Sala do Molo Rap Tinggal na Marhallet Hape Dang Menikah Dope?

Na Didok Bibel

Didok Bibel dipangido Debata do asa unang taulahon “seks na so patut”. (1 Tessalonik 4:3) Hata “seks na so patut” na disurat di Bibel, termasuk ma i na selingkuh, bawa mangulahon seks tu bawa, borua tu borua dohot bawa na mangulahon seks tu borua hape dang menikah dope.

• Boasa didok Debata holan halak na menikah na boi mangulahon seks?

• Gabe denggan do marrumah tangga molo jolo rap tinggal na marhallet?

• Songon dia asa toktong marlas ni roha na marrumah tangga?

Boasa didok Debata holan halak na menikah na boi mangulahon seks?

• Debata do na parjolo mambahen pernikahan. Tikki mamasu-masu si Adam dohot si Hawa ma Debata parjolo sahali mambahen pernikahan. (1 Musa 2:22-24) Dang lomo roha ni Debata rap tinggal na marhallet hape dang menikah dope.

• Diboto Debata do dia na denggan tu jolma. Lomo do roha ni Debata asa martahan pernikahan saleleng ni lelengna. Molo martahan nasida, marguna ma on tu sude anggota keluarga. Pikkirhon ma contoh on. Asa boi denggan tapasang meja na tatuhor sian toko, ikkon taihutton do buku petunjukna. Dos songon i ma, asa boi berhasil pernikahan i, ikkon taihutton do petunjuk ni Debata na mambahen pernikahan i.​—Jesaya 48:17, 18.

  

• Adong do akibat ni mangulahon seks sebelum menikah. Contohna, boi gabe hamil, hona sahit ala mangulahon hubungan seks, jala boi gabe depresi.

• Silehon-lehon ni Debata do seks asa boi jolma margelleng. Arga do hangoluan di Debata. Jadi, dibahen Debata ma jolma boi mangulahon seks asa boi nasida margelleng. Ikkon taargai do silehon-lehon ni Debata on. Alani i, dang lomo roha ni Debata molo mangulahon seks jolma sebelum menikah.​—Heber 13:4.

Gabe denggan do marrumah tangga molo jolo rap tinggal na marhallet?

Adong halak na marhallet jolo rap tinggal sebelum menikah, ala didok roha nasida boi ma nasida denggan marrumah tangga haduan molo nga diboto parange ni halletna. Alai molo dang cocok nasida, ditinggalhon ma halletna i. Hape, boi do marlas ni roha halak na menikah molo rap kerjasama nasida pasaehon masalah.a Jala molo nungnga menikah halak na marhallet, gabe marsitutu ma nasida asa toktong setia.​—Mateus 19:6.

Songon dia asa toktong marlas ni roha na marrumah tangga?

Dang adong pernikahan na sempurna. Alai, molo rap suami istri mangulahon poda sian Bibel boi ma nasida marlas ni roha. On ma piga-piga poda i:

• Pikkirhon ma na rikkot di dongan saripemuna.​—1 Korint 7:3-5; Pilippi 2:3, 4.

• Marsitutu ma hamu patuduhon holong jala sangap ma tu dongan saripemuna.​—Epesus 5:25, 33.

• Unang ma asal dipandok hamu hatamuna.​—Poda 12:18.

• Toktong ma sabar jala olo manalpuhon hasalaan ni dongan saripe.​—Kolosse 3:13, 14.