ENDE 43
Tangiang Hamauliateon
Edisi Tercetak
1. Mauliate ma Amang Jahowa,
Sai pujionnami do Ho toktong.
Holan tu Ho do sude ngolunami.
Sai tu Ho ma hami marhaposan.
Tikki hami mangulahon na sala,
Sai rade do Ho manalpuhon i.
Dilehon Ho Anak haholonganmu
Paluahon hami sian dosa.
2. Mauliate di sude holongmi,
Ho patuduhon dalan na sittong.
Las roha boi hami manomba Ho,
Jala boi hami jonok tu Ho.
Dilehon Ho do tondi parbadia,
Mambahen hami gabe barani.
Sai togu-togu ma hami Jahowa
Asa hami toktong di dalanmi.
(Ida muse Ps. 65:2, 4, 11; Plp. 4:6.)