Sai Tatap ma Upata!

1. Na mapitung boi marnida,

Na nengel marbinege ma,

Tano na tungil pe napu

Ruar aek sian batu,

Na pampang boi mardalan,

Jala salpu hamatean,

Boi ma hilalaonta,

Molo sai tatap upata.

2. Molo na ngungu marsurak,

Na matua mulak poso,

Gabe do eme di dolok

Sude uli jala denggan,

Dakdanak pe marende ma,

Ndang adong be hajahaton,

Jangkononmu ma na hehe,

Molo sai tatap upata.

3. Taida ma rap manjampal,

Birubiru dohot singa,

Dakdanak ma na marmahan,

Unduk ma tu soarana.

Sitaonon nang ilu pe,

SalpuhononNa ma sude,

Patupaon ni Debata,

Molo sai tatap upata.