Isi ni Bibel

Dukkon 4026 SM

Didok roha ni Sibolis manang “ulok” i, dang denggan cara ni Jahowa mamaretta jala dang marhak Ibana mamaretta. Alani i, marjanji ma Jahowa na lao adong sada “pinoppar” manang “boni” na lao mangaropukkon ulok i. (1 Musa 3:1-5, 15, surat na di toru) Alai paima saut i, dipasombu Jahowa do akka jolma mamaretta dirina sandiri jala dirajai Sibolis.

1943 SM

Jahowa paboahon tu si Abraham, sian pinopparna do ro “pinoppar” na dijanjihon i.—1 Musa 22:18.

Dukkon 1070 SM

Jahowa paposson roha ni Raja Daud na sian pinopparna do ro “pinoppar” na dijanjihon i. Jala di pudian ni ari, dipaboa do i muse tu anakna si Salomo.—2 Samuel 7:12, 16; 1 Raja-Raja 9:3-5; Jesaya 9:6, 7.

29 M

Jahowa paboahon Jesus do “pinoppar” na dijanjihon i. Jala tu ibana do dilehon tahta ni si Daud.—Galatia 3:16; Lukas 1:31-33; 3:21, 22.

33 M

Dipargut Sibolis ma tumit ni “pinoppar” i, lapatanna dipamate ma Jesus. Alai dipahehe Jahowa ma Jesus lao mangolu di surgo. Dung i dijalo Jahowa ma pelean ni Jesus i ma hangoluanna na massai arga. Marhite i, disesa ma dosa ni akka jolma jala gabe boi ma pinoppar ni si Adam mangolu saleleng ni lelengna.—1 Musa 3:15; Ulaon ni Apostel 2:32-36; 1 Korint 15:21, 22.

Hira-hira 1914 M

Didabuhon Jesus ma ulok i manang Sibolis tu tano on. Alai holan otik do tikkina lao mangaliluhon akka jolma di tano on.—Pangungkapon 12:7-9, 12.

Di Ari na Naeng Ro

Dihurung Jesus ma Sibolis saleleng 1.000 taon, dung i dihancurhon ma ibana. Dos ma i songon na mangaropukkon uluna. Saut ma lomo ni roha ni Debata tu tano on dohot tu jolma. Dang marlea be goar ni Jahowa jala takkas ma carana do na dumenggan lao mamaretta.—Pangungkapon 20:1-3, 10; 21:3, 4.