Bibel “dumenggan” molo dang marhasohotan sasahalak? Alana halak Kristen na so marhasohotan manang na so menikah, dang pola ikkon mangurus kebutuhan ni pasanganna. Jadi umbebas do nasida daripada halak na menikah. Contohna gabe lam godang ma tikki ni nasida tu Jahowa. Godang ma na boi diulahon nasida, songon marbarita na uli tu luat na asing. Jala na paling penting, unggodang do tikki ni nasida lao patoguhon hubungan ni nasida tu Jahowa.
2. Aha do manfaatna molo sah menikah bawa dohot borua?
Adong do manfaat na dihilala halak na menikah. Bibel mandok, “Dumenggan do dua halak sian na sahalak.” (Parjamita 4:9) Boi do dihilala akka halak naung menikah on molo diihutton nasida prinsip ni Bibel. Molo sah bawa dohot borua menikah, pasti marjanji do nasida asa saling setia, masihaholongan, jala masipasangapan. Hasilna gabe tenang ma dihilala nasida, dibandingkon molo holan rap tinggal nasida alai dang menikah. Jala gabe boi ma denggan dipabalga-balga nasida ianakkon ni nasida. Gabe bahagia ma keluarga i.
3. Boha do pandangan ni Jahowa taringot perkawinan?
Tikki dibahen Jahowa perkawinan na parjolo, didok Ibana do, “Ikkon tadikkonon ni bawa ma omakna dohot bapakna, asa toktong rap dohot istrina.” (1 Musa 2:24) Lomo do roha ni Jahowa asa masihaholongan suami dohot istri. Jala setia nasida tu pasanganna saleleng nasida mangolu. Diloas Jahowa pe nasida marsirang, holan molo na adong do sian nasida na mangulahon seks tu na asing. Alai diloas Jahowa do suami manang istri na dihianati i mamutusson sandiri, naeng disirakkon do pasanganna i manang na dang.a (Mateus 19:9) Jala dang lomo roha ni Jahowa adong lobi sian sada suami manang istri ni halak Kristen.—1 Timoteus 3:2.
ASA LAM TAATTUSI
Taida ma boha do carana asa las rohamuna jala las roha ni Jahowa tu hamu, dang soal nga menikah hamu manang dang menikah dope.
4. Aha do na boi diulahon sasahalak molo dang menikah ibana?
Menurut Jesus, pasu-pasu sian Jahowa do molo boi sasahalak dang menikah. (Mateus 19:11, 12) Jaha Mateus 4:23, dung i bahas ma sukkun-sukkun on:
Aha do na boi diulahon Jesus ala dang menikah ibana?
Boi do las roha ni halak Kristen na so menikah molo ditiru nasida teladan ni Jesus. Putar ma VIDEO, dung i bahas ma sukkun-sukkun on:
Aha do na boi diulahon halak Kristen na so menikah?
Diboto hamu do?
Dang dipaboa Bibel umur sadia sasahalak boi menikah. Alai didok Bibel, ikkon dipaima sasahalak do sappe “cukkup umurna”. Alana molo nga cukkup umurna, dang alani nafsu be ibana menikah.—1 Korint 7:36.
5. Marbisuk ma mamillit pasanganmuna
Sada sian keputusan na paling penting do di ngolumuna mamillit halak na lao gabe pasanganmuna. Jaha Mateus 19:4-6, 9, dung i bahas ma sukkun-sukkun on:
Aha do akibatna molo dang jolo manat dipikkiri sasahalak keputusanna lao menikah?
Dipaboa do di Bibel akka sifat na songon dia na porlu taida sian calon pasanganta. Alai na paling penting, ikkon holong do rohana tu Jahowa.b Jaha 1 Korint 7:39 dohot 2 Korint 6:14. Dung i bahas ma sukkun-sukkun on:
Boasa ikkon tu dongan sahaporseaon hita menikah?
Menurut hamu, boha do perasaan ni Jahowa molo menikah hita tu halak na so makkaholongi Ibana?
Molo dibahen dua binatang na so sarupa balgana dohot jenisna membajak, pasti haccitan do duassa binatang i. Dos songon i ma, molo menikah halak Kristen tu halak na so manomba Jahowa, pasti godang do masalah na dihadapi nasida
6. Tatiru ma pandangan ni Jahowa taringot perkawinan
Adong do akka bawa di jaman ni halak Israel najolo na lomo-lomona manirakkon istrina. Jaha Maleaki 2:13, 14, 16, dung i bahas ma sukkun-sukkun on:
Boasa sogo roha ni Jahowa molo adong halak na lomo-lomona manirakkon pasanganna?
Molo marsirang suami dohot istri ala adong na selingkuh, pasti haccit hian do dihilala pasanganna na diselingkuhi i dohot ianakkonna
Putar ma VIDEO, dung i bahas ma sukkun-sukkun on:
Molo dang manomba Jahowa suami manang istrimuna, boha do carana asa bahagia rumah tanggamuna?
7. Ihutton ma aturan ni Jahowa taringot perkawinan
Adong do ra halak na maol mangihutton aturan ni Jahowa taringot perkawinan.c Alai molo berusaha nasida mangihutton i, pasti diurupi Jahowa do nasida. Putar ma VIDEO.
Jaha Heber 13:4, dung i bahas ma sukkun-sukkun on:
Menurut hamu, masuk akkal do aturan ni Jahowa taringot perkawinan? Boasa didokkon hamu songon i?
Dipangido Jahowa do asa unduk halak Kristen tu peraturan ni pamaretta. Contohna, molo naeng menikah manang marsirang nasida, ikkon diihutton nasida do peraturan ni pamaretta taringot i. Jaha Titus 3:1, dung i bahas ma sukkun-sukkun on:
Molo nga menikah hamu, nungnga diihutton hamu peraturan ni pamaretta taringot perkawinan?
ADONG DO NA MANDOK: “Molo dang cocok be hamu tu pasanganmuna, tumagon ma marsirang.”
Molo adong na mandok songon i, boha do alusmuna?
KESIMPULAN
Pasu-pasu sian Jahowa do molo menikah sasahalak manang dang menikah. Boi do las roha ni nasida molo diulahon nasida lomo ni roha ni Jahowa.
Tinjauan
Aha do na boi diulahon halak na so menikah?
Boasa didok Bibel ikkon tu dongan sahaporseaon hita menikah?
Holan alani aha do didok Bibel suami dohot istri boi marsirang?
LULUI MA
Aha do lapatanna menikah tu halak na “mangihutton Tuan”?
“Sukkun-Sukkun sian na Manjaha” (Joujou Paboahon, 1 Juli 2004)
Tonton ma dua video na boi mangurupi hamu mambahen keputusan taringot marhallet dohot menikah.
Tonton ma pengalaman ni sahalak bawa na makkilala unggodang do pasu-pasu na dilehon Jahowa tu ibana sian akka naung ditinggalhon ibana.
Aha do na porlu dipikkirhon sasahalak sebelum marsirang ibana manang padao-dao dohot pasanganna?
“Mangargai ‘Naung Pinadomu ni Debata’” (Joujou Paboahon, Desember 2018)
a Ida Lampiran 4 alasanna suami dohot istri boi padao-dao.
b Di piga-piga daerah, natua-tua do na mamillit ise na lao gabe parumaen manang helana. Molo songon i do situasina, porlu do diingot natua-tua, unang ma holan hepeng manang hasangapon na diida nasida sian calon parumaenna i manang helana i. Alai holongna tu Jahowa ma na porlu diida natua-tua.
c Molo rap tinggal hamu dohot sasahalak alai dang menikah dope hamu dohot ibana, hamu do na mamutusson naeng menikah do hamu dohot ibana manang naeng tinggalhononmu do ibana.
-