Referensi tu Parpunguan Hangoluan dohot Pangkobasion na Laho Diparsiajari
4-10 JULI
ARTA NA ARGA NA ADONG DI BIBEL | 2 SAMUEL 18-19
“Disadari si Barsilai do Keterbatasanna”
w07-IN 15/7 14 ¶5
Disadari si Barsilai do Keterbatasanna
Pasti mandok mauliate do si Daud tu bantuan ni si Barsilai. Jadi dang holan lao mambalos haburjuon ni si Barsilai dibahen na diajak si Daud ibana tu istana. Alana mamora do si Barsilai. Ala diida si Daud do akka sifat na denggan sian si Barsilai, lomo do roha ni si Daud asa di istana si Barsilai tinggal. Sada hasangapon do tinggal di istana boi gabe ale-ale ni raja.
w07-IN 15/7 14 ¶7
Disadari si Barsilai do Keterbatasanna
Dang olo si Barsilai tu istana ni si Daud ala diboto ibana do keterbatasanna jala nga matua ibana. (Psalmen 90:10) Berusaha do si Barsilai mangurupi si Daud. Alai, disadari ibana do keterbatasanna. Serep do rohana, dang olo ibana holan mangalului hasangapon tu dirina. Alani i ma boi ibana mambahen keputusan na masuk akkal. Berbeda do si Barsilai sian si Absalom na holan mangalului hasangapon.—Poda 11:2.
w07-IN 15/7 15 ¶1-2
Disadari si Barsilai do Keterbatasanna
Sian cerita ni si Barsilai, taboto ma ikkon tasadari do keterbatasanta. Tikki dilehon tu hita tanggung jawab, unang ma tatolak i holan ala mabiar hita loja manang tahilala dang sanggup hita. Alana, molo taandalhon Jahowa pasti dilehon do tu hita gogo dohot bisuk lao mangulahon tanggung jawabta i.—Pilippi 4:13; Jakobus 4:17; 1 Petrus 4:11.
Alai ikkon taakkui do keterbatasanta. Contohna adong sasahalak na godang tugasna di organisasi ni Jahowa. Alai disadari ibana molo dijalo ibana muse tugas tambahan, boi do gabe dang adong be tikkina lao memenuhi kebutuhan ni keluargana. Jadi molo ditolak ibana tugas tambahan i, on patuduhon na serep do rohana jala masuk akkal.—Pilippi 4:5; 1 Timoteus 5:8.
Arta na Adong di Bibel
‘Marlojong Sahat tu Ujungna’
19 Molo adong sahitta jala tahilala dang adong na boi mangattusi pakkilalaanta, ra boi do hita dipatogu marhite pengalaman ni si Mepiboset. (2 Sam. 4:4) Cacat do ibana jala hea do dang denggan pambahenan ni Raja Daud tu ibana. Hape dang alani salana sandiri umbahen na masa i. Alai dang gabe jut roha ni si Mepiboset. Diargai ibana do akka na denggan na boi dapotna. Las do rohana ala hea do burju Raja Daud tu ibana. (2 Sam. 9:6-10) Tikki dang denggan pe pambahenan ni Raja Daud, boi do diattusi ibana aha do na masa sasittongna. Dang gabe jut rohana tu si Daud, jala dang disalahon ibana Jahowa. Urrikkot do di ibana marsitutu lao mangurupi Raja na dipillit Jahowa i. (2 Sam. 16:1-4; 19:25-31) Jadi, dibahen Jahowa do asa disurat pengalaman ni si Mepiboset on di Bibel, asa marsiajar hita sian ibana.—Rom 15:4.
11-17 JULI
ARTA NA ARGA NA ADONG DI BIBEL | 2 SAMUEL 20-21
“Debata na Adil do Jahowa”
it-1-IN 803 ¶5
Gibeon
Saleleng marratus taon tetap do adong halak Gibeon, nang pe nungnga berupaya si Saul naeng mambunu nasida sude. Alai nang pe songon i sabar do halak Gibeon paimahon Jahowa na bertindak. Ujungna bertindak do Jahowa. Saleleng tolu taon, masa ma kelaparan tikki mamaretta si Daud. Dung i dipangido si Daud ma petunjuk tu Jahowa. Gabe diboto ibana ma alani pambahenan ni si Saul do terjadi kelaparan i. Disukkun si Daud ma tu halak Gibeon boha carana asa so bala kelaparan i. Didok halak Gibeon ma, “Dang cukkup perak manang mas” dibahen gabe tobusan. Alana mangihutton Patik ni si Musa dang boi dijalo tobusan sian sahalak pambunu. (4Mus 35:30, 31) Jala disadari nasida do dang marhak nasida pamatehon halak. Dung i, disukkun si Daud ma muse aha pangidoan ni nasida. Dipangido nasida ma asa dipamate pitu pinoppar ni si Saul. Nang pe si Saul na mamarettahon asa dibunu halak Gibeon, alai boasa ma gabe pinoppar ni si Saul na dipamate? Olo do ra ala dohot “pinoppar” ni si Saul mangulahon i. (2Sam 21:1-9) Jadi di situasi i, dang na alani dosa ni bapakna gabe mate anakkonna. (5Mus 24:16) Alai ala diihutton do hukum na adil, i ma “hosa do gatti ni hosa”.—5Mus 19:21.
Arta na Adong di Bibel
w13 15/1 ¶14
Akka Sintua ‘na Gabe Dongan Sakarejo na Mambahen Las Rohatta’
14 Di liat portibi on, torus do naposo ni Jahowa marbarita na uli, nang pe godang tantangan na dibahen Sibolis dohot akka suru-suruan na jahat. Adong do piga-piga sian hita na ikkon manaon tantangan na borat, na dos songon raksasa. Alai molo taasahon Jahowa, boi do hita marhasil manaon i jala toktong marlas ni roha. Sipata ala torus ro sitaonon, olo do gabe gale hita jala kecil hati. Molo songon i situasitta boi do gabe menyerah hita alani tantangan i, hape biasana boi do taatasi tantangan i. Di tikki sisongon i porlu do hita dipatogu akka sintua asa boi hita margogo jala marlas ni roha muse. Songon i ma na dihilala akka donganta. Contohna sahalak perintis na marumur 60 taon mandok, “Na masa i hea do au hurang sehat jala mura-mura loja sae mardinas. Jadi adong ma sahalak sintua na mamparrohahon na songon i keadaanku jala dipatogu ibana do au. Dipaboa ibana do akka nasehat sian Bibel na boi patoguhon rohakku. Dung huulahon akka nasehat i, marguna do i tu au.” Didok ibana muse, “Burju hian do sintua i, diparrohahon ibana do au jala diurupi ibana au.” Jadi las do rohatta ala taboto adong do akka sintua na songon si Abisai najolo, na sai mamparrohahon hita jala na ‘pittor hatop mangurupi hita’.
18-24 JULI
ARTA NA ARGA NA ADONG DI BIBEL | 2 SAMUEL 22
“Andalhon ma Bantuan ni Jahowa”
cl-IN 19 ¶11
Memang Boi do ‘Tapajonok Diritta tu Debata’?
11 Dung taboto “massai gogo situtu” do Jahowa, pasti longang do rohatta. (Jesaya 40:26) Alai tamba longang do rohatta tikki tajaha songon dia Jahowa paluahon halak Israel jala gabe boi ma nasida mangalewati Laut Merah. Asing ni i muse, dijaga Jahowa do bangso i saleleng 40 taon di gurun. Boi ma tabayakkon songon dia laut i gabe bola dua jala boi ma mardalan bangso i na godangna 3 juta halak. Mardalan ma halak i di dasar ni laut na mahiang jala gabe songon dinding ma laut i di kanan dohot di kiri ni nasida. (2 Musa 14:21; 15:8) Asing ni i, boi do taida dijaga Jahowa jala dilehon Jahowa do sude kebutuhan ni nasida. Boi do kaluar aek sian dolok batu. Jala dilehon Jahowa do sipanganon tu nasida, i ma manna. (2 Musa 16:31; 4 Musa 20:11) Sian on gabe taboto ma, dang holan Debata na marhuaso Jahowa. Alai olo do Ibana mamakke huasona lao mangurupi akka naposona. Pasti las do rohatta martangiang tu Debata na boi manjaga hita jala mangalehon gogo tu hita.—Psalmen 46:1.
w10-IN 1/6 26 ¶4-6
“Setia do Ho tu Halak na Setia”
Taida ma jo hata ni si Daud on. Di bahasa Heber istilah “setia” boi do diterjemahon gabe “patuduhan holong na manoktong”. Ikkon alani holong ni roha do asa boi sasahalak setia tu halak na asing. Jahowa pe songon i, holong do rohana jala setia do Ibana tu akka halak na setia tu Ibana.
Dang holan perasaan sifat setia i. Ikkon tarida do i sian pambahenan. Songon i do tong Jahowa. Dipatuduhon Ibana do na setia Ibana tu si Daud. Tikki susa si Daud diurupi Jahowa do ibana. Ala setia Jahowa tu ibana, dijaga jala ditogu-togu do ibana. Mandok mauliate do si Daud tu Jahowa ala diboto ibana holan Jahowa do na boi paluahon ibana “sian tangan ni sude musuna”.—2 Samuel 22:1.
Parsiajaran aha ma na boi tadapot sian hata ni si Daud on? Dang muba-uba Jahowa. (Jakobus 1:17) Dang muba aturanna jala sai ditepati Ibana do janjina. Di Psalmen na asing didok si Daud do, “Dang tinggalhononna akka naposona na setia.”—Psalmen 37:28.
Arta na Adong di Bibel
w12-IN 15/11 17 ¶7
Bahen ma Dirimuna Gabe na Ummetmet sian na Asing
7 Balga do pengaruh ni serep ni roha ni Debata tu si Daud. Didok ibana do di endena taringot Jahowa, “Dilehon Ho do tu au perisaimu lao paluahon au, jala serep ni rohami do na mambahen au sangap.” (2 Sam. 22:36) Boi pe godang na diulahon si Daud lao mangurupi halak Israel, ala na diurupi Jahowa do ibana. Dipatutoru Jahowa do dirina lao mamparrohahon jala mangurupi si Daud. (Ps. 113:5-7) Dos songon i ma tu hita saonari. Sian Jahowa do sude na adong di hita. Misalna keterampilan, tanggung jawab tambahan, dohot akka sifat na denggan. (1 Kor. 4:7) Jadi halak na mambahen dirina gabe ummetmet sian halak na asing, ibana do na gabe “na umbalga”. Alana, gabe marguna ma ibana tu Jahowa. (Lukas 9:48) Taparrohahon ma aha lapatan ni i.
25-31 JULI
ARTA NA ARGA NA ADONG DI BIBEL | 2 SAMUEL 23-24
“Olo do Hamu Mambahen Pengorbanan?”
it-1-IN 179
Arauna
Gratis do ditawarhon si Arauna tu si Daud inganan pardegeanna, hau dohot lombu na lao gabe pelean. Alai dang olo si Daud mangalehon pelean na gratis. Buktina, dipaboa do di 2 Samuel 24:24 dilehon si Daud ma 50 sekel perak (manang 110 dolar) lao manuhor inganan pardegean i dohot akka lombu i. Alai di 1 Kronika 21:25 didok, dilehon si Daud do 600 sekel mas (manang 77.000 dolar) lao manuhor inganan pardegean i. Boasa ma di bukku Sada Kronika dipaboa 600 sekel na dilehon si Daud lao manuhor inganan i? Alana molo na di bukku Dua Samuel i paboahon tuhor ni inganan pardegean i dohot akka bahan lao gabe pelean. Alai molo na dipaboa di bukku Sada Kronika olo do ra tuhor ni tano lao mambangun bagas joro di inganan i.—1Kron 22:1-6; 2Kron 3:1.
w12-IN 15/1 18 ¶8
Taparsiajari ma ‘Ajaran na Sittong’
8 Boi do halak Israel mangalehon pelean sian na nionjar ni rohana lao mandok mauliate tu Jahowa. Boi do tong nasida mangalehon pelean situtungon lao mambahen las roha ni Jahowa. Tikki naeng mangalehon pelean halak Israel, pasti dipillit nasida do binatang na sehat jala na so cacat. Saonari on dang mangihutton Patik ni si Musa be halak Kristen. Alai boi do nasida mangalehon tikki, gogo dohot sude na adong di nasida lao mendukung organisasi ni Jahowa. Alana didok si Paulus, molo “tabaritahon” goar ni Jahowa tu akka halak jala ‘taulahon akka na denggan jala taurupi halak na asing’, sarupa songon na mangalehon pelean tu Debata do i. (Heb. 13:15, 16) Molo taargai do sude na dilehon Jahowa tu hita saleleng on, pasti olo do hita mangalehon pengorbanan tu organisasi ni Jahowa sian ias ni rohatta. Jadi songon na diulahon halak Israel najolo, porlu do tapareso boasa olo hita mangulahon tugas na dilehon Jahowa.
Arta na Adong di Bibel
w05-IN 15/5 19 ¶6
Akka na Denggan sian Bukku Dua Samuel
23:15-17. Diargai si Daud do paretta ni Debata taringot hangoluan dohot mudar. Alani i, dang olo ibana manginum aek na dibuat tentarana. Alana, sappe martaru hosa do nasida mambuat i. Dihilala si Daud molo diinum ibana aek i, sarupa na mangalo paretta ni Jahowa do ibana. Ikkon songon i ma nian hita, taargai ma sude paretta ni Jahowa.
1-7 AGUSTUS
ARTA NA ARGA NA ADONG DI BIBEL | 1 RAJA-RAJA 1-2
“Olo do Hamu Marsiajar sian Kesalahanmuna?”
it-2-IN 706 ¶5
Salomo
Dung i dibege si Adonia ma soara ni musik di Gihon. Jala dibege ibana ma akka halak mandok, “Sai ganjang ma umur ni Raja Salomo!” Alani biarna, lari ma si Adonia dohot akka halak na mendukung ibana martabuni. Nang pe songon i, dang olo si Salomo balas dendam tu si Adonia. On patuduhon na lao dame do ngolu ni akka halak molo dung mamaretta ibana. Autsugari balas dendam hian si Salomo tu si Adonia, pasti nungnga mate ibana. Dung i, martabuni ma si Adonia tu tabernakel asa dang dipamate. Jadi disuru si Salomo ma halak mandapotton si Adonia lao paboahon hatana jala mamboan si Adonia mulak muse. Dipaboa si Salomo do tu si Adonia dang pamateonna si Adonia molo dang adong na jahat diulahon ibana.—1Raj 1:41-53.
it-1-IN 49
Adonia
Dung mate si Daud, makkatai ma si Adonia tu si Bat-seba. Dipangido ibana ma asa makkatai si Bat-seba tu si Salomo lao mangido si Abisag perawat ni si Daud asa gabe istrina. Didok si Adonia do tu si Bat-seba, “Takkas do diboto ho, au hian do na ikkon gabe raja, jala i do pangidoan ni sude halak Israel.” Sian hata ni si Adonia on, boi ma taboto dang terima dope ibana si Salomo gabe raja. Nang pe diboto ibana Jahowa do na mamillit si Salomo gabe raja. (1Raj 2:13-21) Memang sian pangidoan ni si Adonia on, hira holan na patuduhon naeng mangido gatti rugi do ibana ala dang jadi ibana gabe raja. Alai sian pangidoanna i boi ma taboto marsitutu dope ibana asa boi gabe raja. Alana adong do hasomalan di negeri Timur najolo holan penerus ni raja do na marhak mambahen akka gundik ni raja gabe istrina. (Bandingkon tu 2Sam 3:7; 16:21.) Diboto si Salomo do rencana ni si Adonia on. Alani i, disuru ibana ma asa dipamate si Benaya si Adonia.—1Raj 2:22-25.
Arta na Adong di Bibel
w05-IN 1/7 30 ¶1
Akka na Denggan sian Bukku Sada Raja-Raja
2:37, 41-46. Unang ma tarippu dang adong akibatna molo taulahon na sala. Alana molo sengaja sasahalak dang olo mangihutton ‘gerbang na soppit na tu hangoluan i’, pasti hilalaonna do akibat ni pambahenanna.—Mateus 7:14.
8-14 AGUSTUS
ARTA NA ARGA NA ADONG DI BIBEL | 1 RAJA-RAJA 3-4
“Ummarga do Bisuk sian Mas”
w11-IN 15/12 8-9 ¶4-6
Sitiruon manang Sipaingot?
4 Tikki baru mamaretta si Salomo gabe raja, dipataridahon Jahowa ma dirina tu si Salomo di bagasan nipi. Jala disukkun Jahowa ma aha do pangidoan ni si Salomo. Ala diboto si Salomo dang berpengalaman dope ibana, dipangido ibana ma bisuk sian Jahowa. (Jaha 1 Raja-Raja 3:5-9.) Las do roha ni Jahowa ala bisuk do na dipangido si Salomo, dang hamoraon dohot hasangapon. Jadi dilehon Jahowa ma roha na marbisuk tu si Salomo jala dibahen Jahowa ma ibana malo “manottuhon dia na denggan”. Asing ni i, dilehon Jahowa do tong tu si Salomo hamoraon. (1 Raj. 3:10-14) Songon na didok Jesus, gabe tarbarita do si Salomo alani bisukna jala sappe ro do Ratu Syeba sian na dao lao mambuktihon bisuk ni si Salomo i.—1 Raj. 10:1, 4-9.
5 Dang boi toppu hita gabe halak na marbisuk. Memang didok si Salomo, sian Jahowa do bisuk i. Alai, disuru ibana do tong hita asa berusaha gabe halak na marbisuk. Didok si Salomo, ‘Patinggil ma pinggolmu lao manangihon bisuk jala lehon ma roham lao mamboto dia na sittong dohot dia na sala . . . jou-jou ho mangido asa boi mangattusi jala . . . sai lului’ ma bisuk i. (Poda 2:1-6) Jadi takkas ma, boi do hita gabe halak na marbisuk.
6 Pikkirhon ma on, ‘Hutiru do si Salomo na mangargai bisuk na sian Debata?’ Ala maol mangalului hepeng saonari, gabe holan na tu karejo dohot tu hepeng ma roha ni godangan halak. Berpengaruh do pandangan ni nasida i tu cara ni nasida mambahen keputusan taringot pendidikan. Boha do hamu dohot keluargamuna? Sian keputusan na dibahen hamu, tarida do na diargai jala dilului hamu bisuk na sian Debata? Manang porlu do dipadenggan hamu cara marpikkirmuna asa gabe halak na marbisuk hamu? Godang do manfaatna molo gabe halak na marbisuk hita jala dang holan satokkin tahilala manfaat ni i. Didok si Salomo, “Boi ma diboto ho dia na tigor, dia na sittong, dohot dia na adil, jala diboto ho ma sude na denggan.”—Poda 2:9.
Arta na Adong di Bibel
w98-IN 1/2 11-12 ¶15
Dipasaut Jahowa do Janjina
15 Gabe terorganisasi do pinoppar ni si Abraham dung dilehon Patik ni si Musa tu nasida. Jala dipasu-pasu Jahowa do nasida songon naung dijanjihon Ibana tu si Abraham. Di taon 1473 SM diboan si Josua ma halak Israel tu Kanaan. Dibagi ma tano i tu sappulu dua marga ni Israel. Gabe saut ma janji ni Jahowa na mandok lao mangalehon Tano na Dijanjihon i tu pinoppar ni si Abraham. Molo setia halak Israel, bahenon ni Jahowa do nasida monang mangalo akka musuna songon naung dijanjihon Ibana hian. On ma na terjadi tikki mamaretta Raja Daud. Jala tikki mamaretta si Salomo saut ma perjanjian ni si Abraham na patoluhon na mandok, “Songon pasir na di topi ni laut do godang ni halak Juda dohot halak Israel. Sonang do ngolu ni nasida. Adong do sipanganon dohot siinumon ni nasida.”—1 Raja-Raja 4:20.
15-21 AGUSTUS
ARTA NA ARGA NA ADONG DI BIBEL | 1 RAJA-RAJA 5-6
“Bekerja Keras do Nasida sian Nasa Roha”
w11-IN 1/2 15
Diboto Hamu do?
Terkenal do hau ares na sian Libanon. Alana bagak do hau i, angur, dang mura sega manang burburon. Jadi akka bahan na terbaik do na dipakke si Salomo lao mambangun bagas joro. Alai molo saonari, holan otik nama hau na tubu di pegunungan Libanon.
it-1-IN 178
Hau Ares
Ala godang do hau ares na dihaporluhon lao mambangun bagas joro i, porlu do marribu parkarejo. Alana ikkon jolo ditaba do hau i. Diboan ma tu Tirus manang tu Sidon na di pinggir ni laut tengah. Dibahen ma i gabe rakit jala diboan ma i sian laut, olo do ra sahat tu Joppe. Dung i sian i diboan ma muse hau i sian dalan darat tu Jerusalem. Asa boi terlaksana proyek na balga on, dibahen Raja Salomo do perjanjian dohot Raja Hiram. (1Raj 5:6-18; 2Kron 2:3-10) Dung i boi ma torus diboan hau ares tu Jerusalem. Alani i di jaman ni Raja Salomo, boi ma didok, “godang ni hau ares dos songon godang ni hau ara na di tombak”.—1Raj 10:27; bandingkon tu Jes 9:9, 10.
it-1-IN 268 ¶3
Bagas Joro
Asa boi lancar pembangunan bagas joro i, dikirim si Salomo ma 30.000 halak Israel karejo di Libanon margatti-gatti. Dibagi ma i gabe tolu kelompok, 10.000 halak ma sahali karejo. Dung karejo sada kelompok sabulan, istirahat ma nasida dua bulan di jabuna. (1Raj 5:13, 14) Sian halak na so sian bangso Israel, dibahen si Salomo ma 70.000 halak gabe pangangkat barang. Jala 80.000 halak gabe panokkok batu di dolok. (1Raj 5:15; 9:20, 21; 2Kron 2:2) Dibahen si Salomo ma 550 halak pejabat daerah lao mangatur parkarejo i. Jala dibahen ma 3.300 pejabat daerah lao mangurupi nasida. (1Raj 5:16; 9:22, 23) Sian 3.850 halak i, 250 ma halak Israel. Jala 3.600 ma halak na so sian bangso Israel.—2Kron 2:17, 18.
Arta na Adong di Bibel
Kotak di hal. 17 g-IN 5/12
Pas do Perhitungan Waktu Surirang na Disurat di Bibel, Bagian 1
PERHITUNGAN WAKTU NA PAS
Sada contoh perhitungan waktu na pas disurat ma i di 1 Raja-Raja 6:1. Dipaboa do di ayat i nandigan Raja Salomo mulai mambangun bagas joro di Jerusalem. Didok di ayat i, “Di taon na paopatton si Salomo mamaretta gabe raja, mulai ma dipajongjong ibana jabu ni Jahowa di bulan Siw, i ma bulan na paduahon. Tikki i, i ma taon na paopatratus ualupuluhon halak Israel malua sian Mesir.”
Molo taida kronologi waktu na disurat di Bibel, di taon 1034 SM ma taon na paopatton Raja Salomo mamaretta gabe raja. Jadi 479 taon sebelum taon i, i ma taon 1513 SM. Di taon i ma halak Israel kaluar sian Mesir.
22-28 AGUSTUS
ARTA NA ARGA NA ADONG DI BIBEL | 1 RAJA-RAJA 7
“Pelajaran na Boi Tadapot sian Dua Tiang na di Bagas Joro”
w13-IN 1/12 13 ¶3
“Boi do Buatonmuna Tombaga sian Akka Dolok na di Luat i”
Godang do tombaga na dipakke Raja Salomo lao mambahen hiasan na di bagas joro na di Jerusalem. Godangan tombaga i sian halak Siria do dapot ni Raja Daud dung ditaluhon ibana nasida. (1 Kronika 18:6-8) Hira-hira 30 ton ma borat ni “Laut Tombaga” na adong di kompleks bagas joro i. Siat do disi aek 66.000 Liter. Jala i do na dipakke akka malim lao paisson dirina. (1 Raja-Raja 7:23-26, 44-46) Di jonok ni pintu masuk bagas joro adong dua tiang na balga na sian tombaga. Timbona ualu meter jala hira-hira dua meter ma timbo ni ulu ni tiang i. Kosong do di tonga-tonga ni tiang i. Hapal ni tiang i, 7,5 sentimeter. Jala 1,7 meter ma garis tengahna. (1 Raja-Raja 7:15, 16; 2 Kronika 4:17) Pasti godang ma tombaga na dipakke lao mambahen akka barang na adong di bagas joro i.
it-1-IN 451 ¶2
Boas, II
Adong dua tiang na balga na sian tombaga di jonok ni pintu masuk bagas joro. Na sabola kiri dibahen ma goarna Boas. Ra lapatanna, “Marhite Gogo”. Tiang na di sabola kanan dibahen do goarna Jakin, na lapatanna, “Sai Anggiat ma Toktong Hot Dibahen [Jahowa]”. Jadi molo dipasada goar ni dua tiang i, jala dijaha sian kanan tu kiri gabe songon on ma kalimatna, ‘Sai anggiat ma toktong hot [bagas joro i] dibahen [Jahowa] marhite gogo.’—1Raj 7:15-21; ida KEPALA PILAR.
Arta na Adong di Bibel
it-1-IN 338
Maridi
Penting do di Jahowa ias akka naposona na naeng manomba Ibana. Boi do tarida i tikki di tabernakel dope halak Israel manomba Jahowa manang dung di bagas joro. Tikki lao dilantik Sintua Malim Aron dohot akka anakna, ikkon jolo maridi do nasida asa boi mamakke jubah malim. (2Mus 29:4-9; 40:12-15; 3Mus 8:6, 7) Tikki di tabernakel dope halak Israel manomba Jahowa, ikkon dicucci malim do pat dohot tanganna mamakke aek na sian baskom tombaga na adong di halaman tabernakel. Jala dung di bagas joro ni si Salomo halak Israel manomba Jahowa, dipakke akka malim do tong aek na sian laut tombaga lao paiasson diri ni nasida. (2Mus 30:18-21; 40:30-32; 2Kron 4:2-6) Di Ari Pardamean ikkon dua hali do sintua malim maridi sebelum masuk tu bagas joro. (3Mus 16:4, 23, 24) Songon i ma tong akka halak na mamboan hambing Asasel, sisa panutungan ni pelean, dohot lombu na merah na lao dipelehon tu luar ni perkemahan. Ikkon jolo maridi do nasida jala dicucci pakkeanna sebelum masuk nasida tu perkemahan ni halak Israel.—3Mus 16:26-28; 4Mus 19:2-10.
29 AGUSTUS–4 SEPTEMBER
ARTA NA ARGA NA ADONG DI BIBEL | 1 RAJA-RAJA 8
“Serep do Roha ni si Salomo Tikki Martangiang di Jolo ni Halak”
w09-IN 15/11 9 ¶9-10
Bahen ma Asa Lam Denggan Tangiangmuna
9 Asa ditangihon tangiangta, ikkon sian ias ni roha do i. Tikki peresmian ni bagas joro di Jerusalem di taon 1026 SM, martangiang do si Salomo di jolo ni godang halak sian ias ni rohana. Disurat do i di 1 Raja-Raja bindu 8. Dung dipamasuk poti parpadanan tu Inganan na Massai Badia jala ro ombun ni Jahowa manggohi bagas joro i, dipuji si Salomo ma Debata.
10 Molo taparrohahon tangiang ni si Salomo i, taida ma dipaboa ibana do taringot roha. Diakkui si Salomo do holan Jahowa do na mamboto roha ni jolma. (1 Raj. 8:38, 39) Sian tangiang ni si Salomo i tarida ma, boi do halak na mardosa mulak tu Jahowa molo sian nasa roha nasida martangiang. Tikki ditawan musu naposo ni Jahowa, pasti ditangihon Jahowa do tangiang ni nasida molo martangiang nasida sian nasa rohana. (1 Raj. 8:48, 58, 61) Alani i, ikkon sian ias ni roha do hita martangiang.
w99-IN 15/1 17 ¶7-8
Diangkat do Tanganna Tikki Martangiang
7 Ikkon tapatudu do serep ni roha tikki martangiang hita di jolo ni akka halak manang tikki martangiang sahalakta. (2 Kronika 7:13, 14) Tikki peresmian bagas joro, dipatudu Raja Salomo do serep ni roha tikki martangiang di jolo ni akka halak. Di tikki i, bagas joro na dipajongjongna i ma bangunan na umbalga jala na ubbagak. Alai tetap do dipatudu Raja Salomo serep ni roha tikki martangiang. Didok ibana do, “Alai tutu do Debata naeng maringanan di tano on? Haru sude pe langit i dang siat gabe ingananmu. Lam jabu na hupajongjong on ma!”—1 Raja-Raja 8:27.
8 Tatiru ma si Salomo. Tapatudu ma serep ni roha tikki martangiang hita di jolo ni akka halak. Memang dang denggan molo hira na dibahen-bahen tangiangta. Alai boi do tarida serep ni rohatta tikki martangiang sian caratta makkatai. Jala tikki martangiang, unang ma tabahen hira naeng pasangappon diritta. Alai tapasangap ma Jahowa. (Mateus 6:5) Tarida do muse serep ni rohatta tikki martangiang sian na tapangido. Molo serep rohatta tikki martangiang, dang tapaksahon asa songon na di rohatta i cara ni Debata mangalehon pangidoanta. Alai tapangido ma asa cara ni Jahowa na saut. Songon i ma na diulahon panurat psalmen. Serep do rohana tikki martangiang. Didok ibana do, “Ale Jahowa, mangido ma hami tu Ho, palua ma hami! Ale Jahowa, bahen ma hami monang!”—Psalmen 118:25; Lukas 18:9-14.
Arta na Adong di Bibel
it-1-IN 1390 ¶5
Surgo
Tikki meresmihon bagas joro didok si Salomo do di tangiangna, “Haru sude pe langit i dang siat gabe ingananmu.” (1Raj 8:27) Ala Jahowa do na manoppa langit, pasti untimbo do Ibana sian sude na adong di tano on. Jala “holan goarna i do na ussangap sian sasude. Hamuliaonna untimbo sian tano on dohot langit”. (Ps 148:13) Songon sajokkal ni Jahowa do langit tu tano on. (Jes 40:12) Alai hata ni si Salomo i dang na patuduhon dang adong inganan ni Jahowa. Jala dang na patuduhon adong Jahowa manang na didia pe dohot di bagasan manang aha pe. Alana molo taida muse hata ni si Salomo didok ibana do, “Sai anggiat ma ditangihon Ho hami sian surgo ingananmi.”—1Raj 8:30, 39.