Molo adong do jati dirimuna, boi do hamu toktong bertahan nang pe adong badai
TU AKKA NA POSO
9 Jati Diri
LAPATANNA
Jati diri adong do hubunganna tu prinsip moralmuna, aha na dihaporseai hamu dohot kepribadianmuna. Jadi, jati diri ma na manottuhon halak na songon dia hamu.
BOASA PENTING ON
Molo adong jati dirimuna, boi ma hamu gabe marbisuk jala dang mura hamu dipengaruhi donganmuna.
“Godang do halak songon patung na dipajang di toko pakkean. Dang boi patung i mamillit baju aha na lao dipakke. Halak na asing do na manottuhon.”—Si Adrian.
“Marsiajar do au asa hot pendirianku nang pe di tikki susa. Molo nyaman do huhilala mardongan dohot akka donganku, gabe huboto ma ise do dongan na burju. Ala diargai nasida do pendirianku.”—Si Courtney.
NA DIDOK BIBEL: “Unang be tiru hamu akka halak na di portibi on. Alai muba ma hamu marhite paubahon pikkiranmuna.”—Rom 12:2.
NA BOI DIULAHON HAMU
Pikkirhon ma, halak na songon dia do au saonari jala naeng gabe halak na songon dia do au haduan. Lao mamboto alusna, pikkirhon ma aha do kelebihanmuna, hahuranganmuna dohot aha na dihaporseai hamu. Alusi ma sukkun-sukkun on.
Kelebihan: Aha do bakat dohot keterampilanku? Aha do kelebihanku? (Misalna: Tepat waktu do au? boi do hukendalihon dirikku? ringgas do au karejo? burju do au mangalehon?) Akka aha do na denggan naung huulahon?
CARANA: Maol do dilului hamu akka na denggan sian dirimuna? Sukkun ma natua-tuamuna manang ale-alemuna, akka aha do na denggan na diida nasida sian hamu jala aha alasanna.
NA DIDOK BIBEL: “Alai ganup ma halak mamparrohahon ulaonna be. Dung i boi ma ibana marlas ni roha alani ulaonna i, dang ala paimbar-imbarhon tu ulaon ni halak.”—Galatia 6:4.
Na ikkon dipadenggan: Sifat na dia do na ikkon hupadenggan? Tikki di situasi songon dia do au mura tergoda? Ikkon berupaya do au asa boi mangorom diri?
NA DIDOK BIBEL: “Molo tadok, ‘Dang mardosa hita,’ na manipu diritta do hita disi.”—1 Johannes 1:8.
Haporseaon: Aturan moral na dia do na huihutton jala aha alasanna? Porsea do au na adong Debata? Aha do na mambahen au porsea? Akka tindakan na dia do na didok rohakku na denggan jala boasa? Menuruthu songon dia do haduan masa depan ni jolma?
NA DIDOK BIBEL: “Molo manat ho marpikkir, boi ma i manjaga ho, Molo diboto ho dia na sittong dohot dia na sala, boi ma i manjaga ho.”—Poda 2:11.