Marsitutu do halak Kristen patuduhon holong ni roha tikki mambahen keputusan manang aha pe. Alana didok Bibel, holong i “dang las rohana tu ulaon na so sittong”. (1Kor 13:4, 6) Alani i, dang olo hita menikmati hiburan na patuduhon seks na so patut dohot kekerasan. Jala dang las rohatta molo taida susa halak na asing, termasuk ma halak na mambahen haccit rohatta.​—Poda 17:5.

TONTON MA VIDEO INGOT MA SONGON DIA HOLONG I​—NDANG MARLAS NI ROHA TU ULAON NA SO SINTONG, DUNG I ALUSI MA SUKKUN-SUKKUN ON:

• Boha do perasaan ni si Daud tikki dibege ibana naung mate si Saul dohot si Jonatan?

• Aha do na dipaboa di ende na dibahen si Daud taringot si Saul dohot si Jonatan?

• Boasa dang las roha ni si Daud mate si Saul?

Ala holong rohatta tu akka donganta, pasti pos do rohatta na denggan do na diulahon nasida. (1Kor 13:4, 7) Contohna, molo adong donganta na mangulahon dosa na balga jala didisiplin ibana, pos do rohatta na olo do ibana muba. Asing ni i molo adong donganta na gale haporseaonna, sabar ma hita tu ibana jala berusaha ma hita mangurupi ibana. (Rom 15:1) Molo adong sasahalak na dipakaluar sian huria, sai berharap ma hita na lao mulak do ibana tu organisasi ni Jahowa.​—Luk 15:17, 18.

TONTON MA VIDEO INGOT MA SONGON DIA HOLONG I​—MANGKIRIM DI SASUDE, DUNG I ALUSI MA SUKKUN-SUKKUN ON:

• Aha do na diulahon si Abner na patuduhon naung muba ibana?

• Boha do tanggapan ni si Daud dohot si Joab tu pangidoan ni si Abner?

• Boasa pos rohatta pasti na denggan do na diulahon donganta?