SURSAR KEADAAN NI PORTIBI ON

4 | Jaga ma Harapanmuna

BOASA PENTING

Balga do pengaruh ni keadaan ni portibi na sursar on tu perasaan dohot pikkiran ni akka halak. Godang do halak na ujungna gabe mandele. Aha ma akibatna?

Adong halak na gabe malas mamikkirhon masa depan.
Adong do na gabe mabuk-mabuk manang marnarkoba.
Adong do muse na sappe naeng bunuh diri.

Na Porlu Diboto Hamu

Sude masalah na tahadapi holan sementara do i jala boi do muba situasi gabe lam denggan.
Nang pe dang muba dope situasitta, sai adong dope na boi taulahon lao menghadapi masalahta.
Boi do pos rohatta tu janji ni Debata taringot masa depan na dipaboa di Bibel.

Na Porlu Diulahon Hamu Saonari

Na didok Bibel, “Unang ma holsoan hamu lao mamikkiri taringot ari sogot. Ai asing do na taholsohon sadari on dohot di ari sogot. Ganup ari adong be do hasusaanna.”—Mateus 6:34.

Unang ma hita paholsohu mamikkirhon na so terjadi dope. Alana molo holan tusi pikkiranta, boi do gabe dang semangat be hita mangulahon na ikkon taulahon saonari.

Molo torus negatif pikkiranta taringot na so terjadi dope, justru boi do gabe tamba stres hita jala gabe moru ma pos ni rohatta tu janji ni Debata taringot masa depan.

CARA MENGHADAPI—Saran

TETAP MA BERPIKIRAN POSITIF

Na didok Bibel, “Porsuk do ari-ari ni halak na marsak. Alai sai marpesta do halak na marlas ni roha.” (Poda 15:15) Molo sai marsak do hita tikki adong masalahta, gabe dang boi be hita denggan marpikkir mangalului jalan keluar tu masalahta. Alai molo tiur do pikkiranta, boi ma denggan hita marpikkir lao mangalului jalan keluar.

Unang ma pagodanghu hita mambege berita buruk.
Tiap ari, surat ma dua manang tolu na disyukuri hamu di ari i.
Bahen ma daftar na lao dikarejohon hamu di ari i. Molo adong tugasmuna na balga, karejohon ma i otik-otik.

PANGIDO MA ASA DIURUPI HAMU

Na didok Bibel, “Halak na papulikkon dirina sian na asing . . . dang olo ibana mangihutton poda na denggan.” (Poda 18:1) Dang boi hita kaluar sian lobbang na massai bagas molo dang adong na manarik hita.

Pangido ma bantuan sian keluarga manang sian donganmuna.
Lului ma cara lao mangurupi halak na asing, asa unang holan tu masalahta i pikkiranta.
Molo dirasa hamu torus hamu mandele jala hira na so mararga ngolumuna, lao ma hamu memeriksa i tu dokter. Alana bisa jadi i tandana hamu nungnga depresi.a Godang do halak naung merasahon manfaatna ala marubat tu dokter.

a Majalah Dungo ma! on dang lao mampromosihon sada perawatan kesehatan.

Janji ni Debata Mambahen Pos Rohatta

Songon on ma na didok sahalak panurat psalmen di tangiangna, “Dos songon lampu do hatam na manogu-nogu pattu, jala na mambahen tiur dalanku.” (Psalmen 119:105) Taparrohahon ma aha lapatan ni i:

Molo mardalan hita tikki borngin, porlu do adong lampu manang senter asa boi taida dalanta. Dos songon i ma, boi do nasehat na sian Bibel mangurupi hita tikki naeng mambahen keputusan.

Asing ni i, boi do lampu manang senter mangurupi hita mangida na di jolotta. Dos songon i ma, boi do Bibel mangurupi hita mamboto aha na lao terjadi di masa depan.

Dang holan taringot sejarah ni jolma na dipaboa di Bibel. Alai dipaboa do tong di Bibel janji ni Debata taringot masa depan. Dipaboa do disi alus ni sukkun-sukkun on:

Alani aha?

Alani aha susa jolma? Bibel mandok, “Masuk do dosa i tu portibi on marhite sada jolma jala dosa i parohon hamatean. Nungnga rarat hamatean i tu sude jolma, ala nungnga mardosa sude jolma.”—Rom 5:12.

Boasa?

Boasa dang boi pamaretta mengatasi sude masalahta? Didok Bibel, “Dang marhuaso jolma lao manottuhon lao tudia ibana mangalakka.” (Jeremia 10:23) Molo taida godang ni masalah na di portibi on, tutu ma na didok ayat on.

Aha?

Aha do na lao bahenon ni Debata? Bibel mandok, “Apusan ni Debata ma nasa ilu-ilu sian mata ni nasida. Dang adong be hamatean nang arsak ni roha, nang angguk-angguk, nang na haccit, dang disi be. Ai nungnga salpu na parjolo i.”—Pangungkapon 21:4.