Lam Tu Dengganna Marbarita​—Mambahen Surat

BOASA RINGKOT: Buku 1 Korint ma termasuk sada surat na dibahen si Paulus laho patoguhon halak Kristen. Tingki mambahen surat, boi do tapingkirhon dia hata na dumenggan. Jala surat na tabahen i pe boi dijaha angka halak manang sadihari pe. Surat boi gabe sada cara na denggan laho marbarita tu keluarga dohot halak naung tatanda. Jala sada cara na denggan do on laho marbarita tu halak na so adong tingkina laho mangkata-hatai. Umpamana, adong do halak na berminat alai jotjotan ndang adong di jabu. Adong do muse na maol dijumpangi ala tading di apartemen, perumahan, manang di inganan na mansai dao. Aha do na porlu taingot tingki naeng mambahen surat?

CARA MANGULAHON I:

• 

  Pangke ma angka hata na somal dipangke tingki mangkata-hatai. Di mula ni surat i, patandahon ma dirimuna jala paboa ma boasa dibahen hamu surat i. Boi do tong dibahen hamu sungkun-sungkun asa dirimangi ibana. Jala togihon ma ibana mangida situs webta. Dung i, paboa ma tu ibana taringot Parsiajaran Bibel Online, manang ulaon marsiajar Bibel di jabu. Boi do muse dipaboa hamu piga-piga judul parsiajaran na adong di bukunta. Boi do tong dipamasuk hamu kartu kontak, undangan, manang risalah

• Unang paganjanghu, annon gabe loja na manjaha.​—Ida ma contoh surat

• Pareso ma muse surat i, atik na adong dope hata na sala. Bahen ma surat i asa rapi jala mura jahaon. Pangke ma hata na denggan jala pantun. Unang ma lupa mambahen perangko