Ualu Halak Selamat sian Air Bah

Masuk ma si Noak, keluargana, dohot akka binatang tu bahtera i. Ditutup Jahowa ma pintu ni bahtera i, dung i ro ma udan. Alani doras ni udan i, gabe ditutupi aek ma sude tano on jala mengapung ma bahtera i. Marmatean ma akka halak na jahat di luar ni bahtera i. Alai anggo si Noak dohot keluargana, mangolu do. Bayakkon ma songon dia las ni roha ni nasida ala mangoloi Jahowa.

Saleleng 40 ari 40 borngin ro ma udan na doras, dung i so ma udan i. Lam leleng, lam moru ma aek i. Ujungna, so ma bahtera i di dolok-dolok. Alai, dang boi dope pittor kaluar si Noak dohot keluargana sian bahtera i, alana godang dope aek na manutupi tano on.

Lam leleng, lam koring ma tano on. Sataon lobi ma si Noak dohot keluargana di bagasan bahtera i. Dung i, didok Jahowa ma tu nasida asa kaluar sian bahtera i. Tikki kaluar nasida, dang adong be akka halak na jahat. Dung i, dibahen nasida ma persembahan lao mandok mauliate tu Jahowa.

Las do roha ni Jahowa manjalo persembahan i. Marjanji ma Jahowa, dang lao bahenonna be Air Bah tu tano on. Dibahen Jahowa ma pelangi tanda ni janjina i. Hea do diida ho pelangi?

Dung i, disuru Jahowa ma si Noak dohot keluargana asa marianakkon, asa lam godang jolma di portibi on.