Referensi tu Parpunguan Hangoluan dohot Pangkobasion na Laho Diparsiajari
7-13 MARET
ARTA NA ARGA NA ADONG DI BIBEL | 1 SAMUEL 12-13
“Lao Marlea do Halak na Mambahen Lomo-lomona”
w00-IN 1/8 13 ¶17
Lao Marlea do Halak na Mambahen Lomo-lomona
17 Molo mangida situasina, hirana so sala do na dibahen si Saul. Alana, dang boi be halak Israel di tikki i “lao manang na tudia” jala mabiar hian do nasida ala dirippu nasida dang adong be na boi mangurupi nasida. (1 Samuel 13:6, 7) Memang molo songon i situasina dang sala berinisiatif. Alai taingot ma, boi do Jahowa manjaha na di rohatta jala diboto Ibana do aha tujuanta mangulahon sada ulaon. (1 Samuel 16:7) Jadi, pasti ma boi diida Jahowa na di bagasan roha ni si Saul, nang pe dang disuratton i di Bibel. Misalna, diboto Jahowa do ala mamikkirhon harga dirina do si Saul makana dang sabar paimahon si Samuel. Olo do ra ala sahalak raja ibana, gabe dang sabar ibana paimahon sahalak nabi na matua jala lambat. Alani i, gabe dihilala si Saul ma na marhak ibana lao mangulahon tugas ni si Samuel nang pe nungnga adong petunjuk na takkas taringot i. Aha ma akibatna? Gabe muruk ma si Samuel tu ibana jala didok ma, “Dang na lao martahan be harajaonmu. . . . Ai dang dioloi ho paretta ni Jahowa.” (1 Samuel 13:13, 14) Takkas ma gabe marlea do halak na mambahen lomo-lomona.
w07-IN 15/6 27 ¶8
Las do Roha ni Jahowa Molo Dioloi Hamu Hatana
8 Sian cerita taringot Raja Saul boi ma taboto porlu hian do mangoloi hata ni Debata. Di mulana Raja na serep roha do si Saul. Jala dang arga dihilala ibana dirina. Alai lam leleng gabe ginjang ma rohana jala dipakke ibana do cara marpikkirna na sala i tikki mambahen keputusan. (1 Samuel 10:21, 22; 15:17) Di sada tikki naeng marporang ma Raja Saul mangalo halak Palistim. Disuru si Samuel do Raja Saul paimahon ibana lao mangalehon pelean tu Jahowa jala mangalehon petunjuk. Alai dang pittor hatop si Samuel ro, jala gabe marserak ma halak Israel. Ala songon i situasina, gabe dipelehon si Saul ma pelean situtungon. Alani i, gabe muruk ma Jahowa. Alai dung ro si Samuel, marsidalian do Raja Saul. Didok ibana, Alana tarlambat do si Samuel gabe terpaksa ma ibana mangalehon “pelean situtungon” asa dang muruk Jahowa. Didok roha ni Raja Saul, urrikkot do mangalehon pelean sian apala mangihutton petunjuk jala paimahon si Samuel mangalehon pelean i. Alani i, gabe didok si Samuel ma tu ibana, “Ulaon ni halak na oto do na binahenmi. Dang dioloi ho paretta ni Jahowa Debatam.” Ala dang dioloi si Saul hata ni Jahowa, dang boi be ibana gabe raja.—1 Samuel 10:8; 13:5-13.
Arta na Adong di Bibel
w11-IN 15/7 14 ¶15
Olo do Hamu Mangihutton Petunjuk ni Jahowa?
15 Na dirippu halak Israel do holan raja na tarida na boi dihaporseai jala diandalhon? Molo songon i dihilala nasida, sia-sia do i sude. Jala boi do i mambahen nasida gabe holan mangalului akka na so marguna na dilehon Sibolis. Asing ni i, boi do tong raja na tarida mambahen nasida gabe manomba akka patung. Alana dihilala nasida boi do akka patung i diandalhon, ala dibahen sian hau manang batu na boi diida jala dijama. Ala dang tarida Debata Jahowa, dang porsea nasida tu Ibana. Alai didok apostel Paulus dang adong lapatan ni “akka patung i”. (1 Kor. 8:4) Alana dang boi akka patung mangida, mambege, makkatai, manang mangulahon manang aha pe. Jadi sia-sia do molo mangandalhon akka patung hita. Jala ujungna dipamate Jahowa do hita haduan alani i.—Ps. 115:4-8.
14-20 MARET
ARTA NA ARGA NA ADONG DI BIBEL | 1 SAMUEL 14-15
“Dumenggan do Mangoloi sian Mangalehon Pelean”
w07-IN 15/6 26 ¶4
Las do Roha ni Jahowa Molo Dioloi Hamu Hatana
4 Ala Jahowa do na manoppa nasa na adong di portibi on, dang adong sebenarna na hurang di Ibana. Alani i, adong dope na boi lehonotta tu Ibana? Adong sada na boi talehon tu Ibana jala mararga hian do i di Ibana. Aha ma i? Didok di Bibel, “Ale anakku, marbisuk ma ho jala bahen ma las rohakku, asa boi hualusi manang ise na mangarehei au.” (Poda 27:11) On ma na boi talehon tu Debata, i ma mangoloi hatana. Nang pe dang sarupa keadaan dohot latar belakangta alai boi do hita sude mangoloi hata ni Debata. Jala molo taoloi hata ni Debata, boi ma i mangalusi tuduhan ni Sibolis na mandok, dang boi jolma setia tu Debata molo adong masalahna. Sada hasangapon do on di hita!
it-2-IN 914 ¶2
Mangoloi Hata ni Debata
Urrikkot do manangihon hata ni Debata sian manang aha pe. Jala ikkon taoloi do hata ni Debata asa boi tabahen las rohana. Songon na didok si Samuel tu Raja Saul, “Dia do unlomo roha ni Jahowa? Talehon pelean situtungon manang taoloi [sian hata of syama] hata ni Jahowa? Dumenggan do mangoloi sian mangalehon pelean, jala dumenggan do manangihon sian mamelehon tabo-tabo ni biru-biru jantan.” (1Sam 15:22) Molo dang olo sasahalak mangoloi hata ni Jahowa, sarupa ma i songon na so porsea tu Jahowa dohot tu hatana. Jadi sarupa do halak na so mangoloi hata ni Debata tu halak na mardatu manang na manomba akka patung. (1Sam 15:23; bandingkon tu Rom 6:16.) Sia-sia do molo holan di pamangan tadok porsea tu hata ni Debata alai dang taulahon. Alana molo dang taulahon i, on patuduhon na so porsea manang na so sangap do hita tu Debata na mangalehon petunjuk i. (Mat 21:28-32) Halak na holan manangihon hata ni Debata alai dang mangulahon, dos ma i songon na mangoto-otoi dirina jala dang na lao dapotna pasu-pasu sian Debata. (Jak 1:22-25) Jesus pe mandok, halak na mangulahon na mirip tu hata ni Debata alai dang denggan tujuanna jala dang denggan carana, dang na lao masuk tu Harajaon ni Debata.—Mat 7:15-23.
Arta na Adong di Bibel
it-1-IN 991 ¶4
Marasi ni Roha
Adong do akibatna molo tapatuduhon asi ni roha na so sadalan tu lomo ni roha ni Debata. On ma na masa tu Raja Saul. Tikki i disuru Debata do ibana marporang mangalo halak Amalek, i ma bangso na parjolo sahali mangalo halak Israel dung kaluar nasida sian Mesir. Disuru Debata do Raja Saul asa dang marasi ni roha tu halak Amalek. Alai gabe dioloi ibana do hata ni akka tentarana jala dang diihutton ibana be paretta ni Jahowa. Alani i, dang dijalo Jahowa be si Saul gabe raja. (1Sam 15:2-24) Jadi asa dang diulahon sasahalak songon na diulahon Raja Saul jala tetap lomo roha ni Jahowa tu ibana, ikkon diargai ibana do petunjuk ni Jahowa jala tetap setia tu Ibana.
21-27 MARET
ARTA NA ARGA NA ADONG DI BIBEL | 1 SAMUEL 16-17
“Jahowa do na Manottuhon Ise na Monang di Parporangan”
“Jahowa do na Marporang”
Dipapos si Daud do roha ni si Saul jala dipaboa songon dia ibana pamatehon singa dohot gompul. Na marginjang ni roha do si Daud? Ndang. Diboto si Daud do ise na mambahen ibana monang. Didok ibana, “Jahowa na paluahon ahu sian sisilon ni singa dohot sian sisilon ni gompul, paluaonna do ahu sian tangan ni halak Palistim.” Didok si Saul ma, “Antong laho ma ho, sai didongani Jahowa ma ho!”—1 Samuel 17:37.
Lomo do rohamu marhaporseaon songon si Daud? Molo taparrohahon, marhaporseaon na togu do si Daud alani parbinotoanna dohot pengalamanna. Diboto ibana, tongtong do Jahowa manggohi janjiNa jala mangalinggomi ibana. Asa boi songon i haporseaonta, ingkon tongtong do hita marsiajar taringot Debata marhite Bibel. Molo taulahon na taparsiajari, lam togu ma haporseaonta.—Heber 11:1.
“Jahowa do na Marporang”
Di tingki i, tongtong do marsihohot si Daud. Pingkirhon ma sahalak baoa na poso mandok tu si Goliat, “Ia ho da ro tu ahu mangasahon podang dohot hujur dohot lombulombu; alai anggo ahu ro tu ho mangasahon goar ni Jahowa Zebaot, Debata ni parangan ni Israel, angka na niasapanmi.” Ndang mabiar si Daud mangida si Goliat dohot sinjatana. Songon na nidok ni si Daud, Jahowa do na marporang di parporangan i. Alani i, uhumon ni Jahowa do si Goliat ala dileai goarNa.—1 Samuel 17:45-47.
Ndang gabe mabiar si Daud alani balga ni si Goliat dohot jago ni sinjatana. Jala ndang dipaloas si Daud hasalaan ni si Saul dohot tentarana mambahen hurang pos ni rohana. Ndang dipatudos ibana dirina tu si Goliat. Diboto si Daud do, nang pe timbo ni si Goliat hirahira 2,9 m, alai pos do roha ni si Daud umbalga do Jahowa sian si Goliat. Sasintongna, ndang maol di Jahowa laho mangaripashon si Goliat, alana di adopan ni Jahowa songon porngis do ibana!
“Jahowa do na Marporang”
Saonari, ndang be marporang naposo ni Jahowa. (Mateus 26:52) Alai, tongtong ma tatiru haporseaon ni si Daud. Songon si Daud, ingkon patar do Jahowa di hita, ala holan Ibana do na tama tasomba jala na ingkon tajumolohon di ngolunta. Tingki adong parungkilonta, on boi mambahen hita marmetmet ni roha. Alai, pos ma rohanta, umbalga do Jahowa sian parungkilonta. Molo tongtong tasomba Jahowa, jala marhaporseaon na togu songon si Daud, ndang adong manang aha pe na boi mambahen hita gale. Ndang adong na umgogo sian Jahowa!
Arta na Adong di Bibel
Holong dohot Hatigoran ni Jahowa tu Halak Israel Najolo
11 Parsiajaranna: Ndang songon jolma, boi do diida Jahowa na di bagas rohanta. (1 Sam. 16:7) Ndang adong na buni sian Ibana. Nang pe songon i, angka na denggan do na diida Ibana sian hita. Alani i, lomo do rohana asa taboto songon dia dirinta jala ingkon taorom ma dirinta asa unang mangulahon na sala.—2 Kron. 16:9; Mat. 5:27-30.
28 MARET–3 APRIL
ARTA NA ARGA NA ADONG DI BIBEL | 1 SAMUEL 18-19
“Tetap Marserep ni Roha Tikki Marhasil”
w04-IN 1/4 15 ¶4
Mangasahon Debata Tikki Adong na Muba di Ngolutta
4 Satokkin nai gabe halak na terkenal nama doli-doli parmahan on di negarana. Dijou raja do ibana asa marharpa di jolona. Dipamate ibana do si Goliat, sahalak raksasa na garang na mambahen tentara ni Israel gabe mabiar. Dung dibahen si Daud gabe pamimpin ni akka tentara, marhasil do ibana manaluhon halak Palistim. Gabe lomo ma roha ni akka rakyat tu ibana. Dibahen nasida ma akka ende lao mamuji ibana. Sahalak parkarejo ni si Saul pe mandok, ibana halak ‘na malo marharpa. Halak na gogo do ibana jala na barani. Bijak do ibana jala ganteng’.—1 Samuel 16:18; 17:23, 24, 45-51; 18:5-7.
Imbar Do Hita Sian Nasida
6 Pigapiga halak boi do gabe ginjang rohana ala uli manang bagak, ditanda godang halak, jago marmusik, gogo, manang ala dipuji angka halak. Sudena i adong do di diri ni si Daud, alai tongtong do ibana marserep ni roha. Sian dia taboto i? Tingki dibunu ibana si Goliat, dipangido Raja Saul ma asa gabe helana ibana. Alai didok si Daud, “Tung ise ma ahu pola jala aha ngolungku pola nang pinompar ni damang di Israel, umbahen ingkon gabe hela ni rajai ahu?” (1 Sam. 18:18) Aha do na mambahen ibana tongtong marserep ni roha? Ala diboto ibana do molo sude parange dohot hapistaranna i boi didapot ibana, ala burju do Debata jala olo mamparrohahon ibana. (Ps. 113:5-8) Jala diboto ibana do molo sude na denggan marharoroan sian Jahowa.—Bandingkon 1 Kor. 4:7
7 Hita pe boi do marserep ni roha songon si Daud. Porlu taboto, molo Jahowa sandiri serep do rohaNa nang pe Ibana Natumimbul sian sasudena. Boi do taulahon songon na didok ayat on, “Solukkon hamu ma parasirohaon situtu, habasaron, haserepon, lambok dohot lambas ni roha!” (Kol. 3:12) Ala taboto do, molo holong i mambahen sasahalak ndang gabe ginjang roha (1 Kor. 13:4) Molo serep rohanta, gabe taronjar do roha ni halak laho mananda Jahowa. Parange na denggan sian sahalak borua Kristen boi mangonjar roha ni tungganedolina laho mananda Jahowa. Suang songon i ma, boi do sasahalak gabe taronjar rohana laho jonok tu Debata molo tapatudu serep ni roha.—1 Ptr. 3:1.
Arta na Adong di Bibel
it-2-IN 184 ¶3
Panurirang
Nang pe tondi parbadia ni Jahowa na mamillit sahalak panurirang, alai dang torus tondi parbadia na mambahen nasida makkatai. Di sada-sada tikki do tondi parbadia adong di bagasan diri ni nasida asa boi nasida paboahon barita na sian Jahowa. (Hes 11:4, 5; Mik 3:8) Tondi parbadia i ma na mambahen nasida barani paboahon barita na sian Jahowa. (1Sam 10:10; Jer 20:9; Am 3:8) Molo adong tondi parbadia di bagasan sahalak panurirang olo do gabe diulahon ibana ulaon na so biasa. Jala olo do muba sikap dohot perasaan ni nasida. On ma na mambahen piga-piga halak boi didok “gabe songon panurirang”. (1Sam 10:6-11; 19:20-24, surat na di toru; Jer 29:24-32; bandingkon tu Ul 2:4, 12-17; 6:15; 7:55.) Ala fokus nasida mangulahon tugas ni nasida, dung i semangat jala barani nasida mangulahon i, olo do ra gabe hira na aneh pangalaho ni nasida di halak na asing. Songon i ma na dihilala piga-piga tentara ni militer tu sahalak nabi na mangalantik si Yehu. Alai dung diboto nasida na panurirang do bawa i, gabe olo ma nasida manangihon barita na dipaboa ibana. (2Raj 9:1-13; bandingkon tu Ul 26:24, 25.) Tikki lao si Saul mangalului si Daud, dibahen Debata ma ibana “gabe songon panurirang”. Dibukka ibana pakkeanna jala “peak ma ibana disi salang-salang saleleng sadari saborngin”, jala di tikki i ma si Daud lari sian ibana. (1Sam 19:18–20:1) Alai on dang patuduhon sering panurirang salang-salang. Alana dang songon i disurat di Bibel. Memang, di Bibel adong disurat taringot dua panurirang na hea salang-salang. Alai dibahen nasida pe songon i, tujuanna lao patuduhon barita na lao paboaon ni nasida. (Jes 20:2-4; Mik 1:8-11) Dang dipaboa aha tujuanna si Saul dibahen salang-salang. Olo do ra tujuanna lao patuduhon holan jolma na biasa do si Saul molo dang dipakke ibana pakkean harajaonna. Jala dang sadia sebenarna huasona molo dibandingkon tu balga ni huaso ni Jahowa.
4-10 APRIL
ARTA NA ARGA NA ADONG DI BIBEL | 1 SAMUEL 20-22
“Boha Carana Gabe Dongan na Burju?”
Tapatogu ma Parale-aleonta Andorang So Ro Hasusaan Bolon
18 Saonari, marragam do hasusaan na diadopi angka dongan. Ra, adong do na hona bencana alam manang susa alani porang. Tingki masa i, ra boi do tatogihon nasida tading di jabunta. Manang, boi do talehon sumbangan tu nasida. Alai sude hita, boi do mangido tu Jahowa asa diurupi nasida. Tingki taboto adong angka donganta na marmetmet ni roha, ra ndang taboto aha na laho tadok dohot na laho taulahon. Alai boi do taurupi nasida. Umpamana, talehon ma tingkinta tu nasida. Denggan ma tatangihon tingki dipaboa nasida songon dia pangkilalaanna. Asing ni i, boi do tapaboa ayat favorit na patoguhon roha. (Jes. 50:4) Alai na rumingkot, ingkon rade do hamu mangurupi angka dongan tingki dihaporluhon.—Jaha Poda 17:17.
w08-IN 15/2 8 ¶7
Mangihutton Dalan ni Jahowa
7 Lomo do roha ni Debata asa gabe sahabat na setia hita. (Poda 17:17) Kompak do si Jonatan anak ni Raja Saul tu si Daud. Dung dibege si Jonatan naung mate si Goliat dibahen si Daud, gabe holong ma rohana tu si Daud. “Dihaholongi si Jonatan do si Daud dos songon makkaholongi dirina.” (1 Sam. 18:1, 3) Tikki naeng dipamate si Saul si Daud, dipaboa si Jonatan do i tu si Daud. Dung i, lari ma si Daud. Dukkon i, dijuppangi si Jonatan ma ibana jala mambahen perjanjian ma nasida nadua. Hampir naeng dipamate si Saul do si Jonatan, ala dipaboa si Jonatan taringot si Daud tu ibana. Alai dukkon i, dijuppangi si Jonatan ma muse si Daud lao paboahon na setia do ibana tu si Daud. (1 Sam. 20:24-41) Tikki pajuppang nasida na parpudi sahali, diurupi si Jonatan ma “asa lam pos roha ni si Daud tu Jahowa”.—1 Sam. 23:16-18.
w09-IN 15/10 19-20 ¶11
Tetap ma Jaga Persahabatanmuna
11 Tetap ma setia tu donganmuna. Didok si Salomo, “Sai dipatudu ale-ale do holong ni roha jala songon haha anggi do i tikki masa sitaonon.” (Poda 17:17) Tikki disurat si Salomo ayat on, olo do ra diingot ibana persahabatan ni bapakna si Daud dohot si Jonatan. (1 Sam. 18:1) Lomo do roha ni si Saul gabe raja ma nian si Jonatan manggattihon ibana. Alai serep do roha ni si Jonatan, olo do ibana mangakkui si Daud do raja na dipillit Jahowa. Dang songon si Saul si Jonatan, dang cemburu ibana tu si Daud. Dang jut rohana tikki dipuji halak si Daud jala dang pittor porsea ibana tu hata ni si Saul na paroa-roahon si Daud. (1 Sam. 20:24-34) Boha do caratta maniru si Jonatan? Tikki mandapot tanggung jawab tambahan sahabatta, dohot ma nian hita marlas ni roha. Tikki susa sahabatta, taurupi jala tahibur ma ibana. Jala molo adong tabege gosip na paroa-roahon sahabatta, unang ma pittor porsea hita. Tatiru ma si Jonatan, na tetap setia jala membela sahabatna.
Arta na Adong di Bibel
w05-IN 15/3 24 ¶4
Akka na Denggan sian Bukku Sada Samuel
21:12, 13. Lomo do roha ni Jahowa asa bijak hita tikki adong masalah di ngolutta. Nungnga dilehon Ibana Bibel na boi mambahen hita gabe bijak, manat marpikkir jala marparbinotoan. (Poda 1:4) Jala adong do tong akka sintua na boi mangurupi hita.
18-24 APRIL
ARTA NA ARGA NA ADONG DI BIBEL | 1 SAMUEL 23-24
“Sabar ma Paimahon Jahowa Bertindak”
w04-IN 1/4 16 ¶8
Mangasahon Debata Tikki Adong na Muba di Ngolutta
8 Dang olo si Daud mambahen na jahat tu si Saul. Dipasahat ibana do masalahna i tu Debata jala sabar do ibana paimahon Jahowa pasaehon masalahna i. Dung kaluar Raja Saul sian gua, dohot do tong si Daud kaluar sian i. Jala didok ibana ma tu si Saul, “Jahowa ma na gabe hakim di tonga-tongatta jala Jahowa ma na mambalos sude pambahenanmu tu au. Alai anggo au, dang bahenokku na jahat tu ho.” (1 Samuel 24:12) Nang pe si Saul na marsala, alai dang olo si Daud mambalas. Dang olo ibana mamburai si Saul, manang paroa-roahon si Saul tu na asing. Nang pe adong kesempatan di si Daud lao mambalos, dang olo ibana mangulahon i. Alai pos do rohana pasti pasaeon ni Jahowa do parsoalanna.—1 Samuel 25:32-34; 26:10, 11.
w04-IN 1/6 22 ¶5-6
Keadaan do na Mangatur Ngolumuna?
Pelajaran na patoluhon, ikkon sabar do hita paimahon Jahowa mengubah keadaanta. Unang ma tapakke akka cara na maralo tu Hata ni Debata. Si Jakobus pe mandok, “Molo toktong hamu togu, gabe sun denggan ma hamu di saluhutna jala dang hahurangan manang aha pe.” (Jakobus 1:4) Asa boi tarida na ‘toktong hita togu’, ikkon tahadapi do masalahta sahat tu na sae. Jala unang ma tapakke akka cara na maralo tu Hata ni Debata asa hatop sae masalahta i. Molo tabahen songon i, boi ma gabe teruji jala lam togu haporseaonta jala boi ma i mangurupi hita martahan. Songon i ma na diulahon si Josep dohot si Daud. Tikki adong masalah ni nasida, dang dilului nasida jalan keluar na mambahen sogo roha ni Jahowa. Alai berusaha do nasida mambahen na denggan. Jala sabar do nasida paimahon Jahowa pasaehon persoalan ni nasida. Alani i, dilehon Jahowa ma pasu-pasu tu nasida. Dipakke Jahowa ma nasida lao paluahon jala mamimpin naposona.—1 Musa 41:39-41; 45:5; 2 Samuel 5:4, 5.
Tikki adong masalahta, olo do ra tarpikkir hita lao mangalului jalan keluar na maralo tu Hata ni Debata. Contohna, gabe metmet do rohamuna ala dang dapotmuna dope calon pasangan hidupmuna na cocok? Molo songon i situasimuna, unang ma hea tarpikkir hamu lao mangalului pasangan hidup na so sisomba Jahowa. Alana didok Jahowa, ikkon tu halak “na mangihutton Tuan i” do hita menikah. (1 Korint 7:39) Molo adong masalah di perkawinanmuna, unang ma ihutton kebiasaan ni akka halak di portibi on na mura-mura marsirang molo adong masalahna. Alai berusaha ma hamu pasaehon masalahmuna i rap dohot pasanganmuna. (Maleaki 2:16; Epesus 5:21-33) Maol do dihilala hamu memenuhi kebutuhan keluarga alani situasi ekonomi? Molo songon i situasimuna, ikkon sabar do hamu paimahon Jahowa mangurupi hamu. Jadi unang ma jalo hamu karejo na maralo tu Hata ni Debata manang na maralo tu hukum. (Psalmen 37:25; Heber 13:18) Memang ikkon berusaha do hita sude nasa tolapta lao pasaehon masalahta sambil paimahon Jahowa mangurupi hita. Jala bertekad ma hita asa sabar paimahon Jahowa mangalehon jalan keluar na terbaik.—Mika 7:7.
Arta na Adong di Bibel
Tongtong ma Ingot Upa na sian Debata
11 Molo marsitutu hita patuduhon holong dohot haburjuon, ndang mura hita mangiburu. Bibel mandok, “Na lambas do haholongon i jala [burju], ndang na mangiburu haholongon i.” (1 Kor. 13:4) Asa unang adong roha mangiburu di hita, tatiru ma cara ni Jahowa mangida naposoNa. Di Bibel, dipatudos do hita songon ruas ni sada pamatang. Alani i, ingkon songon i ma hita mangida angka dongan. Bibel paboahon, “Jala ia sangap dibahen sada ruas, rap marlas ni roha ma saluhut ruas i.” (1 Kor. 12:16-18, 26) Molo tabo pansarian ni donganta manang dapot tanggung jawab na sumurung ibana di huria, unang ma mangiburu hita tu ibana. Gariada, ingkon marlas ni roha do hita rap dohot ibana. Taingot ma si Jonatan anak ni Raja Saul. Nang pe ndang ibana na dipillit gabe raja, ndang mangiburu ibana tu si Daud. (1 Sam. 23:16-18) Gariada, dipatogu jala diurupi ibana do si Daud. Boi do tatiru haburjuon dohot holong ni si Jonatan?
25 APRIL–1 MEI
ARTA NA ARGA NA ADONG DI BIBEL 1 SAMUEL 25-26
“Sering do Dang Jolo Dipikkiri Hamu Tindakanmuna?”
Marbisuk do Ibana
10 Songon dia do tentara ni si Daud maradophon angka parmahan i? Sasintongna, boi do nasida mambuat manang manangko birubiru ni si Nabal. Alai, ndang diulahon nasida songon i. Gariada, dilinggomi nasida do angka birubiru dohot naposo ni si Nabal. (Jaha 1 Samuel 25:15, 16.) Godang do paraloan na diadopi angka parmahan i. Godang binatang buas jala jonok do inganan i tu parbalokan ni Israel di sabola selatan. Alani i, mura do ro angka panamun dohot panangko.
11 Maol do mangalului sipanganon di adaran i. Alani i, dipangido si Daud ma pangurupion tu si Nabal. Disuru ma sampulu halak mandapothon si Nabal tingki masa panggustingan imbulu ni birubiru. Diboto si Daud do, tingki ulaon on somal do halak patuduhon burju ni roha dohot las ni roha manamue. Dung i, dipatuduhon si Daud do bisuk dohot pangargaion tu si Nabal na tumua sian ibana. Didok si Daud do molo ibana ‘anak’ ni si Nabal. Alai, Songon dia do alus ni si Nabal?—1 Sam. 25:5-8.
12 Songon na pinatorang ni dolidoli i tu si Abigail, muruk situtu jala dileai si Nabal do nasida. Si Nabal siholit mangging i, manuru nasida mulak balging tingki dipangido nasida sipanganon, aek siinumon, dohot pinahan sipotongon. Didok roha ni si Nabal, halak na lintun do si Daud. Songon si Saul, sogo do roha ni si Nabal tu si Daud. Alai, dihaholongi jala dipillit Jahowa do si Daud gabe Raja ni Israel. Tangkas ma, ndang hombar pingkirannasida tu lomo ni roha ni Debata.—1 Sam. 25:10, 11, 14.
Marbisuk do Ibana
18 Si Abigail martanggung jawab padengganhon parsoalan on, jala dipangido ibana do asa marpamuati roha ni si Daud. Dipaboa ibana do molo tungganedolina, baoa na so marbisuk hombar tu goarna. Ra, on patuduhon ndang tama sahalak na sangap songon si Daud manguhum baoa sisongon i. Pos do roha ni si Abigail molo si Daud, suruan ni Debata. Diparhatutu ibana do molo na diulahon si Daud, i ma “porang ni Jahowa”. Porsea do muse si Abigail taringot janji ni Jahowa tu si Daud dohot hasangaponna gabe raja. Alani i, didok ibana ma, “Dibahen Jahowa . . . ho gabe partogi di halak Israel.” Dipangido ibana do muse asa unang diulahon si Daud ulaon na parohon utang hosa tu dirina, manang mambahen sega panggora ni rohana di pudian ni ari. (Jaha 1 Samuel 25:24-31.) Tangkas ma, marbisuk do si Abigail!
Arta na Adong di Bibel
Marbisuk do Ibana
16 Na mangalo do si Abigail tu tungganedolina? Ndang songon i. Taingot ma, nunga dileai si Nabal halak na miniahan ni Jahowa, jala boi do pambahenanna i parohon mara tu halak na so marsala di rumatanggana. Molo ndang hatop si Abigail laho, ra parsidohot do ibana marsala rap dohot tungganedolina. Alani i, dipatudu si Abigail do na rumingkot unduk tu Debata sian tu tungganedolina.