SUKKUN-SUKKUN NI AKKA NA POSO

Sadia Penting do Terkenal di Media Sosial?

Sahalak remaja na margoar si Elaine mandok, “Marratus do follower ni akka dongan sasikkolakku. Ninna rohakku ma, ‘Bah, terkenal do hape akka dongankon!’ Gabe cemburu ma au tu nasida.”

Hea do hamu merasa songon i? Molo hea, artikel on boi mangurupi hamu marpikkir sadia penting do terkenal di media sosial.

Aha do bahayana?

Didok di Bibel di Poda 22:1, “Tumagon do tarbarita goar ni sasahalak sian apala gok artana.” Jadi wajar do molo berupaya hita asa denggan goarta manang asa lomo roha ni halak mangida hita.

Alai boi do on berbahaya. Misalna, adong do halak merasa dang bahagia molo dang terkenal ibana. Si Onya na marumur 16 taon mandok:

“Adong do halak na mangulahon ulaon na berbahaya holan asa terkenal. Misalna, hea do adong huida di sikkolakku manibbung sian lantai dua holan asa terkenal ibana.”

Lao menarik perhatian ni dongan ni nasida, adong do halak na merekam ulaon na berbahaya jala diposting ma videona i di internet. Contohna, adong do piga-piga remaja mangallang sabun pencuci baju jala diposting ma videona i di media sosial. Dang patut sebenarna diulahon jolma i ala berbahaya do sabun i.

Bibel mandok: “Unang ma sai . . . holan mamikkiri diri sandiri.”—Pilippi 2:3.

Pikkirhon ma:

Sadia penting do di hamu gabe halak na terkenal di media sosial?
Olo do hamu mengorbankan kesehatan manang ngolumuna lao menarik perhatian ni akka donganmuna?

Aha do na didok donganmuna

“Boi do gabe berbahaya keinginanta asa dihalomohon godang halak. Alana boi do sasahalak mangulahon manang aha pe lao mangulahon i. Dirippu nasida do, cara makkatai, gaya marpakkean, manang pangalaho ni nasida boi mambahen nasida terkenal di media sosial. Gabe menyesal do hamu mangulahon i. Alana postinganmuna i dang sesuai tu dirimuna na sasittongna. Holan asa dihalomohon godang halak do umbahen na diulahon hamuna i.”—Si Leianna.

“Diida halak hira na terkenal”

Adong do halak dang pola ikkon mangulaon ulaon na berbahaya asa terkenal ibana. Si Erica na marumur 22 taon mandok,

“Lomo do roha ni akka halak mamposting akka foto ni nasida na menarik, seolah-olah hira na godang ma dongan ni nasida jala jotjot mardalani. Jadi diida halak hira na terkenal ma nasida.”

Adong do muse halak margabus asa diida halak hira na terkenal nasida. Si Cara na marumur 15 taon mandok,

“Adong do halak na mamposting foto molo berengon hira na di pesta do nasida, hape sebenarna di jabu do.”

Si Matthew na marumur 22 taon hea do mangulahon songon i. Didok ibana,

“Hea do huposting sada foto, hubahen ma keterangan lokasina di Gunung Everest, hape tu Asia pe dang hea au lao!”

Bibel mandok: “Lomo do rohanami asa jujur di saluhutna.”—Heber 13:18.

Pikkirhon ma:

Molo adong media sosialmuna, hea do diposting hamu foto manang hatorangan na so sittong asa terkenal hamu?
Hea do diposting hamu foto manang komentar na patuduhon songon dia hamu sasittongna?

Aha do na didok donganmuna

“Rela do halak mambahen manang aha pe asa godang halak mambahen like tu postinganna. Alai sian postinganmuna i, gabe halak na songon dia do hamu ditanda halak? Sian caramuna makkatai dohot cara marpakkean, halak na so sopan do hamu ditanda halak manang halak na pamer? Manang ditanda halak do hamu marpangalaho na denggan jala burju mangurupi na asing? Pasti las do rohatta molo godang halak lomo rohana mangida hita. Alai tapastihon ma i alani pangalahotta na denggan do umbahen na lomo roha ni nasida tu hita.”—Si Hannah.

**Sadia penting do jumlah ni follower dohot na mambahen like tu postinganta?**

Godang do halak manganggap, asa boi terkenal di media sosial ikkon godang do followerna jala godang na mambahen like tu postinganna. Si Matthew, na dipaboa sebelumna hea do mangulahon songon i. Didok ibana,

“Jotjot do hudok tu halak, ‘Nungnga sadia godang followermu?’ manang ‘Sadia godang do na untimbo jumlah ni halak na mambahen like tu postinganmu?’ Asa lam tamba followerhu, hufollow do akka halak na so hutanda, alana berharap do au asa difollow nasida muse au. Alani media sosial i, gabe merasa do au massai penting do gabe halak na terkenal i.”

Gambar: 1. Sahalak borua remaja mekkel tikki diida ibana godang na mambahen like tu postinganna. 2. Ditiop ibana mangkok marisi godang coklat dohot bonbon jala diallang ibana. 3. Ditiop borua on butuhana jala murhing bohina. — Terkenal di media sosial sarupa do i tu perasaatta tikki mangallang makanan cepat saji. Holan satokkin do las rohatta, alai dukkon i menyesal do hita

Adong do halak na menilai diri ni nasida berdasarkan jumlah ni follower dohot like na dapot ni nasida di media sosial. Si Maria na marumur 25 taon mandok,

“Tikki adong sahalak borua na mamposting foto selfina di media sosial jala holan saotik na mambahen like, gabe merasa ma ibana halak na roa. Godang do halak na marpikkir songon i, hape sala do i. Sebenarna na dibahen nasida i gabe sarupa do na mambully dirina sandiri.”

Bibel mandok: “Tapasiding ma ginjang ni roha, dang olo talu, dohot masilatean.”—Galatia 5:26.

Pikkirhon ma:

Dung dipakke hamu media sosial, gabe jotjot do dibanding-bandikkon hamu dirimuna tu na asing?
Dia do na uppetting di hamu, berupaya mandapot godang follower do manang mandapot dongan na benar-benar parduli tu hamu?

Aha do na didok donganmuna

“Asa boi hita terkenal di media sosial ikkon taihutton do lomo ni roha ni godang halak, jadi gabe sogon halak na asing ma hita. Akibatna, gabe terlalu fokus ma hita mamikkirhon pandangan ni halak na asing taringot diritta jala songon dia carana mambahen las roha ni nasida. Wajar do memang berupaya hita asa godang halak lomo rohana mangida hita, alai boi do i berbahaya molo holan tusi pikkiratta.”—Si Joshua.

Unang ma “pura-pura rendah hati” hamu

Adong do halak pura-pura mengeluh, hape sebenarna naeng pamer do ibana. Hea do hamu pajuppang dohot halak sisongon i?

“Lomo hian do roha ni akka donganku manuppang tu mobilhu ala mobil baru au!”
“Sude do halak mamuji au ala nungnga kurus au, hape sebenarna dang pola lomo rohakku didok nasida songon i!”

Memang begeon hira na rendah hati do halak sisongon i, hape sebenarna naeng pamer do ibana.

Bahayana: Molo caratta makkatai hira na rendah hati hape lao pamer, sebenarna diboto halak do molo hita dang benar-benar tulus. Jala biasana, ussogo do roha ni halak mangida halak na pura-pura rendah hati sian halak na memang jelas ginjang rohana.

Jadi molo naeng diposting hamu do komentar manang fotomuna di media sosial, unang ma pura-pura rendah hati hamu. Ihutton ma hata ni Bibel na mandok, “Lok ma halak na mamuji ho, unang ma pamanganmu sandiri.”—Poda 27:2.