BAGIAN 8

Aha do Manfaat ni Hamatean ni Jesus tu Hamu?

Mate pe Jesus asa boi do hita mangolu salelengna. Johannes 3:16

Diida akka borua ma naung kosong kuburan ni Jesus

Tolu ari dung mate Jesus, ro ma akka borua tu kuburanna. Diida ma naung kosong kuburan i. Nungnga dipahehe Jahowa be Jesus sian hamatean.

Dijuppangi Jesus ma akka donganna, dung i diida nasida ma Jesus nakkok tu surgo

Dung dipahehe Jesus, dijuppangi ibana ma akka siseanna.

Dipahehe Jahowa ma Jesus gabe suru-suruan na gogo jala dang na lao mate be ibana. Diida akka siseanna do Jesus nakkok tu surgo.

Dipahehe Debata do Jesus jala dibahen do ibana gabe Raja ni Harajaon ni Debata. Daniel 7:13, 14

Mamaretta ma Jesus sian surgo tu sude jolma na di tano on

Rela do Jesus mate lao manobus jolma sian dosa. (Mateus 20:28) Alani tobusan i, dilehon Debata ma tu hita kesempatan lao mangolu salelengna.

Dilantik Jahowa ma Jesus gabe Raja na mamaretta tu tano on. Rap mamaretta do ibana dohot 144.000 halak na setia na dipahehe tu surgo. Digoari do pamarettaon i Harajaon ni Debata.—Pangungkapon 14:1-3.

Bahenon ni Harajaon ni Debata ma sude tano on gabe songon Taman Eden. Dang adong be porang, hajahaton, na pogos, dohot kelaparan. Marlas ni roha ma sude jolma.—Psalmen 145:16.