Parsiajaran na Tadapot sian si Samuel

Toktong do setia si Samuel tu Jahowa saleleng ngoluna. Nang pe dakdanak dope ibana, alai dang olo ibana songon anak ni si Eli, i ma si Hopni dohot si Pinehas. (1Sam 2:22-26) Lam magodang si Samuel, toktong do ibana dijaga Jahowa. (1Sam 3:19) Jala sahat tu na matua toktong do setia si Samuel tu Jahowa nang pe akka ianakkonna dang setia tu Jahowa.—1Sam 8:1-5.

Aha do na boi taparsiajari sian si Samuel? Molo poso dope hamu, pos ma rohamuna diboto Jahowa do aha masalah na masa tu hamu, jala diboto do songon dia pakkilalaanmuna. Urupanna do hamu asa toktong barani. (Jes 41:10, 13) Molo hamu natua-tua hape dang olo ianakkonmuna manomba Jahowa, pasti tarapul do rohamuna dung diboto hamu molo si Samuel pe dang hea dipaksa ibana ianakkonna asa toktong mangihutton aturan ni Jahowa. Alai dipasahat ibana do sude masalahna i tu Jahowa, toktong do ibana setia jala mambahen las roha ni Jahowa. Molo diida ianakkonmuna toktong do hamu setia tu Jahowa, olo do ra gabe mulak nasida manomba Jahowa.

TONTON MA VIDEO PARSIAJARAN NA TADAPOT SIAN NASIDA—SAMUEL, DUNG I ALUSI MA SUKKUN-SUKKUN ON:

• 

  Tikki dakdanak si Samuel, songon dia do ibana patuduhon na barani ibana?

• 

  Songon dia do si Deny patuduhon na barani ibana?

• 

  Dung matua si Samuel, aha do contoh na denggan na dipatudu ibana?

• 

  Aha do contoh na denggan na dipatudu natua-tua ni si Deny?