Menara Babel

Dung terjadi Air Bah, lam godang ma akka pahoppu ni si Noak. Lao ma nasida tu akka inganan di liat portibi on, songon naung diparettahon Jahowa tu nasida.

Alai adong do sian nasida na so mangoloi Jahowa. Didok nasida, ‘Beta, tabangun ma sada kota jala disi ma hita tinggal. Tabangun ma sada menara na timbona sahat tu langit asa terkenal hita.’

Dang lomo roha ni Jahowa tu rencana ni nasida i. Alani i, digagalhon Jahowa ma i. Diboto ho do songon dia carana? Dibahen Jahowa ma gabe marasing-asing bahasa ni nasida. Alani i dang diattusi nasida be aha na didok donganna. Ujungna, dang ditorusson be mambangun kota i. Alani i ma dibahen goar ni kota i Babel, lapatanna ‘Sursar’. Ujungna, ditinggalhon akka halak ma kota i jala tinggal di sude liat portibi on. Alai tudia pe nasida lao, sai diulahon do na jahat. Adong dope halak na makkaholongi Jahowa? Taida ma di pelajaran berikutna.