Referensi tu Parpunguan Hangoluan dohot Pangkobasion na Laho Diparsiajari
7-13 NOVEMBER
ARTA NA ARGA NA ADONG DI BIBEL | 2 RAJA-RAJA 5-6
“Unggodang do na Mandongani Hita sian Nasida”
it-1-IN 674 ¶4
Si Elisa
Dipalua ma Halak Israel sian Halak Siria. Tikki mamaretta si Jehoram Raja ni Israel, berencana do halak Siria naeng menyerang halak Israel. Alai piga-piga hali gagal do rencana ni si Ben-hadad II, i ma raja ni Siria dibahen si Elisa. Dipaboa si Elisa do akka rencana ni halak Siria tu Raja Jehoram. Di mulana, dirippu si Ben-hadad do adong sian akka tentarana na berhianat. Alai dung diboto ibana ise na paboahon akka rencanana i, dikirim ibana ma akka tentarana tu Dotan rap dohot akka hoda dohot kareta porang ni nasida lao mangepung kota i, jala naeng manakkup si Elisa. (GAMBAR, Jil. 1, hlm. 950) Gabe mabiar ma pangurupi ni si Elisa. Alai pittor martangiang ma si Elisa tu Debata, asa dibukka mata ni pangurupina i. Bibel mandok, “Gabe diida pangurupina i ma nungnga gok akka kareta porang na marapi dohot akka hoda di dolok na di sakaliling ni si Elisa.” Tikki naeng ro halak Siria manakkup nasida, martangiang ma si Elisa tu Jahowa. Didok ibana ma, “Bahen ma mapitung nasida.” Dung i didok si Elisa ma tu halak Siria, “Beta, ihutton ma au.” Dang porlu ditogu-togu si Elisa akka tentara i. On patuduhon dang mata ni nasida na mapitung, alai pikkiran ni nasida do na dipapitung Jahowa. Alana dang diboto nasida, si Elisa do halak na naeng ditakkup i. Jala dang diboto nasida naeng tudia boanon ni si Elisa nasida.—2Raj 6:8-19.
w13-IN 15/8 30 ¶2
Boi do Diida Hamu Kareta Porang na Marapi Songon si Elisa?
Nang pe dikepung musu si Elisa di Dotan, alai tetap do ibana tenang. Boasa? Ala togu do haporseaonna tu Jahowa. Hita pe, ikkon togu do haporseaotta songon si Elisa. Jadi torus ma tapangido tondi parbadia sian Jahowa asa boi togu haporseaotta, jala asa boi tapatudu akka sifat na gabe bagian sian tondi parbadia.—Luk. 11:13; Gal. 5:22, 23.
it-1-IN 484 ¶1
Mapitung
Tikki dibahen Debata mapitung akka tentara ni Siria, dang mata ni nasida na mapitung. Alai pikkiran ni nasida do na dipapitung Debata. Alana molo mata ni nasida na mapitung, pasti ikkon ditogu-togu do nasida sude. Hape holan songon on do didok si Elisa tu nasida, “Sala dalan do hamu, dang on kota i. Beta, ihutton ma au.” Taringot peristiwa on, songon on ma komentar ni si William James di bukkuna na marjudul Principles of Psychology (1981, Jil. 1, hlm. 59), “Molo adong gangguan di lapisan tipis ni otakta, boi do gabe linglung hita. Tikki linglung hita, dang na maksudna dang boi hita marnida. Alai, dang boi taattusi aha na taida i. Jadi secara psikologis boi ma didok putus saraf antara mata dohot otakta. Alani i ma gabe dang boi taattusi manang aha pe na taida.” Alai dung sahat akka tentara ni Siria i di Samaria, dibahen Jahowa ma denggan muse pikkiran ni nasida. (2Raj 6:18-20) Songon na masa tu tentara ni Siria i ma dibahen Jahowa masa tu akka bawa na di kota Sodom. Alana dang adong didok di Bibel gabe marsak nasida ala dang boi be marnida. Alai na dipaboa di Bibel, loja do nasida mangalului pintu ni jabu ni si Lot.—1Mus 19:11.
Arta na Adong di Bibel
w05-IN 1/8 9 ¶2
Akka na Denggan sian Bukku 2 Raja-Raja
5:15, 16—Boasa dang olo si Elisa manjalo hadiah sian si Naaman? Alana diboto si Elisa, Jahowa do na pamaluppon si Naaman, dang ibana. Jadi dang hea tarpikkir si Elisa mambahen tugas na dilehon Debata tu ibana, lao gabe dalan mangalului uttung tu dirina sandiri. Songon i do tong akka naposo ni Debata saonari. Dang olo nasida mambahen tugas na sian Debata, lao gabe dalan mangalului uttung tu diri ni nasida sandiri. Diingot nasida do sipasingot ni Jesus na mandok, “Ala dang margarar dijalo hamu sudena i, lehon hamu ma i dang margarar.”—Mateus 10:8.
14-20 NOVEMBER
ARTA NA ARGA NA ADONG DI BIBEL | 2 RAJA-RAJA 7-8
“Dibahen Jahowa do Cara na So Tarduga Lao Pasautton Hatana”
it-1-IN 675
Si Elisa
Alai di pudian ni ari, dikepung jala diserang Raja Ben-hadad II ma kota Samaria. Alani pengepungan i, gabe kelaparan ma halak Samaria. Akibatna, sappe adong ma sahalak borua na mangallang anakna sandiri. Alani i, gabe marsumpa ma Raja Jehoram, “anak ni pambunu i”, i ma anak ni si Ahab lao pamatehon si Elisa. Alai dang saut sumpana i. Dung i sahat ma si Jehoram rap dohot ajudanna di jabu ni si Elisa. Didok nasida do dang mungkin tolap Jahowa mangurupi nasida. Alai dipapos si Elisa do roha ni Raja i, marsogotna i bahenon ni Jahowa do godang sipanganon disi. Alai dang porsea ajudan ni raja i tu si Elisa. Gabe didok si Elisa ma tu ibana, “Idaonmu do i annon. Alai dang dohot ho mangallang i.” Di borngin i, dibahen Jahowa ma dibege halak Siria soara ni tentara na godang, akka hoda, dohot akka kareta porang. Gabe dirippu nasida ma naung marsada halak Israel, halak Het, dohot halak Mesir lao mangalo nasida. Gabe marlarian ma halak Siria i. Ditinggalhon nasida ma perkemahan ni nasida, arta ni nasida, dohot sipanganon ni nasida. Dung diboto Raja Jehoram naung marlarian akka tentara ni halak Siria, disuru ibana ma ajudanna mengawasi gerbang ni halak Samaria. Alani godang ni jolma na marlarian lao mambuat sipanganon sian perkemahan ni halak Siria, gabe didege-dege do ajudan i sappe mate. Jadi toho ma na didokkon si Elisa i. Diida ajudan i do godang sipanganon, alai dang dohot ibana mangallang i.—2Raj 6:24–7:20.
Arta na Adong di Bibel
it-2-IN 320 ¶7
Palito
Akka Raja sian Pinoppar ni si Daud. Jahowa do na mambahen si Daud gabe raja ni halak Israel. Ala olo si Daud mangihutton petunjuk ni Jahowa, gabe pamimpin jala raja na marbisuk ma ibana. Alani i ma digoari ibana “palito ni bangso Israel”. (2Sam 21:17) Dung i dibahen Jahowa ma muse parjanjian tu si Daud. Didok Jahowa, “Sai hot do tahtam saleleng ni lelengna.” (2Sam 7:11-16) Alani i, akka raja pinoppar ni si Daud na sian si Salomo dohot do tong digoari “palito” ni halak Israel.—1Raj 11:36; 15:4; 2Raj 8:19; 2Kron 21:7.
21-27 NOVEMBER
ARTA NA ARGA NA ADONG DI BIBEL | 2 RAJA-RAJA 9-10
“Barani jala Semangat do Ibana Bertindak”
w11-IN 15/11 3 ¶2
Dipadenggan si Jehu do Ibadat na Sittong
Tikki gabe raja si Jehu, dang denggan hubungan ni halak Israel tu Jahowa. Alana di tikki i Ratu Izebel do na mangarajai luat i, i ma istri ni si Ahab jala omak ni Raja Jehoram na gabe raja ni Israel di tikki i. Dijujui ibana do halak Israel asa manomba Baal, dang Jahowa. Dipamate ibana do akka panurirang ni Debata. Jala dijujui ibana do halak Israel asa “mardatu jala mangulahon seks na so patut”. (2 Raj. 9:22; 1 Raj. 18:4, 13) Alani i, disuru Jahowa ma asa dipamate sude keluarga ni si Ahab, termasuk ma si Jehoram dohot si Izebel. Jala ikkon si Jehu do na pamatehon nasida sude.
w11-IN 15/11 4 ¶1-2
Dipadenggan si Jehu do Ibadat na Sittong
Dang olo si Jehu mangalusi sukkun-sukkun ni dua tentara na diutus si Jehoram. Pittor dijuppangi si Jehu do Raja Jehoram dohot si Ahasia, i ma Raja Juda. Nungnga jongjong nasida di kareta porang ni nasida be. Disukkun si Jehoram ma tu si Jehu, “Mamboan barita na denggan do haroromon Jehu?” Dialusi si Jehu ma, “Dang adong barita na denggan saleleng mardatu jala mangulahon seks na so patut dope omakmu si Izebel.” Dung dibege si Jehoram alus ni si Jehu, pittor diputar ibana ma kareta porangna i naeng lari. Alai dipanah si Jehu ma tanggurung ni si Jehoram, sappe tombus ma sahat tu jantungna. Gabe mate ma si Jehoram di kareta porangna i. Mangida i, lari ma si Ahasia. Alai disuru si Jehu do halak pamatehon ibana. Jala ujungna mate ma tong si Ahasia.—2 Raj. 9:22-24, 27.
Anggota keluarga ni si Ahab na ikkon dipamate muse, i ma Ratu Izebel na jahat. Didok si Jehu do ibana “boru-boru na jahat”. Dung sahat si Jehu di Jisreel, diida ibana ma Ratu Izebel lagi manatap-natap sian jandela ni istanana. Pittor disuru si Jehu ma pejabat istanana lao mandabuhon si Izebel sian jandela. Didabuhon nasida ma Ratu Izebel i, jala didege-dege akka hoda ma ibana. Dung i, disuru si Jehu ma muse asa dipamate anggota keluarga ni si Ahab na asing.—2 Raj. 9:30-34; 10:1-14.
w11-IN 15/11 5 ¶3-4
Dipadenggan si Jehu do Ibadat na Sittong
Memang godang do keluarga ni si Ahab na dipamate si Jehu. Alai didok Bibel do si Jehu halak na barani, na paluahon halak Israel sian si Izebel dohot keluargana. Asa boi diulahon si Jehu i ikkon barani, tegas, jala semangat do ibana. Sada kamus ni Bibel mandok, “Memang dang mura mangulahon i. Jala dang pas di tikki i molo ibana patuduhon asi ni roha. Molo dang tegas hian si Jehu, pasti tetap ma adong halak na manomba Baal di Israel.”
Songon naung taboto, godang do akka godaan na diadopi halak Kristen saonari. Alani i, ikkon tatiru do sifat ni si Jehu. Misalna, boha do reaksitta tikki digoda hita mangulahon na sala di adopan ni Jahowa? Ikkon barani jala tegas do hita menolak i. Jadi ikkon tegas do hita menolak pangalaho manang aha pe na so sesuai tu lomo ni roha ni Jahowa.
Arta na Adong di Bibel
w11-IN 15/11 5 ¶6-7
Dipadenggan si Jehu do Ibadat na Sittong
Asa pulik harajaon ni Israel sian Juda, ra ninna roha ni si Jehu ikkon beda do agama ni dua harajaon i. Jadi diihutton ibana do hajahaton ni akka raja ni Israel sebelumna, na mambahen halak Israel tetap manomba patung anak ni lombu. Alai on patuduhon dang diandalhon ibana Jahowa, naung mambahen ibana gabe raja.
Memang dipuji Jahowa do si Jehu ala ‘nungnga diulahon ibana na denggan dohot na sittong di jolo ni Jahowa’. Alai “dang diulahon si Jehu Patik ni Jahowa Debata ni Israel sian nasa rohana”. (2 Raj. 10:30, 31) Ra molo taingot akka na denggan naung diulahon si Jehu, gabe lungun do rohatta mamboto hahuranganna on. Alai adong parsiajaran na boi tabuat sian on. Unang ma hea leas rohatta tu hubungatta dohot Jahowa. Asa boi hita tetap setia tu Jahowa, tiap ari tajaha jala taparsiajari ma hatana, tarimangi, jala martangiang ma hita tu Jahowa sian nasa rohatta. Jadi marsitutu ma hita mangihutton paretta ni Jahowa sian nasa rohatta.—1 Kor. 10:12.
28 NOVEMBER–4 DESEMBER
ARTA NA ARGA NA ADONG DI BIBEL | 2 RAJA-RAJA 11-12
“Hukuman tu Boru-Boru na Jahat jala na Ambisi”
it-1-IN 220
Si Atalia
Jahat do si Atalia songon omakna si Izebel. Tikki mamaretta suamina si Jehoram saleleng ualu taon, dijujui ibana do suamina i mangulahon na jahat di jolo ni Jahowa. (1Raj 21:25; 2Kron 21:4-6) Jala lomo-lomo ni si Atalia do pamatehon halak na so marsala. Dung sataon si Ahasia anakna mamaretta, mate ma ibana. Dung i dipamate si Atalia ma sude keturunan ni raja. Alai molo si Jehoas anak ni si Ahasia na jahat i, ditabunihon namboruna do ibana. Jala Sintua Malim Jehoyada do suami ni namboruna i. Dung i, si Atalia ma na mamaretta saleleng onom taon, i ma ± taon 905-899 SM. (2Kron 22:11, 12) Jahat do akka anak ni si Atalia. Dibuat nasida do akka perlengkapan sian bagas joro ni Jahowa lao dipelehon tu Baal.—2Kron 24:7.
it-1-IN 220
Si Atalia
Dung marumur pitu taon si Jehoas, diboan Sintua Malim Jehoyada ma ibana kaluar sian inganan partabunianna jala dilantik ma ibana gabe raja. Marlas ni roha ma akka halak tikki dilantik ibana. Mambege soara ni akka halak na marlas ni roha i, lao ma si Atalia tu bagas joro ni Jahowa. Tikki diida ibana aha na masa, didok ibana ma, “Penghianat! Penghianat!” Disuru Sintua Malim Jehoyada ma asa diboan ibana kaluar sian i jala diboan ma ibana tu dalan masuk ni akka hoda tu istana ni raja. Laos disi ma ibana dipamate! Si Atalia ma ra keluarga ni si Ahab na parpudi na mangolu dope. (2Raj 11:1-20; 2Kron 22:1–23:21) Gabe saut ma hata ni Jahowa na mandok, “Dang adong nanggo sada pe hata ni Jahowa na pinaboa ni Jahowa taringot tu keluarga ni si Ahab na so saut.”!— 2Raj 10:10, 11; 1Raj 21:20-24.
Arta na Adong di Bibel
it-2-IN 1180
Si Jehoas
Saleleng mangolu Sintua Malim Jehoyada, ibana ma na gabe bapak jala penasehat di Raja Jehoas. Saleleng i, marhasil do si Jehoas mamaretta. Dung marumur 21 taon, mangoli ma ibana. Adong dua istrina, sada na margoar si Joadan. Jala maranak marboru ma ibana sian akka istrina i. Autsugari mate hian si Jehoas, putus ma pinoppar ni si Daud na gabe ompu ni Messias. Alai ala mangolu do ibana jala ditabunihon Sintua Malim Jehoyada, gabe tetap ma adong pinoppar ni si Daud na gabe ompu ni Messias.—2Raj 12:1-3; 2Kron 24:1-3; 25:1.
5-11 DESEMBER
ARTA NA ARGA NA ADONG DI BIBEL | 2 RAJA-RAJA 13-15
“Parohon Gok Pasu-Pasu do Molo sian Nasa Roha Mangulahon Paretta ni Jahowa”
w10-IN 15/4 26 ¶11
Diihuthon Hamu do Paretta ni Kristus sian Nasa Rohamuna?
11 Asa taboto penting ni semangat mangulahon paretta ni Jahowa, taida ma jo sada peristiwa na masa di ngolu ni Raja Jehoas na sian Israel. Ala mabiar ibana ditaluhon halak Siria, lao ma ibana manjuppangi Panurirang Elisa huhut tangis-tangis. Jadi disuru Panurirang Elisa ma ibana mamanah sian jandela tu arah Siria lao patuduhon songon i ma annon bahenon ni halak Israel lao manaluhon halak Siria. Dung i dibuat si Jehoas ma panahna jala dipanah ibana ma tu tano. Alai holan tolu hali do dipanah ibana. Gabe muruk ma si Elisa tu ibana. Alana autsugari lima manang onom hali ibana mamanah tu tano, ‘boi ma taluhononna sude halak Siria’. Alai ala holan tolu hali do si Jehoas mamanah tu arah Siria jala hurang semangat ibana tikki na mamanah i, gabe dang boi sude halak Siria ditaluhon ibana. (2 Raj. 13:14-19) Aha ma na boi taparsiajari sian cerita on? Molo sian nasa roha jala bersemangat hita mangulahon paretta ni Jahowa, pasti lehonon ni Jahowa do gok pasu-pasu tu hita.
w13-IN 1/11 11 ¶5-6
“Lehononna Upa tu Halak na Marsitutu Mangalului Ibana”
Tu akka ise do Jahowa lao mangalehon upa? Si Paulus mandok, tu akka “halak na marsitutu mangalului Ibana.” Sada buku referensi na dipakke lao manerjemahon Bibel mandok, bahasa Junani ni hata “marsitutu mangalului” di ayat on, dang holan patuduhon marsitutu mananda Debata. Alai hata on pe patuduhon ibadat tu Debata. Karya referensi na asing pe mandok molo taida bahasa Junani ni hata on, boi ma taida adong gagasan usaha na tabahen sian nasa tolapta. Jadi molo marsitutu hita sian nasa tolapta lao manomba Jahowa jala alani holong ni rohatta hita mangulahon i, pasti lehonnon ni Jahowa do upa tu hita.—Mateus 22:37.
Akka aha ma na lao lehonon ni Debata tu akka naposona na porsea tu Ibana? Marjanji do Ibana lao mangalehon hangoluan na saleleng ni lelengna di Paradeiso di masa depan. On patuduhon Debata na murah hati jala parholong do Jahowa. (Pangungkapon 21:3, 4) Alai saonari pe, dilehon Jahowa do pasu-pasu tu akka naposona. Molo dijaha nasida Bibel, boi ma nasida gabe marbisuk jala makkilala tondi parbadia ni Jahowa na boi mangurupi nasida marlas ni roha di ngoluna.—Psalmen 144:15; Mateus 5:3.
Arta na Adong di Bibel
w05-IN 1/8 11 ¶3
Akka na Denggan sian Bukku 2 Raja-Raja
13:20, 21—Sian mukjizat na dipaboa di ayat on, na gabe boi do tabahen akka barang ni halak naung mate gabe jimat? Daong. Alana molo tajaha cerita na di ayat on, dang holi-holi ni Elisa na mambahen mangolu muse bakke ni halak naung mate i, alai tondi parbadia ni Debata do. Songon i ma tong akka mukjizat na diulahon si Elisa tikki mangolu dope ibana. Dang alani kesanggupanna ibana boi mangulahon i, alai ala na diurupi tondi parbadia ni Jahowa do.
12-18 DESEMBER
ARTA NA ARGA NA ADONG DI BIBEL | 2 RAJA-RAJA 16-17
“Adong do Batas ni Kesabaran ni Jahowa”
it-2-IN 886 ¶5
Si Salmanaser
Mangarajai luat ni Israel. Tikki mamaretta Raja Hosea na sian Israel (± taon 758-740 SM), maju ma Raja Salmanaser V tu Palestina. Dung i dibahen ibana ma si Hosea gabe raja bawahanna na ikkon manggarar pajak tu ibana ganup taon. (2Raj 17:1-3) Alai di pudian ni ari dang olo be si Hosea manggarar pajak tu si Salmanaser ala nungnga bekerja sama ibana dohot Raja So na sian Mesir. (Ida ma SO.) Alani i, ditakkup si Salmanaser ma si Hosea jala dipenjarahon. Dung i dikepung ibana ma luat Samaria saleleng tolu taon. Ujungna talu ma kota Samaria jala diboan ma halak Israel gabe tawanan.—2Raj 17:4-6; 18:9-12; bandingkon tu Hos 7:11; Hes 23:4-10.
it-2-IN 987
Tawan, Penawanan
Gabe ditawan do harajaon Israel na sappulu marga i dohot harajaon Juda na dua marga i, ala ditinggalhon nasida Jahowa jala disomba nasida akka debata na so sittong. (5Mus 28:15, 62-68; 2Raj 17:7-18; 21:10-15) Hape nungnga sai torus dipasingot Jahowa nasida marhite akka panurirangna, alai dang olo nasida manangihon Jahowa. (2Raj 17:13) Dang adong nanggo sada pe raja di harajaon ni Israel na berhasil mambolokkon ibadat na so sittong na dipajongjong ni si Jerobeam, raja ni halak Israel na parjolo. Jala i do tong na diulahon harajaon ni Juda, na dipatudos songon adek ni harajaon utara. Dang olo nasida manangihon sipasingot ni Jahowa jala dang marsiajar nasida sian kesalahan ni harajaon ni Israel. (Jer 3:6-10) Ujungna diboan ma rakyat ni dua harajaon i gabe tawanan jala mulak-ulak do nasida gabe tawanan.
Arta na Adong di Bibel
it-2-IN 716
Halak Samaria
Istilah “halak Samaria” parjolo sahali dipakke di Bibel, i ma dung talu harajaon na sappulu marga i di taon 740 SM. Istilah i dipakke lao mambedahon halak Israel na tinggal di luat i sian halak Asiria na ro tu luat i. (2Raj 17:29) Tikki ditaluhon luat Israel, ra dang sude halak Israel diboan gabe tawanan. Alana molo tajaha 2 Kronika 34:6-9, (bandingkon tu 2Raj 23:19, 20) tikki mamaretta Raja Josia adong dope halak Israel na tinggal di luat i. Di pudian ni ari, istilah “halak Samaria” dipakke tu sisa ni halak Israel dohot halak Asiria na tinggal di luat i. On patuduhon pasti adong halak Samaria na menikah tu halak Asiria na masuk tu luat i. Jala lam leleng istilah “halak Samaria” dang be patuduhon suku manang politik, alai lao patuduhon agama. “Halak Samaria”, i ma agama na berkembang di sekitar ni Sikem dohot Samaria kuno. Jala berbeda hian do haporseaon ni agama on tu haporseaon ni agama Judaisme.—Joh 4:9.
19-25 DESEMBER
ARTA NA ARGA NA ADONG DI BIBEL | 2 RAJA-RAJA 18-19
“Berusaha do Akka Musu Mambahen Hita Mabiar”
w05-IN 1/8 11 ¶5
Akka na Denggan sian Bukku 2 Raja-Raja
18:19-21, 25—Toho do naung bekerja sama si Hiskia dohot Mesir? Daong. Dang toho hata ni si Rabsake i. Jala dang toho hatana na mandok, naung “diloas Jahowa” ibana manaluhon halak Juda. Alana holan Jahowa do na diandalhon Raja Hiskia.
w10-IN 15/7 13 ¶3
“Unang Ho Mabiar. Urupanku do Ho”
Lao mangoto-otoi naposo ni Jahowa, didok si Rabsake do na disuru Jahowa ibana. Didok ibana, “Molo didok hamu tu au, ‘Jahowa Debatanami do na dipangasahon hami,’ kan nungnga diruppakkon si Hiskia inganan panombaon dohot langgatanna? . . . Jahowa do na mandok tu au, ‘Lao ma ho mangalo jala manaluhon luat i.’” (2 Raj. 18:22, 25) Jadi didok si Rabsake dang na lao diurupi Jahowa be naposona, ala dang lomo be roha ni Jahowa tu nasida. Hape dang songon i. Las do roha ni Jahowa tu si Hiskia dohot tu halak Jahudi naung mulak muse manomba Ibana.—2 Raj. 18:3-7.
w13-IN 15/11 19 ¶14
Parsiajaran sian Surirang taringot Pitu Parmahan dohot Ualu Pamimpin
14 Dung i berkemah ma Raja Asiria dohot akka tentarana di Lakhis, di sabola barat daya ni Jerusalem. Sian i dikirim ibana ma tolu utusan, juru bicarana i ma si Rabsake. Marbahasa Heber do ibana makkatai tu halak Juda, disuru ibana do halak Juda mangalo si Hiskia jala menyerah tu halak Asiria. Dibahen ibana do akka janji palsu asa olo halak Juda menyerah tu nasida. Didok ibana do na lao boanonna nasida tu luat na denggan asa sonang ngolu ni nasida. (Jaha 2 Raja-Raja 18:31, 32.) Jala didok si Rabsake, dang na lao tolap Jahowa paluahon halak Juda sian halak Asiria. Alana akka bangso na asing pe dang tolap akka debatana paluahon nasida. Alai marbisuk do halak Juda, dang olo nasida porsea tu hata ni si Rabsake i. Songon i ma na sering diulahon naposo ni Jahowa saonari on.—Jaha 2 Raja-Raja 18:35, 36.
Arta na Adong di Bibel
it-1-IN 191 ¶3
Arkeologi
Contohna, takkas do dipaboa di Bibel, dipamate dua anakna do Raja Sanherib, i ma si Adramelek dohot si Sareser. Dung i anak ni Raja Sanherib na margoar si Esar-haddon ma na gabe raja manggattihon ibana. (2Raj 19:36, 37) Alai di tanggal 20 Tebet, adong ditemuhon sada tawarikh na margoar tawarikh Babilonia. Didok di tawarikh i, holan sahalak do anak ni si Sanherib na pamatehon ibana. Songon i ma tong na didokkon sahalak imam Babilonia na sian abad patoluhon na margoar si Berosus. Sahalak raja Babilonia sian abad paonomhon SM pe, na margoar si Nabonidus mandok songon i, holan sahalak do anak ni si Sanherib na pamatehon ibana. Alai baru-baru on ditemuhon ma sada fragmen na margoar fragmen Prisma Esar-haddon. Didok di fragmen i, si Esar-haddon do na manggattihon si Sanherib gabe raja. Jala takkas do dipaboa si Esar-haddon di fragmen i, dohot do ibana rap dohot akka abangna (jamak) mangalo jala pamatehon bapakna. Dung i lari ma nasida. Tikki mengomentari fragmen on, songon on ma na didok si Philip Biberfeld di Universal Jewish History (1948, Jil. I, hlm. 27), “Sala do hape saleleng on Tawarikh Babilonia i, songon i tong si Nabonid dohot si Berosus. Holan na disurat di Bibel i do na toho. Jala umcocok do catatan ni si Esar-haddon tu catatan ni Bibel sian apala sumber sejarah ni Babilonia-Asiria na asing. Jadi dang boi pittor tahaporseai penemuan arkeologi, nang pe sian negara i sandiri penemuan i. Apalagi ma molo maralo i tu keterangan na adong di Bibel.”
26 DESEMBER–1 JANUARI
ARTA NA ARGA NA ADONG DI BIBEL | 2 RAJA-RAJA 20-21
“Boi do Gabe Dilehon Jahowa Pangidoatta Molo Torus Tatangiakkon”
ip-1-IN 394 ¶23
Sada Raja na Dipasu-pasu Jahowa alani Haporseaonna
23 Tikki parjolo sahali si Sanherib raja ni Asiria ro mengepung Juda, posi do sahit ni si Hiskia. Dung i ro ma Panurirang Jesaya paboahon na lao mate nama ibana. (Jesaya 38:1) Hape tikki i, 39 taon dope umur ni si Hiskia. Lungun hian ma rohana. Dang holan kesehatanna na dipikkiri ibana. Alai dipikkiri ibana do tong halak Juda dohot kota Jerusalem. Molo mate ibana, ise ma annon na mamimpin parporangan. Hape, so adong dope anak ni si Hiskia na lao manggattihon ibana gabe raja. Mangelek-elek ma ibana tu Jahowa asa dipamalum.—Jesaya 38:2, 3.
Tasomba ma Jahowa sian Nasa Roha!
16 Marsahit ma si Hiskia jala naeng mate. Dipangido ma asa diingot jala diurupi Jahowa ibana. (Jaha 2 Rajaraja 20:1-3.) Ditangihon Jahowa do si Hiskia jala dipamalum ma sahitna. Ala nunga marsiajar Bibel, ndang tahirim asa dibahen Debata tanda halongangan laho pamalumhon sahitta manang asa ganjang umurta. Alai, boi do hita mangido pangurupion tu Jahowa songon si Hiskia. Tapaboa ma tu Jahowa, “Ale Jahowa, sai marningot ma Ho na marpangalaho i ahu di adopanmu, di bagasan hasintongan dohot punia ni roha.” Porsea do hamu na urupan ni Jahowa hamu tingki marsahit?—Ps. 41:4.
g01-IN 22/7 13 ¶4
Aha do Manfaat ni Tangiang di Au?
Di jaman ni Bibel, dibahen Jahowa do mukjizat lao mangalusi tangiang ni sasahalak. Contohna, di sada tikki marsahit na posi ma Raja Hiskia jala naeng mate ma ibana. Mangelek-elek ma ibana tu Jahowa asa dipamalum ibana. Didok Jahowa ma tu ibana, “Nungnga hubege tangiangmu, jala nungnga huida ilum. Pamalumokku do ho.” (2 Raja-Raja 20:1-6) Godang nai dope akka bawa dohot borua na disurat di Bibel, naung makkilala mukjizat ni Debata alani tangiang ni nasida.—1 Samuel 1:1-20; Daniel 10:2-12; Ulaon ni Apostel 4:24-31; 10:1-7.
Arta na Adong di Bibel
it-2-IN 414 ¶2
Bonang Pangukkur dohot Batu Lot
Dipakke do bonang pangukkur dohot batu lot lao mamboto tigor manang na dang sada bangunan. Di Bibel didok Jahowa do songon on, “Pakkeonku ma bonang pangukkur tu Jerusalem songon na hubahen tu Samaria. Jala pakkeonku ma batu lot tu Jerusalem songon na hubahen tu keluarga ni si Ahab.” Nungnga diukkur Jahowa halak Samaria dohot keluarga ni si Ahab mamakke bonang pangukkur dohot batu lot. Jala dang tigor pangalaho ni nasida. Alani i cocok do nasida lao dipamate Jahowa. Songon i ma na lao dibahen Jahowa tu kota Jerusalem dohot tu akka pamimpinna. Lao dipatudu Jahowa do na so tigor pangalaho ni nasida jala na lao dihancurhon do kota i. Terjadi ma i taon 607 SM. (2Raj 21:10-13; 10:11) Alani i, dipaboa si Jesaya ma aha na lao masa tu akka pamimpin ni kota Jerusalem na jahat. Jala dipaboa si Jesaya ma tong hata ni Jahowa na mandok, “Bahenokku ma hatigoran gabe tali pangukkur, jala hasittongan gabe batu lot.” Jadi dipakke Jahowa do standarna na sittong i lao patuduhon ise do naposona na sittong manang na dang. Jala ise do na lao dipamate manang ise do na lao tetap mangolu.—Jes 28:14-19.