HANGOLUAN NI HALAK KRISTEN

Aha do na Taparsiajari sian Pengalaman ni Akka Donganta?

Molo adong donganta di huria naung leleng gabe Sitindangi, boi do hita marsiajar sian cara ni nasida mangasahon Jahowa. Tasukkun ma tu nasida taringot sejarah ni organisasi. Asing ni i, boi tasukkun muse songon dia Jahowa mangurupi nasida tikki mangadopi sitaonon. Taundang ma nasida tu Ibadat Keluarganta, jala tasukkun ma pengalaman ni nasida.

Tu hamu naung leleng gabe Sitindangi, caritahon ma pengalamanmuna tu akka na poso taringot songon dia Jahowa mangurupi hamu. Si Jakkob dohot si Josep pe dicaritahon nasida do pengalamanna tu ianakkonna dohot pahoppuna. (1Mus 48:21, 22; 50:24, 25) Disuru Jahowa do akka kepala keluarga asa paboahon tu akka ianakkonna taringot huaso ni Jahowa. (5Mus 4:9, 10; Ps 78:4-7) Jadi akka natua-tua dohot dongan di huria, caritahon ma tu akka na poso aha naung dibahen Jahowa tu organisasina.

TONTON MA VIDEO TONGTONG MARSADA NANG PE DIORAI PAMARENTA, DUNG I ALUSI MA SUKKUN-SUKKUN ON:

Songon dia kantor cabang Austria, mangurupi akka dongan di negara na mangorai ulaonta?
Songon dia akka donganta i manjaga asa toktong togu haporseaon nasida?
Boasa piga-piga donganta di Rumania manadikkon organisasi? Jala songon dia nasida mulak muse tu organisasi?
Songon dia pengalaman i boi patoguhon hamu?

Gambar: Potongan gambar sian video ‘Tongtong Marsada Nang pe Diorai Pamarenta.’ 1. Peta na patuduhon, akka negara na di Eropa Timur na diorai pamaretta ulaonta. 2. Mesin cetak na gelleng. 3. Akka donganta di Rumania marsihaolan. — Parsiajari ma pengalaman ni akka donganta naung leleng gabe Sitindangi!