HANGOLUAN NI HALAK KRISTEN
Cara Asa Lam Solhot di Parsaripeon
Gabe sitiruon do si Abraham dohot si Sara tu akka suami istri. Masihaholongan do nasida jala masipasangapan. (1Mus 12:11-13; 1Ptr 3:6) Nang pe dang sempurna parsaripeon ni nasida, alai boi do nasida toktong martahan mangadopi sitaonon. Aha do na boi ditiru suami istri sian nasida?
Jotjot ma hamu na dua makkata-hatai. Molo posi hata ni suami manang istrimuna, unang ma pittor jut rohamuna. Coba ma attusi boha pangkilalaanna. (1Mus 16:5, 6) Atur ma tikkimuna asa boi rap padua-dua. Toktong ma patudu na holong rohamuna tu suami manang istrimuna marhite pakkataion dohot parniulaonmuna. Na urrikkot, toktong ma patogu parale-aleonmuna tu Jahowa marhite rap marsiajar, martangiang, dohot ibadat keluarga. (Pjm 4:12) Silehon-lehon sian Jahowa do parsaripeon. Molo togu parsaripeonmuna, na pasangaphon Jahowa do hamu disi.
TONTON MA VIDEO CARA ASA LAM SOLHOT DI PARSARIPEON, DUNG I ALUSI MA SUKKUN-SUKKUN ON:
Di video i, aha ma na patuduhon dang solhot be parsaripeon ni si Shaan dohot si Kiara?
Boasa rikkot dipaboa hamu na di rohamuna tu suami manang istrimuna?
Songon dia do si Abraham dohot si Sara gabe sitiruon di si Shaan dohot si Kiara?
Aha do na diulahon si Shaan dohot si Kiara lao patoguhon parsaripeon ni nasida?
Boasa rikkot botoon ni akka suami istri dang adong parsaripeon na sempurna?
Boi do hamu patoguhon parsaripeonmuna!