’Berjalanlah dengan Iman, Bukan dengan Apa yang Kelihatan’

Andorang so diripashon Jerusalem, nunga disurat apostel Paulus molo halak Kristen, ingkon marsihohot tu parenta ni Jesus, mangadopi haporsuhon jala unang mangkaringkothon arta portibi. (2 Tim. 2:3, 4) Ingkon togu do haporseaonta asa tongtong jaga hita di partondion laho mangadopi hasusaan di portibi na jahat on. (2 Kor. 4:18; 5:7) Tonton ma video, ’Berjalanlah dengan Iman, Bukan dengan Apa yang Kelihatan’. (Ida ma jw.org, di toru ni PUBLIKASI > VIDEO.) Parrohahon ma songon dia arta portibi gabe jorat na parohon jea tu si Naham dohot si Abital. Laos talului ma alus ni sungkunsungkun na di toru on.

(1) Aha do lapatan ni ayat na mandok, ”Idaonmuna ma Sihabiaran na mansai jorbut . . . Jongjong ma i di inganan na badia”, jala aha do na porlu ulahonon ni halak Kristen na adong di Jerusalem di tingki i? (Mat. 24:15, 16, Bibel siganup ari) (2) Boasa porlu haporseaon na togu laho ruar sian Jerusalem? (3) Aha do na ingkon tadingkonon ni nasida asa boi ruar sian Jerusalem? (4) Boasa si Naham dohot si Abital marlembalemba? (Mat. 24:17, 18) (5) Aha do na diadopi si Rahel dung manadingkon Jerusalem? (Mat. 10:34-37; Mrk. 10:29, 30) (6) Songon dia do si Etan gabe tiruan na denggan tingki patuduhon haporseaon tu Jahowa? (7) Aha do hasusaan na diadopi halak Kristen di Pella? (8) Boasa lam gale haporseaon ni si Naham dohot si Abital? (9) Songon dia do Jahowa mamparrohahon halak Kristen di Pella? (Mat. 6:33; 1 Tim. 6:6-8) (10) Songon dia do hita maniru si Abraham dohot si Sarah, tingki taadopi ajal ni hasiangan on? (Heb. 11:8-10) (11) Aha do na mambahen si Naham dohot si Abital mulak tu Jerusalem, jala boasa ndang denggan pingkiran sisongon i? (Luk. 21:21) (12) Aha do na masa di Jerusalem dung mulak si Naham dohot si Abital? (13) Boasa ingkon togu haporseaonta saonari—andorang so ro ajal ni hasiangan on?—Luk. 17:31, 32; 21:34-36.

Marhaporseaon lapatanna (1) porsea tu tudutudu ni Jahowa, (2) mangihuthon jala mangulahon tudutudu sian Jahowa di parngoluon, jala (3) patudu ma na rumingkot do ulaon partondion sian arta portibi. Molo marhaporseaon hita di ngolunta, pos ma rohanta, ”na laho salpu do portibi on rap dohot na pinarhagiotna; alai na mian ro di salelenglelengna do na mangulahon lomo ni roha ni Debata”.—1 Joh. 2:17.