PARSIAJARAN 12

Bere ni si Paulus na Barani

Taparsiajari ma taringot sahalak baoa na barani mangurupi tulangna. Tulang ni baoa on, i ma apostel Paulus. Ndang taboto ise goar ni berena i, alai barani do ibana. Lomo do roham mamboto aha na diulahon ibana?—

Tingki i, dipenjara ma si Paulus di Jerusalem ala jotjot ibana marbarita taringot Jesus. Adong pigapiga baoa na marsangkap laho mamunu si Paulus. Nasida mandok: Tapangido ma tu komandan asa diboan si Paulus tu pengadilan. Martabuni ma hita di dalan i, tingki mardalan si Paulus sian i, tabunu ma ibana!

Tingki di penjara, dibege si Paulus do sangkap na jahat na dipasahat berena — Dipaboa bere ni si Paulus do sangkap na jahat i tu si Paulus dohot tu komandan ni tentara i

Dibege bere ni si Paulus ma sangkap ni nasida i. Aha ma na diulahon ibana? Laho ma ibana tu penjara jala dipaboa ma tu si Paulus. Disuru si Paulus ma ibana asa mangkatai tu komandan ni tentara taringot sangkap ni nasida na jahat i. Molo pandapotmu, mura do bere ni si Paulus pasahathon i?— Ndang, ala sijumpanganna i sahalak komandan ni tentara. Alai, barani do bere ni si Paulus mangkatai dohot komandan i.

Ditangihon komandan i do hatana. Disuru ma 500 tentara manjaga jala mamboan si Paulus tu Kaesarea di borngin i! Boi do malua si Paulus?— Boi. Ndang boi nasida manangkup si Paulus! Ndang saut be sangkap ni nasida i.

Aha do na taparsiajari sian on?—Boi do hita barani songon bere ni si Paulus. Porlu do hita barani pasahathon barita na uli taringot Jahowa. Lomo do roham gabe halak na barani asa boi pasahathon barita taringot Jahowa?— Molo barani hamu marbarita, boi ma hamu mangurupi na asing mandapot haluaon.

JAHA MA DI BIBELMU