Mulai bulan September, adong presentasi baru di Hangoluan dohot Pangkobasion ni Halak Kristen na marjudul ”Ajarhon ma Hasintongan”. Tujuan ni presentasi on laho paboahon hasintongan na sian Bibel marhite sungkunsungkun dohot ayat ni Bibel.

Molo dijangkon, boi do talehon sijahaon na asing manang patuduhon video sian jw.org. Hatop ma jumpangi muse laho manguduti naung taulas. Presentasi baru on dibuat sian kesimpulan na adong di buku Aha do na Diajarhon Bibel tu Hita? Disi, boi do taida sungkunsungkun dohot ayat na asing, na boi mangurupi hita laho manjumpangi muse manang mambahen parsiajaran holan mamangke Bibel.

Holan sada do dalan tu hangoluan. (Mat 7:13, 14) Ala marragam do agama dohot hasomalan ni halak na tajumpangi, tapasahat ma hasintongan na sian Bibel, na pas tu situasinasida. (1Tim 2:4) Lam tamba ma las ni rohanta molo lam tangkas taboto hasintongan sian Bibel jala lam malo hita ”padalanhon hata hasintongan i tigortigor”.​—2Tim 2:15.

Sude halak mamorluhon pangapulion. (Pjm 4:1) Saleleng bulan September, tabahen do kampanye laho mansarhon Joujou Paboahon, na paboahon taringot pangapulion. Lehon ma majalah on tu sude halak na olo. Alai, dumenggan do molo hita sandiri na paboahon barita pangapulion i tu nasida. Alani i, unang ma tatadingkon majalah on di jabu na so adong halakna.

ISARA MANGALEHON

”Sude hita manghaporluhon pangapulion. Alai, didia do boi tadapot pangapulion? [Jahahon 2 Korint 1:3, 4.] Majalah Joujou Paboahon on mangulas taringot pangapulion na sian Debata.”

Molo olo nasida manjangkon,  . . .

PATUDU MA VIDEO BOASA RINGKOT MARSIAJAR BIBEL?

Jujui ma asa marsiajar Bibel.

MARSITUTU MA LAHO MANJUMPANGI MUSE

Bahen ma sungkunsungkun na laho diulas tingki manjumpangi muse, songon ”Boasa godang hasusaan?”