Referensi tu Parpunguan Hangoluan dohot Pangkobasion na Laho Diparsiajari
3-9 MEI
ARTA NA ARGA NA ADONG DI BIBEL 4 MUSA 27-29
“Tiru ma Jahowa na So Paimbar-imbarhon”
w13-IN 15/6 10 ¶14
Argai ma Akka Parange ni Jahowa
14 Lima anak boru i ro manjuppangi si Musa jala didok, “Unang ma ala dang adong bawa anak ni bapaknami i, gabe mago goarna sian tonga-tonga ni keluargana.” Didok nasida ma, “Lehon ma tu hami parbagianan ni bapaknami i dos songon haha anggi ni bapaknami.” Alai dang didok si Musa tu nasida, ‘Nga songon i peraturanna.’ Alai “dipaboa si Musa ma parsoalan i tu Jahowa”. (4 Mus. 27:2-5) Songon dia do alus ni Jahowa tu si Musa? Didok Jahowa ma tu si Musa, “Sittong do na nidok ni boru ni si Zelapehat i. Ikkon lehononmu do parbagianan di nasida songon parbagianan ni akka haha anggi ni bapak ni nasida. Lehon ma parbagianan ni bapak ni nasida i tu nasida.” Gabe sada peraturan ma i dibahen Jahowa. Didok Jahowa ma tu si Musa, “Molo mate sahalak ama alai dang adong anakna bawa, ikkon lehononmuna do parbagiananna i tu akka boruna.” (4 Mus. 27:6-8; Jos. 17:1-6) Mulai sian i, molo adong borua di Israel na makkilala songon i, ikkon mandapot parbagianan do nasida.
w13-IN 15/6 11 ¶15
Argai ma Akka Parange ni Jahowa
15 Massai denggan do keputusan ni Jahowa on! Burju do Ibana tu akka borua, tarlumobi tu akka borua na susa. Denggan do dibahen Jahowa tu nasida songon na dibahen Ibana tu akka halak Israel na so susa. (Ps. 68:5) On ma sada contoh sian godang akka contoh na disurat di Bibel, na patuduhon molo Jahowa i dang hea paimbar-imbarhon naposona.—1 Sam. 16:1-13; Ul. 10:30-35, 44-48.
w13-IN 15/6 11 ¶16
Argai ma Akka Parange ni Jahowa
16 Songon dia do hita maniru Jahowa dang paimbar-imbarhon halak na asing? Sian parange on adong dua na boi taboto. Ikkon parjolo do adong parange sisongon i di hita. Dung i, gabe boi ma hita dang paimbar-imbarhon halak na asing. Olo do didok rohatta dang tapaimbar-imbar halak na asing. Alai denggan ma tasukkun diritta, tutu do naung tabahen songon i? Molo songon i, songon dia do caratta lao mamboto na so tapaimbar-imbar halak na asing? Parrohahon ma contoh sian Jesus. Tikki naeng diboto ibana songon dia pandapot ni halak taringot ibana, disukkun ibana do akka siseanna. Didok ibana tu nasida, “Didok halak, ise do Anak ni jolma i?” (Mat. 16:13, 14) Tiru ma Jesus. Sukkun ma donganmuna na olo jujur paboahon tu hamu, na paimbar-imbarhon halak na asing dope hamu manang na dang. Alai molo didok donganmuna i na olo dope hamu paimbar-imbarhon halak ala asing sukuna, status sosialna, manang status ekonomina, aha do na ikkon diulahon hamu? Martangiang ma hamu tu Jahowa mangido asa diurupi hamu lao paubahon parangemuna i asa unang paimbar-imbarhon halak jala asa boi ditiru hamu Ibana unang paimbar-imbarhon halak.—Mat. 7:7; Kol. 3:10, 11.
Arta na Adong di Bibel
it-2-IN 504 ¶8
Akka Pelean
Pelean siinumon. Pelean siinumon, dilehon do i rap dohot akka pelean na asing, tarlumobi dung tinggal halak Israel di Tano na Dijanjihon. (4Mus 15:2, 5, 8-10) Pelean on, i ma pelean na dibahen sian anggur manang siinumon na maralkohol na diusehon di atas ni langgatan. (4Mus 28:7, 14; bandikkon 2Mus 30:9; 4Mus 15:10.) Dibahen si Paulus do surat tu akka halak Kristen di Pilippi. Didok ibana, “Nang pe songon pelean siinumon na diusehon tu peleanmuna au lao marhobas tu Debata, alai rap marlas ni roha do au.” Lao patuduhon na rade do ibana mangalehon dirina lao humokkop akka donganna, di ayat i dipatudos ibana do dirina songon pelean siinumon. (Plp 2:17) Andorang so mate si Paulus, dibaen ibana ma surat tu si Timoteus. Didok ibana, “Nungnga diusehon au songon pelean siinumon, jala nungnga jonok tikki haluaonku.”—2Tim 4:6.
10-16 MEI
ARTA NA ARGA NA ADONG DI BIBEL 4 MUSA 30-31
“Pasaut ma Janjimuna”
it-1-IN 1015 ¶6
Janji
Nang pe Sian na Nionjar ni Roha alai Ikkon Tong do i Dipasaut. Janji dibahen sian na nionjar ni roha do i. Alai tikki marjanji sasahalak, menurut hukum ni Debata ikkon dipasaut ibana do i. Alani i boi ma didok, molo janji i dang boi disuddati. Jala halak na marjanji i, ikkon bahenonna do godang cara lao pasautton janjina i. On patuduhon, ngoluna sandiri do na gabe jaminan. (4Mus 30:2; ida muse Rom 1:31, 32.) Ala serius do janji on, i do alana boasa dijujui Bibel hita asa manat andorang so mambahen janji. Ikkon denggan do dipikkirhon songon dia lao pasautton janji i. Didok di Bibel, “Molo dibahen hamu sada janji tu Jahowa . . . Ai pangidoon ni Jahowa Debatamuna do i ikkon ulahononmuna. Molo dang diulahon hamu i, mardosa ma hamu.”—5Mus 23:21, 22.
“Gohi ma Janjimuna”
3 Di Patik ni si Musa, molo adong na marjanji tu Jahowa, “na so tupa ubaonna hatana, ingkon hombar tu saluhut na ruar sian pamanganna bahenonna”. (4 Mus. 30:3) Si Salomo mandok, “Molo marbagabaga ho tu Debata, unang [ganggu] ho pasahathon, ai ndang lomo rohana mida halak na oto i. Manang aha pe naung binagabagahonmu, ingkon gararonmu do i.” (Pjm. 5:3) Jesus mandok, ringkot do manggohi janji tu Debata. Didok ibana, “Hata na tu angka ompu na robi: “Ndang jadi tolononmu na tutu! Naung saut diuarihon ho tu Debata, ingkon gararonmu do!””—Mat. 5:33.
it-1-IN 1015 ¶3
Janji
Janji na tabahen tu Debata lao mangulahon sada ulaon, mangalehon pelean, mangulahon sada tugas, manang mangorom diri asa unang mangulahon sada ulaon, sasittongna dang adong hukum na mangorai i. Janji, i ma na dibahen sian rohana sandiri dang na dipaksa halak na asing. Sarupa do nilai ni janji dohot sumpah. Jadi, serius do molo marjanji sasahalak. Jala sipata, janji dohot sumpah olo do rap dipakke di Bibel. (4Mus 30:2; Mat 5:33) “Janji”, i ma rencana na dibahen sasahalak di bagasan rohana. Alai molo “sumpah”, i ma pangidoan ni sasahalak tu sahalak na berwenang lao patuduhon na tutu do hatana i. Sumpah, jotjot do didok lao patoguhon sada parjanjian.—1Mus 26:28; 31:44, 53.
w04-IN 1/8 27 ¶3
Akka na Denggan sian Bukku 4 Musa
30:6-8—Boi do dibatalhon sahalak suami janji na dibahen istrina? Molo marjanji sasahalak, ikkon bertanggung jawab do ibana tu janjina i di jolo ni Jahowa. Uppamana, janji lao mangalehon diri tu Jahowa. Janjina i, janjina secara pribadi do i tu Jahowa. (Galatia 6:5) Dang boi dibatalhon sahalak suami molo dibahen istrina janji sisongon i. Alai, ikkon jolo dipikkirhon sahalak istri do molo janji na dibahenna i dang maralo tu hata ni Debata manang tu tanggung jawabna tu suamina.
Arta na Adong di Bibel
it-2-IN 1172 ¶4
Si Jepta
Jolma pe boi do dipelehon tu Jahowa lao mangulahon tugas di bagas joro. Jala natua-tua do na marhak lao manonttuhon on. Contohna, si Samuel. Andorang so tubu si Samuel, nungnga marjanji si Hanna asa dilehon si Samuel lao marhobas di bagas joro. Jala setuju do suamina si Elkana tu janji ni si Hanna on. Dung sirang susu si Samuel, diboan si Hanna ma ibana tu bagas joro. Asing ni i, diboan si Hanna do muse pelean binatang. (1Sam 1:11, 22-28; 2:11) Contoh na asing, i ma si Simson naung dilehon lao martugas tu Jahowa gabe halak Nasir.—Pangh 13:2-5, 11-14; bandikkon muse tu wewenang ni sahalak ama tu boruna na dipaboa di 4Mus 30:3-5, 16.
17-23 MEI
ARTA NA ARGA NA ADONG DI BIBEL 4 MUSA 32-33
“Mangusir Akka Halak sian Tano na Dijanjihon”
w10-IN 1/8 23
Diboto Hamu do?
Aha do maksudna “inganan na timbo” na jotjot didok di akka Bukku Heber?
Tikki naeng masuk halak Israel tu Tano na Dijanjihon, didok Jahowa do tu nasida asa jolo dibolokkon nasida akka inganan panombaon ni halak Kanaan na adong disi. Didok Debata, “Ikkon dihancurhon hamu do sude batu na dipahat nasida, patung ni nasida, dohot sude inganan panombaon ni nasida.” (4 Musa 33:52) Akka inganan panombaon ni nasida i, adong di akka dolok manang di akka inganan na asing. Contohna, di toru ni hau manang di kota. (1 Raja 14:23; 2 Raja 17:29; Hesekiel 6:3) Biasana, di akka inganan panombaon i adong do langgatan, tugu sisombaon, tiang sisombaon, patung, inganan ni dupa dohot akka na asing dope.
w08-IN 15/2 27 ¶5-6
Parsiajaran sian Hasalaan ni Halak Israel
Saonari, godang do tantangan na tahilala songon na dihilala halak Israel najolo. Godang do na dibahen akka halak gabe idolana, songon hepeng, bintang film, bintang olahraga, tokoh politik, akka pemimpin agama, manang anggota keluargana. Piga-piga sian i, olo do gabe na uppetting di ngolutta. Molo marale-ale hita tu halak na so manomba Jahowa, boi do gabe sega parale-aleotta tu Jahowa.
TIkki manomba Baal halak Israel, huhut do nasida mangulahon seks na so patut. Jala godang do halak Israel na gabe mangulahon i. Saonari pe, godang do naposo ni Debata na gabe mangulahon seks na so patut. Contohna, ala mura saonari mambukka internet, godang do naposo ni Debata ala dang manat tikki mamakke alat elektronik, gabe diida nasida ma akka pornografi na adong di internet. On mambahen gabe sega panggora ni roha ni nasida. Tottu, lungun do rohatta molo adong naposo ni Debata na gabe olo mangida pornografi.
it-1-IN 1145 ¶2
Kanaan
Tikki didok Jahowa tu si Josua ikkon dipamate do sude halak Kanaan, “diulahon ibana do sude na diparettahon Jahowa marhite si Musa”. (Jos 11:15) Alai dang diihutton halak Israel sude na didok Jahowa i, jala dang dibolokkon nasida akka na ramun sian inganan i. Dipasombu nasida do halak Kanaan rap tading dohot nasida. Jala lam leleng, gabe mambahen pengaruh na so denggan do i tu halak Israel. Alani i, ala dang diulahon nasida na didok Jahowa, dang dipamate nasida halak Kanaan, gabe godang ma nasida na mate, unggodang sian na mate ala mangulahon hajahaton, mangulahon seks na so patut, dohot manomba gana-ganaan. (4Mus 33:55, 56; Pangh 2:1-3, 11-23; Ps 106:34-43) Nungnga dipasingot Jahowa halak Israel, na ikkon adil do Ibana tikki mangadili. Jala didok Jahowa do tu nasida, na so jadi nasida mardongan tu halak Kanaan. Dang boi kawin boru manang anak ni halak Israel tu halak Kanaan. Jala dang boi dipadomu nasida haporseaon ni nasida jala dang boi diihutton nasida akka kebiasaan agama ni halak Kanaan na roa. Alani i, molo diulahon nasida songon i, on mambahen nasida dipamate jala gabe disappatton ma nasida sian luat i.—2Mus 23:32, 33; 34:12-17; 3Mus 18:26-30; 5Mus 7:2-5, 25, 26.
Arta na Adong di Bibel
it-1-IN 341 ¶4
Perbatasan ni Tano
Dukkon i ditottuhon ma bolak ni parbagianan ni ganup marga, mangihutton godang ni halak di marga i. Didok Bibel, “Bagi-bagi hamu ma luat i gabe appuna ni keluargamuna mamakke undi. Molo godang do nasida sapunguan, tambai ma parbagiananna. Alai molo otik do nasida sapunguan, orui ma parbagianan ni nasida. Parbagianan ni sasahalak ditottuhon sian hasil ni undi.” (4Mus 33:54) Molo inganan ni tano i, tong do mangihutton hasil ni undi. Alai boi do ditambai manang diorui bolak ni tano na dilehon tu nasida. Contohna, ala umbolak tano parbagianan ni marga Juda, gabe diorui do i jala dilehon tu marga Simeon alana unggodang do nasida.—Jos 19:9.
24-30 MEI
ARTA NA ARGA NA ADONG DI BIBEL 4 MUSA 34-36
“Jahowa do na Gabe Parlinggoman”
Dilului Hamu do Parlinggoman sian Jahowa?
4 Alai boha do molo adong halak Israel na so sangaja mambahen sasahalak mate? Nang pe ndang disangaja, ingkon martanggung jawab do ibana. (1Mus. 9:5) Alai, boi do ibana dapotan asi ni roha ni Jahowa. Ingkon lari ma ibana tu huta parlinggoman, asa unang dipamate sisolhot ni na tarbunu i ibana. Molo diloas do ibana tading di huta i, ndang adong be na boi mambunu ibana. Alai, ingkon disi ma ibana sahat tu na mate sintua ni malim.—4Mus. 35:15, 28.
Dilului Hamu do Parlinggoman sian Jahowa?
6 Molo adong halak Israel na so sangaja mambahen sasahalak mate, ingkon lari do ibana tu huta parlinggoman. Jala ingkon ‘mangalualu’ ibana tu angka sintua di harbangan ni huta i. Jangkonon ni angka sintua do ibana. (Jos. 20:4) Dung i, boanon ni angka sintua i ma ibana tu angka sintua ni huta i. (Jaha 4 Musa 35:24, 25.) Molo didok nasida, tutu na so sian sangkapna do ibana mambahen sasahalak mate, dipaulak ma ibana tu huta parlinggoman.
Dilului Hamu do Parlinggoman sian Jahowa?
13 Molo dung di huta parlinggoman halak na so sangaja mambunu, ndang adong be na boi pamatehon ibana. Songon na nidok ni Jahowa, “angka huta i bahen haporusan” manang parlinggoman. (Jos. 20:2, 3) Di joloan ni ari ndang diuhumi be ibana alani hasalaan i. Jala, ndang diloas be sisolhot ni na mate i masuk tu huta i laho mambunu ibana. Molo tongtong do ibana tading disi, tarlinggom ma ibana. Alai ndang songon na di penjara disi. Alana, boi do ibana karejo, mangurupi na asing, huhut manomba Jahowa. Boi do ibana marlas ni roha disi!
Arta na Adong di Bibel
w91-IN 15/2 13 ¶13
Sada Tobusan na Boi Manobus Dosa ni Sude Jolma
13 Dang adong manfaat ni tobusan tu si Adam dohot tu si Hawa. Didok si Musa, “Unang ma jalo tobusan ni sahalak pambunu na patut dipamate.” (4 Musa 35:31) Dang adong na manipu si Adam. Sengaja do ibana mangulahon dosa. (1 Timoteus 2:14) Sasittongna, na mambunu akka pinopparna do si Adam dung mardosa. Alana gabe mardosa do sude pinopparna jala mate. Alani i, patut do si Adam dihukum mate. Alana, jolma na sempurna do ibana jala sengaja do ibana mangalo tu Debata. Dung mardosa si Adam, dibahen Jahowa do tobusan. Alai, dang tu si Adam tobusan i dibahen Jahowa, tu pinopparna do i dibahen. Molo dibahen Jahowa tobusan i tu si Adam, dang adil be Debata jala dang sesuai i tu prinsipna. Alani i dung dibahen tobusan, gabe boi ma pinoppar ni si Adam malua sian hamatean. (Rom 5:16) Sesuai tu hukum, nungnga dipaso Jahowa be na mambahen jolma gabe mardosa jala mate. Alani i lao manobus dosa ni pinoppar ni si Adam, mate do panobus i “humokkop sude jolma”.—Heber 2:9; 2 Korint 5:21; 1 Petrus 2:24.
31 MEI–6 JUNI
ARTA NA ARGA NA ADONG DI BIBEL 5 MUSA 1-2
“Holan Debata do na Marhak Mangadili”
w96-IN 15/3 23 ¶1
Jahowa Debata na Tigor jala na Adil
Tikki adong sasahalak na mangulahon dosa na serius di huria, ikkon diadili akka sintua do i. (1 Korint 5:12, 13) Tikki mangadili, ikkon ditiru akka sintua do Jahowa, i ma Debata na adil. Jala ikkon dipatudu nasida do asi ni roha. Alai molo dang olo halak na mangulahon dosa i bertobat, dang pola porlu dipatudu akka sintua asi ni roha tu ibana. Alai dang dipakaluar akka sintua sasahalak sian huria holan alani na adong dendam tu ibana. Dipecat pe sasahalak sian huria, asa disadari na mangulahon dosa i do na sala do na niulahonna i. (Bandikkon tu Hesekiel 18:23) Ala Kristus do gabe kepala ni akka sintua, tottu ikkon adil do nasida tikki mangadili. Jala ikkon boi do nasida gabe “songon inganan partabunian sian alogo” tu akka halak di huria. (Jesaya 32:1, 2) Alani i, ikkon dipatudu nasida do na adil nasida jala masuk akkal.—5 Musa 1:16, 17.
w02-IN 1/8 9 ¶4
Toktong Unduk tu Akka Halak na Dilantik Debata
4 Sahalak hakim, dang sae holan mamboto taringot hukum. Ala dang sempurna, ikkon manat do akka sintua di Israel tikki mangadili. Unang ma adong di roha ni nasida parange makkarikkotton diri, dang adil, jala unang tamak. Didok si Musa do tu nasida, “Unang mamihak hamu tu manang ise pe tikki mangadili. Ikkon ditangihon hamu do parsoalan ni halak na so sangap dohot na sangap. Unang mabiar hamu tu manang ise pe, ai na gabe wakil ni Debata do hamu tikki mangadili.” Tikki mangadili hakim ni halak Israel, ikkon di bagasan goar ni Debata do nasida tikki mangadili. Sada hasangapon do on di nasida.—5 Musa 1:16, 17.
Arta na Adong di Bibel
w13-IN 15/9 9 ¶9
Sipaingot sian Jahowa Boi Dihaporseai
9 Tikki lao halak Israel tu ‘gurun na bidang na mambahen mabiar’ saleleng 40 taon, dang pola sude dipaboa Jahowa songon dia carana manogu-nogu, mangalinggomi, dohot manjaga nasida. Alai jotjot do dipatudu Jahowa tu nasida na boi do nasida porsea tu Ibana dohot tu tudu-tuduna. Di tikki arian, dilehon Ibana do ombun lao manogu-nogu nasida jala di tikki borngin dilehon Ibana do api. On paingotton halak Israel, na sai didongani Jahowa do nasida saleleng di padang gurun. (5 Mus. 1:19; 2 Mus. 40:36-38) Jala, dilehon Ibana do muse akka na porlu di nasida. “Dang sega pakkean ni nasida jala dang bongkak pat ni nasida.” Jala “dang hahurangan nasida”.—Neh. 9:19-21.
7-13 JUNI
ARTA NA ARGA NA ADONG DI BIBEL 5 MUSA 3-4
“Patik ni Jahowa Mambahen Marbisuk jala Adil”
it-2-IN 397 ¶6
Marpangattusion
Molo ringgas sasahalak mamparsiajari jala mangulahon Hata ni Debata boi ma gabe umbagas pangattusionna sian akka halak na mangajari ibana manang sian akka guruna jala gabe umbisuk ma ibana sian akka halak na matua. (Ps 119:99, 100, 130; bandikkon tu Luk 2:46, 47.) Parbinotoan dohot bisuk, i ma bagian sian akka peraturan dohot ketetapan hukum ni Debata na badia. Alani i, molo diihutton bangso Israel do i gabe boi ma diida bangso na asing molo nasida, i ma “bangso na marbisuk jala na marpangattusion”. (5Mus 4:5-8; Ps 111:7, 8, 10; bandingkon tu 1Raj 2:3.) Diboto halak na marpangattusion do na ikkon dioloi ibana Hata ni Debata. Ikkon diulahon ibana do i di bagasan ngoluna jala dipangido ibana do asa diurupi Debata ibana lao mangulahon i. (Ps 119:169) Disippan ibana do Hata ni Debata i di bagasan rohana (Mat 13:19-23), disuratton do i di bagasan rohana (Poda 3:3-6; 7:1-4), jala sogo do rohana tu “sude dalan na so sittong”. (Ps 119:104). Tikki di tano on Jesus dipatudu ibana do na marpangattusion ibana. Alani i, olo do ibana mate asa saut sude na tarsurat i.—Mat 26:51-54.
w99-IN 1/11 20 ¶6-7
Molo Las Roha Mangalehon
Alani longang ni roha ni Ratu Syeba mambege jala mangida, didok ibana do, ‘Marlas ni roha ma akka parkarejom na toktong rap dohot ho ganup ari. Ai boi do begeon ni nasida akka podam!’ (1 Raja 10:4-8) Dang didok Ratu Syeba marlas ni roha akka naposo ni si Salomo ala di inganan ni halak na mora nasida tinggal. Nang pe sasittongna tutu do songon i. Alai, didok ibana marlas ni roha akka naposo ni si Salomo ala boi do nasida ganup ari mambege bisuk ni Debata marhite si Salomo. Tottu sada contoh na denggan do on tu naposo ni Debata saonari. Alana, boi do nasida mandapot manfaat sian bisuk ni Debata dohot sian Anakna Jesus Kristus.
Na patut diparrohahon i ma tikki didok Ratu i tu si Salomo, “Pinuji ma Jahowa Debatam.” (1 Raja 10:9) Sian akka bukti, takkas do diida ibana alani Jahowa do umbahen na marbisuk si Salomo jala mamora. Sesuai do on tu na hea didok Jahowa tu bangso Israel. Molo diulahon nasida paretta ni Jahowa didok do tu nasida, “Gabe marbisuk jala marpangattusion ma hamu. Idaon ni halak na mambege taringot tu sude aturan i ma i. Jala dohonon ni nasida ma, ‘Tutu do bangso na balga on, bangso na marbisuk jala na marpangattusion.’”—5 Musa 4:5-7.
w07-IN 1/8 29 ¶13
Mamora do Hamu Diadopan ni Debata?
13 Tikki mamasu-masu naposona sai dilehon Jahowa do tu nasida pasu-pasu na dumenggan. (Jakobus 1:17) Contohna, dilehon Jahowa do tu bangso Israel “luat na godang susu dohot madu”. Nang pe godang susu dohot madu di Mesir, alai imbar situtu do i sian luat na dilehon tu halak Israel. Alana didok si Musa tu halak Israel, luat na dilehon Jahowa tu hamuna i ma, “luat na diurus Jahowa Debatamuna”. Lapatanna, pasti sonang do ngolu ni nasida. Alana sai dijaga Jahowa do nasida. Molo toktong setia bangso Israel tu Jahowa, pasu-pasuon ni Jahowa ma nasida jala denggan ma ngolu ni nasida, dao undenggan sian akka bangso na asing. Tutu, pasu-pasu ni Jahowa i do na “mambahen halak mamora”!—4 Musa 16:13; 5 Musa 4:5-8; 11:8-15.
Arta na Adong di Bibel
w04-IN 15/9 25 ¶3
Akka na Denggan sian Bukku 5 Musa
4:15-20, 23, 24—Ala diorai mambahen patung lao disomba, na so boi do hita mambahen gambar manang akka patung lao gabe hiasan? Dang songon i. Alai na diorai, i ma mambahen patung lao gabe disomba. Dang adong diorai di Bibel dang boi mambahen patung manang lukisan lao gabe hiasan.—1 Raja 7:18, 25.
14-20 JUNI
ARTA NA ARGA NA ADONG DI BIBEL 5 MUSA 5-6
“Latik ma Ianakkonmuna Asa Makkaholongi Jahowa”
w05-IN 15/6 20 ¶11
Natua-tua Parade ma Akka na Porlu di Keluargamuna
11 Taringot topik on, unjotjot do dipakke ayat ni Bibel na disurat di 5 Musa 6:5-7. Bukka hamu ma Bibelmuna jala jaha ma akka ayatna. Ikkon natua-tua do na parjolo sahali patoguhon parale-aleonna tu Jahowa, makkaholongi Jahowa jala mangulahon sude hatana. Ikkon diparsiajari hamu do Bibel jala ikkon taratur do hamu manjaha i dohot mangarimangi asa boi takkas diattusi hamu. Alani i, gabe boi ma dihaholongi hamu akka prinsip dohot hukum ni Jahowa. Hasilna gabe godang ma hasittongan na sian Bibel na diboto hamu na boi mambahen hamu marlas ni roha jala makkaholongi Jahowa. Molo diulahon hamu songon i, gabe boi ma godang na diajarhon hamu tu ianakkonmuna.—Lukas 6:45.
w07-IN 15/5 15-16
Songon dia do Au Mangurupi Ianakkokku Asa Tarlatik?
Cita-cita, prinsip moral, nilai moral dohot aha na dihalomohon rohamuna ikkon tarida do i sian aha na diulahon hamu, dang holan hata. (Rom 2:21, 22) Sian poso-poso diida akka dakdanak do aha na diulahon natua-tuana. Molo diida nasida aha na uppetting di natua-tuana, gabe i do na ditiru nasida. Molo holong do rohamuna tu Jahowa, diida ianakkonmuna do i. Contohna, molo rikkot di hamu manjaha Bibel dohot mamparsiajari i, pasti diida nasida do i. Molo diulahon hamu songon i, gabe diboto nasida ma na uppetting do manjumolohon Harajaon ni Debata di ngolumuna. (Mateus 6:33) Molo taratur hamu marpungu jala ringgas marbarita, on patuduhon na mangulahon Hata ni Debata do na uppetting di hamu jala on boi do diida ianakkonmuna.—Mateus 28:19, 20; Heber 10:24, 25.
w05-IN 15/6 21 ¶14
Natua-tua Parade ma Akka na Porlu di Keluargamuna
14 Songon na dipaboa di 5 Musa 6:7, godang do kesempatan di akka natua-tua lao paboahon taringot Hata ni Debata tu ianakkonna. Boi do dipaboa hamu tu nasida tikki rap lao mardalani, tikki rap karejo hamu di jabu manang tikki rap hundul hamu dohot nasida. Unang ma torus “jamitai” hamu nasida taringot isi ni Bibel. Alai boi do dihatai hamu akka na denggan na adong hubunganna taringot Debata. Contohna, boi do diceritahon hamu taringot toppaan ni Debata, uppamana taringot binatang, akka inganan na bagak, marragam godang ni budaya dohot taringot songon dia ngolu ni jolma. Jala adong do dipaboa majalah Sedarlah! taringot akka topik i. Molo songon i do na jotjot dihatai hamu tu ianakkonmuna, gabe taronjar ma roha ni nasida lao manjaha akka publikasitta na diparade naposo haposan.—Mateus 24:45-47.
Arta na Adong di Bibel
Holong dohot Hatigoran ni Jahowa tu Halak Israel Najolo
11 Parsiajaranna: Ndang songon jolma, boi do diida Jahowa na di bagas rohanta. (1 Sam. 16:7) Ndang adong na buni sian Ibana. Nang pe songon i, angka na denggan do na diida Ibana sian hita. Alani i, lomo do rohana asa taboto songon dia dirinta jala ingkon taorom ma dirinta asa unang mangulahon na sala.—2 Kron. 16:9; Mat. 5:27-30.
21-27 JUNI
ARTA NA ARGA NA ADONG DI BIBEL 5 MUSA 7-8
“Unang Marhasohotan Hamu tu Nasida”
w12-IN 1/7 29 ¶2
Boasa Holan tu Halak na Manomba Ibana do Naposona Ikkon Marhasohotan?
Diboto Jahowa do lomo do roha ni Sibolis asa sude naposo ni Debata, manomba Debata na asing. I do alana didok Debata tu naposona, “boi do bahenon ni nasida gabe dohot anakmuna manomba debata ni nasida”. Molo disomba halak Israel Debata na asing, on mambahen gabe dang lomo be roha ni Debata tu nasida jala dang linggomanna be nasida sian akka musu ni nasida. Jala gabe dang sian bangso i be ro Mesias na dijanjihon i. Takkas ma godang cara ni Sibolis lao mambahen bangso Israel asa marhasohotan tu halak na so manomba Jahowa.
w15-IN 15/3 30-31
Marhasohotan Holan tu Halak na Mangihutton Tuan, Masuk Akkal do i?
Boasa didok Jahowa tu akka naposona asa marhasohotan holan tu halak na mangihutton Tuan? Ala diboto Jahowa, i do na dumenggan tu akka naposona. Dang lomo roha ni Jahowa gabe susa akka naposona ala mangulahon na sala. Alai lomo do roha ni Jahowa asa marlas ni roha naposona. Di tikki ni si Nehemia godang do halak Jahudi na marhasohotan tu akka borua na so manomba Jahowa. Alani i, dipaboa si Nehemia do tu nasida taringot contoh na so denggan sian si Salomo. Nang pe “dihaholongi Debata do ibana. . . . Alai gabe mardosa do ibana alani akka istrina na sian bangso na asing i”. (Neh. 13:23-26) Jadi asa unang susa akka naposona, didok Jahowa ma tu nasida asa marhasohotan holan tu halak na sahaporseaon. (Ps. 19:7-10; Jes. 48:17, 18) Tottu mandok mauliate do naposona tu Jahowa ala disarihon do nasida jala porsea do nasida molo petunjuk na sian Jahowa i do na dumenggan. Molo dioloi nasida parettana, on patuduhon na diakkui nasida do molo Jahowa, i ma Debata na marhuaso.—Poda 1:5.
w15-IN 15/8 26 ¶12
Manat ma Mamillit Dongan di Tikki Ari Parpudi on
12 Ikkon manat do halak Kristen mamillit dongan tarlumobi ma na lao marhasohotan. Didok di Bibel, “Unang ma marsada hamu dohot halak na so porsea. Ai aha ma pardomuan ni na sittong dohot na jahat? Jala aha ma pardomuan ni na tiur dohot na holom?” (2 Kor. 6:14) Didok Bibel, boi do naposo ni Debata marhasohotan asal ma tu halak na “mangihutton Tuan”, i ma halak naung tardidi jala na mangihutton akka aturan ni Jahowa. (1 Kor. 7:39) Molo marhasohotan hamu tu halak na makkaholongi Jahowa, gabe boi ma dongan saripemuna i mangurupi hamu asa toktong setia tu Debata.
Arta na Adong di Bibel
w04-IN 1/2 13 ¶4
Dilehon Jahowa do Akka na Tahaporluhon Ganup Ari
4 Di tikki martangiang hita andorang so mangan ganup ari, on paingotton hita na porlu do taingot parale-aleotta tu Jahowa ganup ari. Songon Jesus, nang pe male hian dihilala ibana dukkon marpuasa, alai dang tergoda Jesus tikki didok Sibolis tu ibana asa dibahen ibana akka batu gabe roti. Alai didok Jesus, “Adong do tarsurat, ‘Dang holan sian roti jolma boi mangolu, alai sian ganup hata na kaluar sian pamangan ni Jahowa.’” (Mateus 4:4) Dikutip Jesus do hata ni si Musa tikki didok si Musa tu halak Israel, “Dipasombu [Jahowa] na do hamu male, asa serep rohamuna. Dilehon Ibana ma tu hamu manna, i ma sipanganon na so ditanda hamu dohot akka ompumuna. Dibahen do songon i, asa diattusi hamu na so holan sian roti jolma boi mangolu, alai sian ganup hata na kaluar sian pamangan ni Jahowa.” (5 Musa 8:3) Sian cara ni Jahowa mangalehon manna tu halak Israel, dang holan lao mangalehon sipanganon tu nasida. Alai adong do parsiajaran na rikkot na ikkon diboto nasida. Sada parsiajaran i, i ma tikki didok tu halak Israel asa ‘dibuat be na cukkup lao allangonna sadari’. Molo dipapungu nasida lobi sian naung ditottuhon lao tu sadari i, gabe busuk ma manna i jala gilokon. (2 Musa 16:4, 20) Alai di ari paonomhon, disuru do nasida asa papunguhon dua hali loppit sian na somal dipapungu nasida ganup ari na lao diallang nasida sahat tu ari Sabat. (2 Musa 16:5, 23, 24) Jadi sian manna i diboto nasida ma na ikkon unduk do nasida tu Debata. Jala dang holan sipanganon na mambahen nasida boi mangolu alai dohot do “sian ganup hata na kaluar sian pamangan ni Jahowa”.
28 JUNI–4 JULI
ARTA NA ARGA NA ADONG DI BIBEL 5 MUSA 9-10
“Aha do na Dipangido Jahowa Debatamuna i sian Hamu?”
w09-IN 1/10 10 ¶3-4
Aha do na Dipangido Jahowa sian Hita?
Aha do na mangonjar rohatta mangoloi Debata sian nasa roha? Didok si Musa, “Habiari hamu ma Jahowa Debatamuna i.” (Ayat 12) Biar sisongon on dang ala na mabiar dihukum. Alai, ala na tapasangap do Debata dohot akka dalanna. Molo tutu do tapasangap Debata, tottu dang olo hita mambahen haccit rohana.
Alai, alani aha do umbahen na olo hita mangoloi Debata? Didok si Musa, “Haholongi hamu ma Ibana, somba hamu ma Jahowa Debatamuna i sian nasa rohamuna dohot sian nasa ngolumuna.” (Ayat 12) Holong tu Debata dang holan pakkilalaan sambing. Sada referensi mandok, “Kata kerja Ibrani taringot pakkilalaan, sipata boi do lapatanna mangulahon sada ulaon alani na dionjar roha manang alani pakkilalaan.” Didok muse di referensi i, “molo tahaholongi” Debata lapatanna, olo hita mangulahon sada ulaon ala holong do rohatta tu Ibana. Jadi molo tutu do holong rohatta tu Debata, tottu olo do hita mangulahon manang aha pe na mambahen las rohana.—Poda 27:11.
w09-IN 1/10 10 ¶6
Aha do na Dipangido Jahowa sian Hita?
Molo unduk hita sian nasa rohatta, tadapot ma godang pasu-pasu. Didok si Musa, “Oloi hamu ma akka parettana . . . na hupaboa tu hamu sadari on, asa denggan ngolumuna.” (Ayat 13) Sude paretta ni Jahowa dohot sude na dipangido Ibana asa taulahon lao mambahen denggan do ngolutta. Didok di Bibel, “Holong do Debata.” (1 Johannes 4:8) Alani i, dilehon Debata do tu hita paretta na boi mambahen hita marlas ni roha. (Jesaya 48:17) Molo taulahon sude na dipangido Jahowa, dang marsak be hita jala tadapot ma godang pasu-pasu di ari na naeng ro di Harajaon ni Debata.
cl-IN 16 ¶2
Boi do Hamu ‘Jonok tu Debata’?
2 Najolo solhot do parale-aleon ni si Abraham dohot Debata. Didok Jahowa do ibana “ale-alekki”. (Jesaya 41:8) Jala boi pe solhot parale-aleon ni si Abraham tu Jahowa, ala “porsea do si Abraham” tu Jahowa. (Jakobus 2:23) Suang songon i ma saonari, dilului Jahowa do cara songon dia lao patuduhon holongna tu akka halak na manomba Ibana di bagasan holong. (5 Musa 10:15) Didok di Bibel, “Pajonok hamu ma tu Debata, dung i pajonokonna ma tu hamu.” (Jakobus 4:8) Hata na didok di ayat on sada undangan do jala sada janji.
Arta na Adong di Bibel
it-1-IN 131 ¶5
Anakim
Anakim, i ma sada suku na akka halakna timbo jala balga-balga na tinggal di pegunungan Kanaan dohot di daerah pesisir tarlumobi di bagian Selatan. Di tikki i, adong tolu bawa halak Anakim na terkenal i ma, si Ahinam, si Sesai dohot si Talmai na tinggal di Hebron. (4Mus 13:22) Dison ma parjolo sahali 12 mata-mata halak Heber na mangida halak Anakim. Jala sappulu sian mata-mata i paboahon taringot nasida na mambahen mabiar halak Israel. Didok nasida do molo akka bawa i, i ma keturunan ni Nepilim andorang so masa dope Aek na Sumar. Jala molo dibandikkon tu nasida, songon “sihapor” do halak Heber i. (4Mus 13:28-33; 5Mus 1:28) Ala timbo jala balga-balga halak Anakim, gabe dibahen ma nasida lao manggombarhon akka bawa ni halak Emim dohot halak Repaim na songon raksasa. Alani gogo ni nasida gabe adong ma peribahasa na mandok, “Na so adong halak na martahan mangalo pinoppar ni si Enak.”—5Mus 2:10, 11, 20, 21; 9:1-3.