PERPUSTAKAAN ONLINE Joujou Paboahon
PERPUSTAKAAN ONLINE
Joujou Paboahon
Batak (Toba)
  • BIBEL
  • PUBLIKASI
  • PARPUNGUAN
  • km 1/15 hlm. 2
  • Pangula ni Debata Tongtong ma Marhamajuon

Dang adong video na diparade di pilihan on.

Maaf, adong gangguan tikki lao mambukka video on.

  • Pangula ni Debata Tongtong ma Marhamajuon
  • Panghobasion Harajaonta—2015
  • Bahan na Sarupa
  • Ingkon Marparbue jala Marale-ale tu Jesus
    Jesus—Dalan, Hasintongan, dohot Hangoluan
  • Dihaholongi Jahowa do Halak na “Marparbue di Bagasan Habengeton”
    Joujou Paboahon Barita Harajaon Ni Jahowa (Edisi Siparsiajaran)—2018
Panghobasion Harajaonta—2015
km 1/15 hlm. 2

Pangula ni Debata Tongtong ma Marhamajuon

1. Tudosan dia ma sian abad parjolo na patuduhon molo hita porlu asa sai mambahen hamajuon?

1 Ala pangula ni Debata, porlu halak Karisten mambahen hamajuon. Alani i do Jesus sai tongtong mangajarajari siihuthon ibana asa lam malo marbarita na uli. (Luk. 9:1-5; 10:1-11) I do muse mambahen si Akuila dohot si Priskila manogihon si Apolos jala ”dipajojor ma dalan ni Debata tumangkas tu ibana”. (Kis. 18:24-26) I do muse alana boasa si Paulus mangonjar roha ni si Timoteus, parbarita na marparniahapan, asa tongtong marsitutu di pangajarion ”asa patar diida sude” hamajuonna. (1 Tim. 4:13-15) Naung sadia leleng pe hita gabe pangula ni Tuan na mambaritahon barita na uli, porlu sai tapalehet marbarita.

2. Songon dia do hita boi marsiajar sian angka donganta?

2 Marsiajar ma sian Angka Donganta: Na boi mangurupi hita asa lam malo marbarita i ma marsiajar sian angka dongan. (Poda. 27:17) Alani i, parrohahon ma tingki donganta pasahathon barita tu parjabu. Jalo ma poda sian parbarita na malo jala tangihon ma denggan. (Poda. 1:5) Hurang do pos ni rohamu tingki laho manjumpangi muse, mamungka parsiajaran Bibel, manang mangulahon ragam ni parbaritaon na asing? Subo ma pangido asa pangaradoti kelompok muna manang sahalak parbarita na malo mangajari hamu. Jala, ingot ma tondi parbadia ni Jahowa boi mangurupi hamu asa lam malo, alani i sai pangidohon ma marhite tangiang.​—Luk. 11:13.

3. Songon dia do sasintongna hita mangalusi molo adong na mangalehon poda na so tapangido?

3 Unang hansit rohanta molo adong na mangalehon poda asa lam malo hita marbarita, nang pe dang tapangido. (Pjm. 7:9) Songon si Apolos, jalo ma pangurupion mardongan serep ni roha dohot hamuliateon. On ma dalan habisuhon.​—Poda. 12:15.

4. Mangihuthon hata ni Jesus, boasa hita porlu gabe parbarita na sai marhamajuon?

4 Hamajuonta Pasangaphon Debata: Marhite tudosan, Jesus manjujui siihuthon ibana asa gabe pangula ni Debata na marhamajuon. Dipatudos do dirina tu hau anggur jala siihuthon ibana na nimiahan songon angka rantingna. Didok ibana paiashon ni damang do ganup ranting na marparbue ”asa ganda parbuena i”. (Joh. 15:2) Dos songon nampuna porlak anggur lomo rohana molo anggurna i godang parbuena, Jahowa pe lomo rohaNa asa hita lam malo manambai ”parbue ni bibir”. (Heb. 13:15) Aha do labana molo hita gabe parbarita na sai marhamajuon? Jesus mangalehon alus, ”Marsangap ma Damang molo mamparbuehon na godang hamu.”​—Joh. 15:8.

    Publikasi Bahasa Batak (Toba) (2013-2025)
    Kaluar
    Masuk
    • Batak (Toba)
    • Bagihon
    • Pengaturan
    • Copyright © 2025 Watch Tower Bible and Tract Society of Pennsylvania
    • Aturan Lao Mamakke
    • Kebijakan Privasi
    • Pengaturan Privasi
    • JW.ORG
    • Masuk
    Bagihon