Referensi tu Parpunguan Hangoluan dohot Pangkobasion na Laho Diparsiajari
© 2022 Watch Tower Bible and Tract Society of Pennsylvania
6-12 MARET
ARTA NA ARGA NA ADONG DI BIBEL | 1 KRONIKA 23-26
“Dibahen do Massai Denggan Pengaturan na di Bagas Joro”
it-1-IN 1419
Halak Lepi
Tikki mamaretta si Daud, taratur do pambagian tugas ni halak Lepi. Adong do na dipillit gabe pengawas, pamimpin, hakim, panjaga gerbang dohot bendahara. Adong do tong halak Lepi na dipillit lao mangurupi malim di bagas joro, di halaman, dohot di ruang makan. Dibagi-bagi do tugas ni nasida, adong na di bagian manjalo akka pelean, adong di bagian paiasson, manimbang, mangukkur, dohot di bagian tugas jaga. Dipillit do tong halak Lepi na gabe parende, dibahen do nasida gabe 24 kelompok jala bergiliran do nasida bertugas. Lao manottuhon tugas ni nasida dohot tugas ni panjaga gerbang dibahen ma undi.—1Kron 23, 25, 26; 2Kron 35:3-5, 10.
it-1-IN 1030
Malim
Adong 24 punguan ni malim na martugas di bagas joro. Jala adong do pamimpin ni ganup punguan i. Marhite undi do dibahen lao manottuhon punguan malim na dia na lao martugas di bagas joro. Di bagasan sataon, dua hali ma martugas sada punguan saleleng saminggu. Alai molo adong perayaan, contohna tikki peresmian bagas joro, sude do malim ikkon martugas. Alana godang do binatang na ikkon dipelehon di tikki i. (1Kron 24:1-18, 31; 2Kron 5:11; bandingkon tu 2Kron 29:31-35; 30:23-25; 35:10-19.) Boi do sahalak malim mangurupi di bagas joro manang sadihari pe asal ma dang mangganggu malim na lagi martugas di ari i. Mangihutton catatan sejarah ni akka rabi di jaman ni Jesus, godang hian do malim na martugas di bagas joro. Alani i, ikkon dibagi ma malim na martugas di bagasan saminggu gabe piga-piga punguan mangihutton keluarga ni nasida be. Ganup keluarga, boi do mangurupi sadari manang lobi di bagas joro sesuai tu godang ni nasida.
it-2-IN 174-175
Musik
Tikki naeng pajongjokkon bagas joro, diparade si Daud do tong 4.000 halak Lepi na lao gabe parmusik. (1Kron 23:4, 5) Sian nasida adong 288 halak naung dilatik marende tu Jahowa jala “malo do nasida sude marende”. (1Kron 25:7) Adong tolu halak pamimpin ni akka parmusik i, i ma si Asap, si Heman dohot si Jedutun (digoari do tong si Etan). Malo do tong nasida na tolu marmusik. Pinoppar ni si Gersom, si Kohat, dohot si Merari do nasida na tolu. Jadi adong do perwakilan ni ganup pinoppar ni si Lepi na gabe parmusik di bagas joro. (1Kron 6:16, 31-33, 39-44; 25:1-6) Adong do 24 anak ni si Asap, si Heman, dohot si Jedutun na gabe bagian ni punguan ni akka parende i. Jala nasida ma na gabe pamimpin ni 24 punguan ni parmusik. Di bagasan punguan i adong 11 halak Lepi “na malo” marmusik, i ma akka anak ni nasida dohot halak Lepi na asing. Sarupa do godang ni punguan ni malim tu punguan ni akka parmusik, i ma 24 punguan. Jadi 24 punguan on sarupa ma i tu 288 halak Lepi na malo marmusik ([1 + 11] × 24 = 288). Sisana adong ma 3.712 halak Lepi na marsiajar dope. Molo dibagi nasida tu 24 punguan i, adong ma hira-hira 155 halak Lepi di bagasan sada punguan. Jadi boi dokkonon di bagasan sada punguan adong 13 halak Lepi na malo marmusik. (1Kron 25:1-31) Adong do muse malim na martugas gabe partarompet. Jadi dohot do tong nasida gabe punguan ni akka parmusik i.—2Kron 5:12; bandingkon tu 4Mus 10:8.
it-2-IN 417
Panjaga Gerbang
Di Bagas Joro. Sebelum mate Raja Daud, nungnga dipillit ibana akka halak Lepi na lao martugas gabe panjaga gerbang dohot mangulahon akka tugas na asing. Godang ni nasida adong 4.000 halak. Ganup punguan halak Lepi i, karejo saleleng saminggu. Nasida ma na martanggung jawab lao manjaga bagas joro. Jala nasida do na mambukka dohot manutup akka pintu na di bagas joro. (1Kron 9:23-27; 23:1-6) Adong do muse tugas ni nasida na asing, i ma mangurus akka sumbangan ni akka halak na ro tu bagas joro. (2Raj 12:9; 22:4) Di pudian ni ari adong do tugas khusus ni akka panjaga gerbang, i ma tikki dilantik malim Jehoyada si Jehoas gabe raja. Tugas ni nasida, i ma lao manjaga si Jehoas asa unang dipamate Ratu Atalia. (2Raj 11:4-8) Di jaman ni Raja Josia ditugasson ibana do tong akka panjaga pintu lao manghancurhon akka barang na dipakke manomba Baal. Dukkon i, ditutung nasida ma akka barang i di luar ni kota Jerusalem.—2Raj 23:4.
Arta na Adong di Bibel
Ibadat na Sittong Mambahen Hita Marlas ni Roha
10 Marende ma mamuji Jahowa. (Ps. 28:7) Di jaman ni halak Israel, bagian na massai penting do marende tikki beribadat tu Jahowa. Alani i do dipillit Raja Daud 288 halak Lepi gabe parende di bagas joro. (1 Kron. 25:1, 6-8) Saonari pe, boi do hita patuduhon holongta tu Jahowa tikki marende hita mamuji Ibana. Jala taingot ma dang na ikkon bagak suaratta asa boi hita marende mamuji Jahowa, ala dang i na uppetting. Coba ma jo tapikkirhon on, ‘jotjot do hita sala makkatai’, alai dang gabe sai sip hita di parpunguan manang gabe dang olo marbarita na uli. (Jak. 3:2) Sarupa ma, molo tung pe dang bagak suaratta, unang ma gabe dang marende hita mamuji Jahowa.
13-19 MARET
ARTA NA ARGA NA ADONG DI BIBEL | 1 KRONIKA 27-29
“Nasehat na sian Bapak na Parholong”
w05-IN 15/2 19 ¶9
Sai Toktong ma Ingot na Saksi Jahowa do Hamu
9 Lului ma bukti na boi paposson rohamuna memang sittong do isi ni Bibel i. Molo dang bagas parbinotoanta taringot Bibel, boi do gabe mabiar hita paboahon tu akka halak na Saksi Jahowa do hita. (Pilippi 1:9, 10) Hita sude na matua nang na poso, porlu do talului buktina memang na sittong do isi ni Bibel i. Alani i ma didok si Paulus, “Uji hamu ma sasude, pastihon hamu ma dia na sittong jala toktong ma ulahon na denggan.” (1 Tessalonik 5:21) Molo Saksi Jahowa do natua-tua ni sahalak na poso, ikkon toktong do diingot ibana dang boi haporseaon ni natua-tuana paluahon ibana, ikkon haporseaonna sandiri do. Songon si Salomo didok bapakna do tu ibana, “Ikkon takkas do tandaonmu Debatakku. Somba ma Ibana sian nasa roham.” (1 Kronika 28:9) Dang pittor boi holong roha ni si Salomo tu Jahowa holan ala mangida holong ni roha ni bapakna tu Jahowa. Ikkon berupaya do ibana mananda Jahowa. Jala memang diulahon ibana do i. Didok ibana do tu Debata, “Lehon ma di au bisuk dohot parbinotoan lao mamimpin bangso on.”—2 Kronika 1:10.
w12-IN 15/4 16 ¶13
Sian Nasa Roha ma Manomba Jahowa
13 Takkas do parsiajaranna tu hita. Denggan do molo ringgas hita marpungu jala marbarita. Alai molo naeng sian nasa roha do hita manomba Jahowa, dang sae hita holan mangulahon i. (2 Kron. 25:1, 2, 27) Alana sogo do roha ni Debata molo lomo dope rohatta tu gaya hidup na di portibi on na dos songon mangida tu pudi. (Luk 17:32) Jadi ‘ikkon sogo do rohatta mangida na jahat, jala ikkon holong do rohatta tu na denggan’ asa ‘tama hita masuk tu Harajaon ni Debata’. (Rom 12:9; Luk 9:62) Alani i, unang ma olo hita mangihutton gaya hidup na di portibi on nang pe hira na tabo i idaon. Alana, boi do i mambahen hita dang sian nasa roha be manomba Debata.—2 Kor. 11:14; jaha Pilippi 3:13, 14.
Pos ma Roham jala Pungka ma Ulaon I
20 Didok Raja Daud do tu si Salomo “Debata Jahowa . . . ma mandongani ho” sahat tu na jongjong bagas joro i. (1 Kron. 28:20 Bibel Siganup ari) Tontu, dirimangi si Salomo do hata on. Gabe barani ma ibana pajongjongkon bagas joro i nang pe poso dope jala ndang marpengalaman. Marhite pangurupion ni Jahowa, sae ma bagas joro na balga i di bagasan pitu satonga taon.
21 Diurupi Jahowa do si Salomo, jala boi do ibana mangurupi hita asa barani mangulahon ulaonta di keluarga nang di huria. (Jes. 41:10, 13) Molo tapatudu habaranion di na marhobas tu Jahowa, pos ma rohanta lehononNa do pasupasu tu hita. Alani i, ‘margogo ma hamu jala pos ma rohamuna. Pungka ma ulaon i’.
Arta na Adong di Bibel
w17.03-IN 29 ¶6-7
Tikki Susa Ale-aletta
Adong do piga-piga dongan ni si Daud na tetap setia tu ibana nang pe di tikki susa ibana. Contohna i ma si Husai. Bibel mandok, “ale-ale ni si Daud” do ibana. (2 Sam. 16:16; 1 Kron. 27:33) Olo do ra sahalak pejabat istana ni si Daud ibana. Alani i, pasti sering do ibana rappak dohot si Daud, jala ujungna gabe ale-ale ni si Daud ma ibana. Sipata dilehon si Daud do tu ibana tugas rahasia.
Tikki memberontak si Absalom tu si Daud, godang do halak Israel na marpihak tu ibana. Alai molo si Husai dang songon i. Lungun do roha ni si Daud ala memberontak anakna sandiri dohot piga-piga halak na dihaporseai ibana. Gabe melarikan diri ma si Daud, jala ro do si Husai manjuppangi ibana. Asing ni i, olo do ibana mangihutton rencana ni si Daud. Nang pe boi do gabe dipamate si Absalom ibana molo tarboto rencana i. Dang alani kewajiban ibana mangihutton rencana ni si Daud i. Alai ala memang na setia jala holong do rohana tu si Daud.—2 Sam. 15:13-17, 32-37; 16:15–17:16.
20-26 MARET
ARTA NA ARGA NA ADONG DI BIBEL | 2 KRONIKA 1-4
“Dang Marbisuk Raja Salomo Tikki Mambahen Keputusan”
it-1-IN 281 ¶7
Akka Tentara
Dung gabe raja si Salomo, dibahen ibana ma asa lam gogo kekuatan militer ni halak Israel. Dame do ngolu ni halak Israel tikki mamaretta ibana. Alai tetap do ditambai ibana akka hoda dohot kareta hoda. (Ida it-1-IN KERETA.) Godangan akka hoda i dituhor ibana sian Mesir. Alani godang ni hoda i dohot kareta hoda i, ikkon adong ma akka kota na khusus gabe inganan panippanan ni akka hoda dohot akka kareta hoda i. (1Raj 4:26; 9:19; 10:26, 29; 2Kron 1:14-17) Alai dang dipasu-pasu Jahowa na diulahon si Salomo i. Dung mate si Salomo jala tarbagi harajaon ni Israel gabe lam moru do kekuatan militer ni halak Israel. Gabe saut ma hata ni si Jesaya na mandok, “Marjea ma halak na lao tu Mesir lao mangido asa diurupi nasida, na mangasahon akka hoda, na marpos ni roha tu kareta porang na godang, dohot tu hoda na gogo na dipakke lao marporang. Alai dang mangasahon Debata Nabadia ni Israel i nasida, jala dang dilului nasida Jahowa.”—Jes 31:1.
it-1-IN 1248
Kareta
Di tikki dipangido rakyat asa adong raja di nasida didok si Samuel do, “Buatonna ma akka anakmu lao bahenonna mamboan kareta porangna.” (1Sam 8:11) On ma na masa tikki naeng gabe raja si Absalom dohot si Adonia. Disuru ibana ma halak lao mambahen kareta hoda di nasida jala disuru ma 50 halak marlojong di jolo ni kareta hoda i. (2Sam 15:1; 1Raj 1:5) Tikki ditaluhon si Daud Raja Zoba, holan 100 hoda ma na so diseat urat ni patna. (2Sam 8:3, 4; 10:18) Sian on taboto ma, otik do hoda dohot kareta hoda ni halak Israel najolo. Alana nungnga dipasingot Jahowa hian, dang boi godang hoda ni raja. Boasa? Ala gabe hira na bergantung tu godang ni hoda ma, keamanan ni bangso i molo dibahen songon i. Alai dung di jaman ni si Salomo, godang do kareta hoda ni harajaon ni Israel.—5Mus 17:16
Tikki naeng mambangun pertahanan militer ni halak Israel, dituhor Raja Salomo do godang kareta hoda. Gabe adong ma 1.400 kareta hoda ni halak Israel. (1Raj 10:26, 29; 2Kron 1:14, 17) Asing ni di Jerusalem, adong do muse kota na gabe kota panippanan ni kareta hoda. Di kota i ma sude diurus perlengkapan ni kareta hoda i.—1Raj 9:19, 22; 2Kron 8:6, 9; 9:25.
Arta na Adong di Bibel
w05-IN 1/12 19 ¶6
Akka na Denggan sian Bukku Dua Kronika
1:11, 12. Sian tangiang ni si Salomo boi ma tarida memang na sian rohana do ibana mangido bisuk dohot parbinotoan. Jadi boi do tarida aha na di bagasan ni rohatta sian isi ni tangiangta. Alani i, porlu do tabahen tikki lao mamareso isi ni tangiangta.
27 MARET–2 APRIL
ARTA NA ARGA NA ADONG DI BIBEL | 2 KRONIKA 5-7
“Sai na Parrohahonokku do i Toktong”
w02-IN 15/11 5 ¶1
Ringgas ma Marpungu
Dung gabe raja si Daud di Jerusalem lomo ma rohana lao pajongjokkon bagas joro ni Jahowa. Alai ala sahalak tentara do si Daud na jotjot pamatehon halak, didok Jahowa ma tu ibana, “Dang ho na lao pajongjokkon jabu na pasangappon goarhu.” Alai dipillit Jahowa do si Salomo anak ni si Daud na lao pajongjokkon bagas joro i. (1 Kronika 22:6-10) Saleleng pitu satonga taon ma bagas joro i dibangun. Dung i di taon 1026 SM diresmihon si Salomo ma bagas joro i. Lomo do roha ni Jahowa mangida bangunan i. Didok ibana do, “Nungnga hupabadia jabu na pinajongjongmon lao parohon sangap tu goarhu saleleng ni lelengna. Sai na parrohahonokku do i toktong.” (1 Raja-Raja 9:3) Molo setia halak Israel tu Jahowa pasti diparrohahon Jahowa do bagas joro i. Alai molo dang setia be nasida jala diulahon nasida na so sittong, pasombuon ni Jahowa ma bagas joro i ‘gabe maruppak’.—1 Raja-Raja 9:4-9; 2 Kronika 7:16, 19, 20.
it-1-IN 269
Bagas Joro
Sejarah. Di taon 607 SM dihancurhon si Nebukadnesar raja ni Babel ma bagas joro i. (2Raj 25:9; 2Kron 36:19; Jer 52:13) Ala dang setia be halak Israel tu Jahowa, dipasombu Ibana ma bangso na asing ro tu Juda dohot tu Jerusalem lao mangalo nasida. Jala sipata dibuat akka bangso na asing i do akka barang na sian bagas joro. Jala hea do tong bagas joro i dang tarurus. Tolu pulu tolu taon dung diresmihon bagas joro i, ro ma Raja Sisak na sian Mesir mangarampok akka barang na sian bagas joro (993 SM) di jaman ni si Rehabeam anak ni si Salomo. (1Raj 14:25, 26; 2Kron 12:9) Denggan do diurus Raja Asa bagas joro ni Jahowa. (977-937 SM) Alai di sada tikki naeng ro ma halak Israel tu Jerusalem lao mangalo halak Juda. Alani i, dibuat Raja Asa ma perak dohot mas na sian bagas joro i lao lehononna tu Raja Ben-hadad I na sian Siria. Tujuanna, asa olo Raja Ben-hadad i membatalhon parjanjianna tu si Baesa raja Israel.—1Raj 15:18, 19; 2Kron 15:17, 18; 16:2, 3.
Arta na Adong di Bibel
w10-IN 1/12 11 ¶7
Takkas do Diboto Jahowa “Roha ni Jolma”
Pasti tarapul do rohatta mamboto tangiang ni si Salomo on. Alana dang boi taharappon donganta mangattusi sude na di bagasan rohatta, termasuk ma i ‘sitaononta dohot hasusaanta’. (Poda 14:10) Alai diboto Jahowa do sude na di bagasan ni rohatta, jala parduli do Ibana tu hita. Jadi molo tapaboa sude na di bagasan rohatta di bagasan tangiang, pasti lubbang ma tahilala. Alana Bibel mandok, “Pasahat hamu ma sude holso ni rohamuna tu Ibana, ai diparrohahon do hamu.”—1 Petrus 5:7.
10-16 APRIL
ARTA NA ARGA NA ADONG DI BIBEL | 2 KRONIKA 8-9
“Massai Arga do di Ibana Bisuk ni Jahowa”
w99-IN 1/11 20 ¶4
Manfaatna Molo Murah Hati
Balga do pengorbanan na dibahen Ratu Syeba lao manjuppangi Raja Salomo. Alana, dao do huta ni Ratu Syeba, hira-hira di Republik Yaman saonari on ma. Jadi ikkon mardalan ma ratu i rap dohot rombonganna lobi sian 1.600 km tu Jerusalem, sambil mamboan godang hadiah. Songon na didok Jesus, “Sian ujung ni tano on” do ro Ratu Syeba. Boasa olo ibana mambahen pengorbanan na songon i balgana? Alana didok Bibel, “lao mambege habisukon ni si Salomo” do ibana.—Lukas 11:31.
w99-IN 1/7 30 ¶4-5
Mangida Bagas ni Bisuk ni Jahowa
Dung i sahat ma Ratu Syeba di Jerusalem. Didok Bibel, “Massai godang do na mandongani Ratu Syeba. Diboan ibana do miak balsam, mas na massai godang, dohot akka batu na arga.” (1 Raja-Raja 10:2a) Adong na mandok, “akka tentara na marsinjata do na mandongani ratu i”. Masuk di akkal do i, alana sahalak ratu do ibana jala godang do akka barang na massai arga na diboan ibana.
Dang na lao marbisnis Ratu Syeba mandapotton si Salomo. Alana didok Bibel, “Tarbarita do si Salomo ala dipasangap ibana goar ni Jahowa.” Jadi lao mambege bisuk ni si Salomo dohot taringot Jahowa do ibana ro. Alana bisa jadi pinoppar si Sem manang si Ham do ibana, i ma akka halak na manomba Jahowa. Boi dokkonon, lomo do roha ni Ratu Syeba naeng mamboto taringot Debata ni akka ompuna najolo.
w99-IN 1/7 30
Mangida Bagas ni Bisuk ni Jahowa
Ala diida Ratu Syeba massai marbisuk Raja Salomo jala mamora hian ibana, “gabe longang situtu ma rohana”. (1 Raja-Raja 10:4, 5) Piga-piga halak mandok, sappe “dang boi marhosa” Ratu Syeba i alani longangna. Jala adong sahalak sarjana na mandok, sappe pingsan do ibana alani longangna. Dang soal aha na masa tikki i, pasti longang situtu do roha ni Ratu Syeba mangida i sude. Asing ni i, didok Ratu Syeba do marlas ni roha akka parkarejo ni si Salomo. Alana boi dibege nasida langsung poda sian Raja Salomo. Jala dipuji Ratu Syeba do Jahowa ala dibahen Ibana si Salomo gabe raja. Dilehon Ratu Syeba do muse akka hadiah na massai arga tu si Salomo. Holan mas na dilehon ibana pe molo dihepengkon tu hepeng saonari, totalna hira-hira 40 juta dolar AS. Jala Raja Salomo pe dilehon ibana do hadiah tu Ratu Syeba, i ma “sude pangidoan ni Ratu Syeba”.—1 Raja-Raja 10:6-13.
it-2-IN 710
Si Salomo
Dung diida Ratu Syeba sude na diulahon di bagas joro dohot di istana ni si Salomo, cara ni parkarejona paradehon sipanganon dohot siinumon, pakkean ni parkarejona i, dohot pelean situtungon na somal dipelehon di jabu ni Jahowa, gabe longang situtu ma rohana. Jala didok ibana ma, “Dao do hape ummalo jala ummora ho sian barita na hubege i. Ai dang porsea hian au. Dung pe ro au tuson, huida ma dang adong dope hape nanggo satongana na hubege i.” Jala didok si Syeba do marlas ni roha do akka pejabat dohot akka parkarejo ni si Salomo. Dung diida ibana sudena i gabe dipuji ibana ma Jahowa. Ai toktong do holong roha ni Jahowa tu halak Israel saleleng ni lelengna. Jala dibahen Ibana do si Salomo gabe raja, asa boi ibana adil tikki mangadili jala asa diulahon ibana na sittong tikki mamaretta.—1Raj 10:4-9; 2Kron 9:3-8.
Arta na Adong di Bibel
it-2-IN 940
Tahta
Holan taringot tahta na dibahen si Salomo do na takkas dipaboa di Bibel. (1Raj 10:18-20; 2Kron 9:17-19) Olo do ra tahta i adong di “Jabu Tahta”, i ma sada bangunan na adong di Dolok Moria na di Jerusalem. (1Raj 7:7) “Balga do tahta i, sian gading do i dibahen, jala dilappis do i mamakke mas murni.” Di pudi ni tahta i adong do kanopi na bulat. “Di sabola kanan dohot di sabola kiri ni tahta i, dibahen do inganan pangusandean ni tangan.” Nang pe didok Bibel sian gading do tahta i dibahen, alai olo do ra sian hau do tahta i dibahen. Dung i dilappis ma i mamakke mas murni. Jala godang do hiasan ni tahta i na dibahen sian gading. Molo dibereng halak hira na sian gading dohot sian mas ma sude tahta i. Dung i dipaboa ma muse taringot onom anak tangga na adong di jolo ni tahta i. Didok di ayat i, “Adong do patung singa dibahen di jonok ni ganup pangusandean ni tangan i. Adong do dibahen 12 patung singa di tangga i, onom di sabola kanan, onom di sabola kiri.” (2Kron 9:17-19) Cocok do patung singa i manggombarhon hak lao mamaretta. (1Mus 49:9, 10; Pgk 5:5) Sarupa do godang ni patung singa i tu godang ni marga ni halak Israel. Olo do ra on manggombarhon na unduk akka marga ni halak Israel i tu raja na hundul di tahta i. Asing ni i adong do sidege-degean ni pat na sian mas lokkot tu tahta i. Sian akka hatorangan na dipaboa Bibel taringot tahta i, boi ma tadok on ma tahta na ubbagak di jaman i. Dang adong tahta penemuan ni akka arkeolog, na dipaboa di akka tugu, manang na dipaboa di akka inskripsi na ubbagak sian tahta ni si Salomo i. Gabe toho ma hata na disurat di bukku Kronika na mandok, “Dang adong harajaon na asing na mambahen songon i.”—2Kron 9:19.
17-23 APRIL
ARTA NA ARGA NA ADONG DI BIBEL | 2 KRONIKA 10-12
“Pangido ma Saran sian Akka Halak na Marbisuk”
Olo do Ibana Diurupi Jahowa?
Maol do si Rehabeam mambahen haputusan. Molo dioloi ibana pangidoan ni halak Israel, moru ma hamoraonna. Alai molo ndang dioloi, gabe mangalo ma nasida. Jadi, boha ma bahenonna? Parjolo, disungkun ibana do angka natua-tua na hea mangurupi bapana. Disuru nasida do ibana mangoloi halak Israel. Alai dung mangkatai si Rehabeam dohot angka dongan saumuranna, gabe jungkat do ibana tu halak. Didok ibana ma tu halak Israel, “Umborat sian i dope sibahenonku. Molo dilinsing damang hamu dohot linsinglinsing, alai bahenonku ma mangalinsing hamu linsinglinsing na marsugasuga.”—2 Kron. 10:6-14, Bibel siganup ari.
w01-IN 1/9 28-29
Cara Mambahen Keputusan na Denggan
Tikki naeng mambahen keputusan hita, boi do tapangido saran sian akka dongan na togu haporseaonna di huria. (Epesus 4:11, 12) Alai tikki mangido saran hita tu nasida, unang ma hita songon halak na holan mangalului saran na pas di rohatta. Taingot ma na masa tu si Rehabeam. Tikki naeng mambahen keputusan na penting ibana, dipangido ibana do memang saran sian akka natua-tua parkarejo ni si Salomo hian. Alai dang diihutton ibana saran ni nasida. Justru saran ni akka donganna na poso do na diihutton ibana. Alani i, gabe dibahen ibana ma keputusan na so denggan jala akibatna gabe memberontak ma akka halak jala gabe tarbagi dua ma harajaon ni Israel.—1 Raja-Raja 12:1-17.
Molo naeng mangido saran hamu, pangido ma tu akka halak na godang pengalamanna jala na mamboto dohot na makkaholongi prinsip ni Bibel. (Poda 1:5; 11:14; 13:20) Jadi bahen ma tikkimuna lao mangarimangi akka prinsip i dohot sude informasi na dapotmuna. Dung boi diattusi hamu songon dia perasaan ni Debata tu keputusan na lao dibahen hamu, gabe boi ma hamu mambahen keputusan na denggan.—Pilippi 4:6, 7.
it-2-IN 638 ¶2
Si Rehabeam
Ala ginjang roha ni si Rehabeam, jala holan lomo-lomona dibahen ibana, gabe memberontak ma akka rakyat jala gabe tarbagi dua ma harajaon i. Jadi holan marga Juda dohot marga Benjamin ma na mendukung harajaon ni si Rehabeam. Dohot do muse akka malim, halak Lepi dohot piga-piga halak na sian sappulu marga mendukung harajaon ni si Rehabeam.—1Raj 12:16, 17; 2Kron 10:16, 17; 11:13, 14, 16.
Arta na Adong di Bibel
it-1-IN 864-865
Akka Debata na so Sittong na Songon Hambing
Songon na didok di Josua 24:14, tikki di Mesir dope halak Israel diihutton nasida do hasomalan ni halak Mesir manomba akka debata na so sittong. Jala sian hata ni si Hesekiel pe boi do tarida nungnga leleng nasida mangihutton kebiasaan ni halak Mesir i. (Hes 23:8, 21) Alani i do didok piga-piga pakar, toho do diihutton halak Israel hasomalan ni halak Mesir manomba “debata na so sittong na songon hambing”, tarlumobi hasomalan ni halak Mesir na di hilir. (3Mus 17:1-7) Alana diorai Debata do halak Israel mangalehon pelean tu debata na so sittong na songon hambing. Jala dipillit si Jerobeam do “akka malim na lao martugas di akka inganan panombaon, na lao marhobas tu akka debata na so sittong na songon hambing”. (2Kron 11:15) Jala didok si Herodotus (II, 46) do diihutton halak Junani do hasomalan ni halak Mesir tikki manomba dewa Pan dohot akka satir, i ma akka dewa harangan na lomo rohana mangulahon seks na so patut. Digombarhon nasida do akka dewa i satonga jolma, satonga hambing. Jala adong do halak na mamakke gombaran dewa i lao manggombarhon Sibolis na martanduk, marihur jala songon pat ni binatang patna. Songon i ma hasomalan ni halak Kristen na so sittong lao manggombarhon Sibolis.
Di bahasa Heber, hata seirim do na dipakke lao mandok akka dewa na marimbulu on. Adong na mandok seirim on hambing, na asing mandok patung ni hambing do i. Alai dang adong ayat ni Bibel na mandok songon i. Olo do ra dipakke akka halak hata i lao mambayakkon bentuk ni dewa na disomba nasida, i ma dewa na dos songon hambing jala marimbulu. Manang olo do ra, hata “songon hambing” di akka ayat ni Bibel lao mangaleai sude akka patung sisombaon. Contohna godangan ayat na mandok, dos songon kotoran do akka patung sisombaon i. Alai dang maksudna sian kotoran akka patung sisombaon i dibahen.—3Mus 26:30; 5Mus 29:17.
24-30 APRIL
ARTA NA ARGA NA ADONG DI BIBEL | 2 KRONIKA 13-16
“Toktong ma Andalhon Jahowa”
Aha do na Ikkon Diulahon Akka Bawa na Poso Asa Boi Dihaporseai?
12 Tikki poso Raja Asa, halak na serep roha jala barani do ibana. Misalna dung gabe raja ibana manggattihon bapakna si Abia, dihancurhon ibana ma akka patung berhala na di Juda. “Asing ni i, disuru ibana do halak Juda mangalului Jahowa Debata ni akka ompu ni nasida. Jala disuru ibana do nasida mangulahon Patik dohot paretta ni Debata.” (2 Kron. 14:1-7) Jala tikki ro si Jara halak Etiopia dohot sajuta tentarana mangalo Juda, martangiang do si Asa mangido bisuk sian Jahowa asa boi monang. Didok ibana ma, “Ale Jahowa, dang maol di Ho mangurupi na gogo manang na so margogo. Urupi ma hami ale Jahowa Debatanami, ai Ho do na hupangasahon hami.” Sian hata ni si Asa on, tarida ma pos situtu do rohana na sanggup do Jahowa paluahon ibana dohot rakyatna. Ala porsea do ibana tu Bapakna na di surgo i, “ditaluhon Jahowa ma halak Etiopia”.—2 Kron. 14:8-12.
Aha do na Ikkon Diulahon Akka Bawa na Poso Asa Boi Dihaporseai?
13 Coba ma bayangkon hamu songon dia perasaan ni Raja Asa tikki ro sajuta tentara mangalo ibana. Pasti mabiar do ibana ate. Alai boi do monang si Asa ala Jahowa do diandalhon ibana. Hape tikki ro si Baesa raja ni Israel na jahat, dang Jahowa be na diandalhon ibana. Gariada tu raja ni Siria do ibana mangido bantuan. Alani keputusanna i, gabe susa do ibana dohot rakyatna. Alani i, disuru Jahowa ma Panurirang Hanani mandok tu si Asa songon on, “Sasittongna boi hian do ditaluhon ho tentara ni Siria, hape gabe dipalua ho do nasida. Ai gabe raja ni Siria do na dipangasahon ho, dang Jahowa Debatam.” Alani i, gabe susa do si Asa, gabe torus do ibana marporang. (2 Kron. 16:7, 9; 1 Raj. 15:32) Aha ma na boi diparsiajari hamu sian i?
Aha do na Ikkon Diulahon Akka Bawa na Poso Asa Boi Dihaporseai?
14 Torus ma serep rohamuna jala andalhon ma Jahowa. Sasittongna tikki tardidi hamu, nungnga dipatudu hamu na balga haporseaonmuna tu Jahowa. Las do roha ni Jahowa ala nungnga gabe bagian ni keluargana hamu. Nang pe songon i, ikkon torus do hamu mangandalhon Jahowa. Biasana tikki mambahen keputusan na balga pengaruhna, pittor tapangido do bisuk sian Jahowa. Alai boha na so pola balga pengaruhna? Balga manang dang pengaruh ni sada keputusan, ikkon jolo tajalo do petunjuk sian Jahowa. Termasuk ma i tikki mamillit hiburan, parkarejoan, manang tikki mambahen cita-cita. Unang ma andalhon pikkiranmuna sandiri. Alai lului ma prinsip ni Bibel na cocok tu situasimuna jala ulahon ma i. (Poda 3:5, 6) Molo diulahon hamu i, gabe las ma roha ni Jahowa mangida hamu. Jala gabe direspek akka dongan di huria ma hamu.—Jaha 1 Timoteus 4:12.
Arta na Adong di Bibel
Tasomba ma Jahowa sian Nasa Roha!
7 Sian dia do taboto molo hita nunga manomba Jahowa sian nasa roha? Tasungkun ma dirinta: ‘Huoloi do Jahowa tingki adong situasi na maol? Marsitutu do ahu manjaga huria asa tongtong badia?’ Pingkirhon ma taringot tu habaranion ni si Asa tingki palaohon ompung boruna sian harajaonna. Sipata, porlu do hita barani songon si Asa. Umpamana, songon dia do molo adong keluarga manang donganmuna na dipabali sian huria? Marsitutu do hamu asa unang mardongan be tu nasida? Aha do na diulahon hamu molo masa sisongon i?