Pandangan ni Debata taringot Mudar

Massai penting do mudar. Molo dang adong mudar, dang boi hita mangolu. Ala Debata na manoppa hita, marhak do Ibana manottuhon songon dia carana mamakke mudar. Boha do pandangan ni Debata taringot mudar? Boi do hita mangallang sipanganon na dicampur dohot mudar manang manjalo transfusi darah? Jala boha do carana asa boi dibahen hamu keputusan na denggan taringot on?

1. Boha do pandangan ni Jahowa taringot mudar?

Didok Jahowa do tu naposona najolo, “Di mudar i do ngolu ni nasa na mangolu.” (3 Musa 17:14) Molo di Jahowa, sarupa do mudar i tu hangoluan. Ala Debata do na mangalehon hangoluan, badia do hangoluan i di Ibana. Jadi mudar i pe badia do tong di Ibana.

2. Aha do paretta ni Debata taringot mudar?

Dung sae Aek na Sumar, didok Jahowa do tu naposona dang boi nasida mangallang mudar. Jala dipaboa Ibana do muse paretta i tu halak Israel najolo. (Jaha 1 Musa 9:4 dohot 3 Musa 17:10.) Marratus taon dukkon i, dipaboa Debata do muse paretta i tu halak Kristen. Marhite Punguan na Mangaradoti di tikki i, dibahen ma petunjuk na mandok, “Padao hamu ma dirimuna . . . sian mudar.”—Jaha Ulaon ni Apostel 15:28, 29.

Aha do lapatanna padaohon diri sian mudar? Contohna, molo diorai dokter hamu manginum minuman beralkohol, pasti dang olo hamu manginum i. Alai olo do hamu mangallang sipanganon na mengandung alkohol manang manyuntikkon i tu pembuluh darahmuna? Pasti dang olo tong hamu mangulahon i. Dos songon i ma, molo didok Debata ikkon tapadao diritta sian mudar, berarti dang olo hita manginum mudar manang mangallang jagal na so dibolokkon dope mudarna. Jala dang olo hita mangallang sipanganon na dicampur dohot mudar.

Alai boha taringot perawatan kesehatan na mamakke mudar? Adong do piga-piga perawatan kesehatan na maralo tu patik ni Debata. Contohna transfusi darah manang transfusi na mamakke komponen utama darah, i ma sel darah merah, sel darah putih, trombosit, dohot plasma darah. Alai adong do perawatan kesehatan na so pola takkas dipaboa maralo do manang na dang tu patik ni Debata. Contohna, perawatan kesehatan na mamakke bagian sian komponen utama darah, na digoari fraksi darah. Adong do muse perawatan kesehatan na mamakke mudarta sandiri. Tikki naeng mambahen keputusan taringot on, ikkon hita sandiri do na mamutusson i.a—Galatia 6:5.

ASA LAM TAATTUSI

3. Bahen ma keputusan na palashon roha ni Jahowa

Boha do carana asa dibahen hamu keputusan na sesuai tu pandangan ni Jahowa taringot mudar? Putar ma VIDEO, dung i bahas ma boasa penting diulahon hamu akka saran na di toru on:

VIDEO: Mambahen Keputusan taringot Perawatan Kesehatan na Mamakke Mudar (5:47)

• Martangiang ma tu Jahowa mangido bisuk.—Jakobus 1:5.

• Lului ma akka prinsip sian Bibel jala boha do carana mangulahon i.—Poda 13:16.

• Lului ma perawatan kesehatan na adong di daerahmuna.

• Ikkon takkas do diboto hamu perawatan kesehatan na dia na so boi dijalo.

• Pastihon ma keputusanmuna i dang mambahen terganggu hati nuranimuna.—Ulaon ni Apostel 24:16.b

• Ingot ma, ikkon hamu sandiri do na mambahen keputusan. Dang boi suami manang istrimuna, sintua manang guru studimuna na mambahen keputusan tu hamu.—Rom 14:12.

• Surat ma keputusanmuna i.

4. Dilului Saksi Jahowa do perawatan kesehatan na terbaik

Memang, ikkon taoloi do paretta ni Debata taringot mudar. Nang pe songon i, tetap do boi tajalo perawatan kesehatan na denggan na so mamakke mudar. Putar ma VIDEO.

VIDEO: Wawancara dohot Profesor Massimo P. Franchi, M.D. (1:36)

Jaha Titus 3:2, dung i bahas ma sukkun-sukkun on:

• Boasa ikkon sopan jala lambok hita tikki makkatai tu dokter?

Dang boi	Hamu na mamutusson
A. Plasma darah	Bagian sian plasma darah
B. Sel darah putih	Bagian sian sel darah putih
C. Trombosit	Bagian sian trombosit
D. Sel darah merah	Bagian sian sel darah merah

5. Perawatan kesehatan na mamakke bagian sian komponen utama darah

Adong opat komponen utama darah, i ma sel darah merah, sel darah putih, trombosit, dohot plasma darah. Alai adong do muse bagian sian opat komponen utama darah on, na digoari fraksi darah.c Piga-piga bagian on dipakke do lao mambahen ubat ni sahit manang ubat lao menghentikan pendarahan.

Adong do perawatan kesehatan manang prosedur medis na mamakke bagian sian komponen utama darah. Tikki naeng mambahen keputusan taringot i, ikkon hita sandiri do na mamutusson i mangihutton hati nurani naung dilatik prinsip ni Bibel. Adong do na so olo manjalo perawatan kesehatan na sisongon i, alai adong do na so terganggu hati nuranina manjalo i.

Tikki naeng mambahen keputusan hamu, pikkirhon ma sukkun-sukkun on:

• Molo hujalo manang hutolak perawatan kesehatan na mamakke bagian sian komponen utama darah, boha do carakku patorakkon i tu dokter?

KESIMPULAN

Lomo do roha ni Jahowa asa sesuai tu lomo ni rohana caratta mamakke mudar.

Tinjauan

• Boasa badia mudar i di Jahowa?

• Tikki didok Debata ikkon tapadao diritta sian mudar, sian dia do taboto termasuk do i dang manjalo transfusi darah?

• Boha do carana asa dibahen hamu keputusan na denggan taringot perawatan kesehatan na mamakke mudar?

LULUI MA

Aha do na ikkon jolo dipikkirhon hamu sebelum mambahen keputusan taringot perawatan kesehatan, termasuk na mamakke mudarmuna sandiri?

“Sukkun-Sukkun sian na Manjaha” (Joujou Paboahon, 15 Oktober 2000)

Aha do na porlu dipikkirhon hamu sebelum mamutusson dijalo hamu do manang na dang bagian sian komponen utama darah?

“Sukkun-Sukkun sian na Manjaha” (Joujou Paboahon, 15 Juni 2004)

Boasa gabe setuju sahalak dokter tu pandangan ni Debata taringot mudar?

“Setuju do Au tu Pandangan ni Debata taringot Mudar” (Dungo ma!, 8 Desember 2003)

Boha do cara ni Panitia Penghubung Rumah Sakit mangurupi akka dongan sahaporseaonta?

Diurupi Jahowa do Angka na Marsahit (10:23)