Akkui ma na Denggan sian na Asing

Masalahna

Molo egois, olo do gabe mambeda-bedahon halak hita. Timbo do makkatai halak na egois ala manganggap dirina unjago sian na asing. Manang ise pe boi do songon i. Didok Encyclopædia Britannica, “Godangan suku makkilala siallangon ni nasida, pakkean ni nasida, hasomalan ni nasida, haporseaon dohot suku ni nasida do unjago sian suku na asing.” Songon dia ma asa unang songon i hita?

Na Didok Bibel

“Sangap ma bahen hamu tu donganmuna di bagasan toruk ni roha.”—PILIPPI 2:3.

Aha do maksud ni ayat i? Asa unang ginjang rohatta, ikkon marlatik do hita asa marserep ni roha. Molo serep rohatta, boi ma taida molo halak na asing undenggan do sian hita. Alana dang adong halak manang kelompok na sempurna.

Taida ma pengalaman ni si Stefan. Mulai sian na gelleng tinggal di negara Komunis do ibana. Alai boi do ibana dang mambeda-bedahon halak. Ninna ibana, “Huanggap do halak na asing undenggan sian au. I do cara na undenggan asa unang mambeda-bedahon halak. Dang adong be huboto cara na asing. Alana sai adong do na boi huparsiajari sian sude halak.”

Na Boi Diulahon Hamu

Coba ma masuk akkal hamu marpikkir, hamu pe olo do mambahen hasalaan. Akkui ma molo halak na asing unjago do sian hamu. Unang ma tarippu, sude halak sian kelompok i mambahen hasalaan na sarupa.

Daripada marpikiran negatif tu halak sian sada kelompok, pikkirhon ma:

Akkui ma molo halak na asing unjago do sian hamu

‘Memang nga pasti roa pangalaho ni halak na sian kelompok i? Manang holan ala na so sarupa do hami?’
‘Diida halak do hahuranganku?’
‘Sian kelompok i adong do halak na ummalo sian au?’

Molo jujur do hamu mangalusi sukkun-sukkun i, pasti dang olo be hamu mambeda-bedahon halak. Gariada molo adong na denggan diida hamu sian halak i, gabe dipuji hamu do nasida.

Contoh Pengalaman: Si Nelson (Di Amerika Serikat)

“Tikki poso au, rap tinggal dohot akka halak na sian sada suku dohot latar belakang do au. Alai tikki marumur 19 taon au, pinda ma au tu sada kota na balga lao karejo di pabrik. Jadi ikkon rap tinggal jala rap karejo do au dohot akka halak sian marragam suku, latar belakang dohot budaya.

“Dung lam hutanda dongan sakarejokku jala mardongan dohot nasida, huboto ma molo holan mangida warna kulit, bahasa ni nasida dohot negara ni nasida do au, dang boi huboto parngoluan ni nasida, boi do nasida dihaporseai manang dang, dohot songon dia pakkilalaan ni nasida.

“Mangoli ma au tu halak sian negara na asing, jala las do rohakku ala gabe godang huboto taringot sipanganon dohot musik na baru. Sian pengalamanku, gabe huboto ma sude do hita adong hahuranganna dohot kelebihanna. Boi do au gabe halak na burju saonari, ala hupuji jala huida na denggan sian halak na asing sukuna sian au.”