Taringot Harajaon ni Debata ma na gabe inti ni sude isi ni Bibel. Alana marhite Harajaon i, boi ma saut tujuan awal ni Debata manoppa tano on. Alai aha do Harajaon ni Debata i? Sian dia do taboto memang nungnga mamaretta i saonari? Aha do naung diulahon Harajaon i? Jala aha do na lao diulahon Harajaon i di masa depan? Dialusi ma sukkun-sukkun i di pelajaran on dohot di dua pelajaran berikutna.

1. Aha do Harajaon ni Debata i? Jala ise do Rajana?

Harajaon ni Debata, i ma sada pamarettaon na dipajongjong Debata Jahowa. Jala Jesus Kristus ma Rajana na mamaretta sian surgo. (Mateus 4:17; Johannes 18:36) Songon on ma na didok Bibel taringot Jesus, “Ibana ma na gabe Raja . . . saleleng ni lelengna.” (Lukas 1:32, 33) Jadi lao mamaretta do Jesus tu sude jolma di tano on.

2. Ise do dongan ni Jesus mamaretta?

Dang sahalak ni Jesus mamaretta. Alai adong do akka halak na sian “saluhut marga, bahasa, dohot bangso”, na lao gabe dongan ni Jesus ‘mamaretta tu saluhut tano on’. (Pangungkapon 5:9, 10) Sadia do godang ni nasida? Dung ro Jesus tu tano on, marjuta do halak naung mangihutton ibana. Alai dang sude nasida dohot mamaretta. Holan 144.000 do na lao tu surgo mandongani Jesus mamaretta. (Jaha Pangungkapon 14:1-4.) Sude halak Kristen na so tu surgo, mangolu di tano on do nasida gabe rakyat ni Harajaon ni Debata.—Psalmen 37:29.

3. Boasa undenggan Harajaon ni Debata sian pamarettaon ni jolma?

Memang adong do piga-piga pamaretta na berusaha mangulahon na denggan. Alai dang tolap nasida mangulahon i sude. Olo do muse halak na manggattihon nasida holan mamikkiri dirina sandiri jala dang parduli tu rakyatna. Alai anggo Jesus Raja ni Harajaon ni Debata, torus do ibana mamaretta jala dang adong na lao manggattihon ibana. Bibel mandok, “Pajongjongon ni Debata na di surgo i ma sada harajaon na so boi dihancurhon.” (Daniel 2:44) Haduan, holan Jesus nama na mamaretta sude jolma jala dang dibeda-bedahon ibana nasida. Parholong do ibana, burju, jala adil. Jala diajari ibana do tong rakyatna asa maniru sifatna.—Jaha Jesaya 11:9.

4. Holan sada do pamarettaon na lao marhuaso tu saluhut tano on

Lebih marhuaso do Jesus Kristus sian akka pamaretta na hea mamaretta di tano on. Jaha Mateus 28:18, dung i bahas ma sukkun-sukkun on:

• Boasa boi didok lebih marhuaso do Jesus sian akka pamaretta na di portibi on?

Molo pamarettaon ni jolma, jotjot do margatti. Jala holan di sada negara do nasida mamaretta. Alai dang songon i Harajaon ni Debata. Jaha Daniel 7:14, dung i bahas ma sukkun-sukkun on:

• Ala “dang boi dihancurhon” Harajaon ni Debata, aha ma manfaatna tu hita?

• Aha ma manfaatna ala mamaretta Harajaon i tu sude halak di tano on?

5. Ikkon digatti do pamarettaon ni jolma

Boasa ikkon digattihon Harajaon ni Debata pamarettaon ni jolma? Putar ma VIDEO, dung i bahas ma sukkun-sukkun on:

VIDEO: Aha do Harajaon ni Debata I?—Cuplikan (1:41)

• Aha do akibatna ala jolma na mamaretta?

Jaha Parjamita 8:9, dung i bahas ma sukkun-sukkun on:

• Menurut hamu, boasa ikkon digattihon Harajaon ni Debata sude pamarettaon ni jolma?

6. Diattusi akka pamimpin ni Harajaon ni Debata do perasaanta

Ala hea do Jesus Rajatta i mangolu di tano on, diattusi ibana do “hagaleotta”. (Heber 4:15) Songon i do tong 144.000 halak na lao gabe dongan ni Jesus mamaretta. Alana dipillit Jahowa do nasida “sian saluhut marga, bahasa, dohot bangso”.—Pangungkapon 5:9.

• Ala diattusi Jesus dohot 144.000 halak i do perasaanta dohot masalahta, boha do perasaanmuna dung diboto hamu i? Boasa songon i?

7. Undenggan do hukum ni Harajaon ni Debata

Dibahen pamaretta do hukum manang peraturan na marguna tu rakyatna jala na boi melindungi nasida. Adong do tong hukum na ikkon diihutton rakyat ni Harajaon ni Debata. Jaha 1 Korint 6:9-11, dung i bahas ma sukkun-sukkun on:

• Menurut hamu, boha do keadaan ni portibi on molo sude jolma mangihutton hukum manang peraturan ni Debata?a

• Menurut hamu, boasa marhak Jahowa mangido rakyat ni Harajaon ni Debata mangihutton hukum na dibahen Ibana?

• Aha do na patuduhon boi do muba akka halak na so mangihutton hukum ni Debata?—Ida ayat 11.

KESIMPULAN

Harajaon ni Debata, i ma sada pamarettaon di surgo na lao mamaretta tu saluhut tano on.

Tinjauan

• Akka ise do na lao mamaretta di Harajaon ni Debata?

• Boasa undenggan Harajaon ni Debata sian sude pamarettaon ni jolma?

• Aha do na dipangido Jahowa sian rakyat ni Harajaon i?

LULUI MA

Didia do didok Jesus Harajaon i?

“Tutu do di Bagasan Roha Harajaon ni Debata?” (Artikel web)

Boasa lebih setia Saksi Jahowa tu Harajaon ni Debata sian tu pamarettaon ni jolma?

Setia tu Harajaon ni Debata (1:43)

Aha do na didok Bibel taringot akka halak na lao mamaretta rap dohot Jesus?

“Akka Ise do na Lao tu Surgo?” (Artikel web)

Boasa pos roha ni sahalak borua na dipenjara, holan Debata do na boi mambahen keadilan di portibi on?

“Nungnga Huboto be Ise na Boi Mambahen Keadilan di Portibi on” (Dungo ma!, November 2011)

Nungnga mamaretta Harajaon ni Debata di surgo mulai sian taon 1914. Mulai sian i, dimulai ma ari parpudi jala marujung nama pamarettaon ni jolma. Sian dia taboto? Taparrohahon ma akka hatorangan naung dipaboa Bibel hian, jala songon dia keadaan ni portibi on dohot pangalaho ni akka halak mulai sian taon 1914.

1. Aha do na taboto sian akka hatorangan naung dipaboa hian di Bibel?

Sian akka hatorangan na dipaboa di bukku Daniel, taboto ma nungnga mulai mamaretta Harajaon ni Debata di ujung ni “pitu masa”. (Daniel 4:16, 17, surat na di toru) Marratus taon dukkon i, didok Jesus sarupa do i tu “tikki naung ditottuhon tu akka bangso”, jala dang marujung dope i tikki di tano on Jesus. (Lukas 21:24) Alana di taon 1914 do marujung sipitu masa i. Tabahas ma i di pelajaran on.

2. Boha do keadaan ni portibi on dohot pangalaho ni akka halak mulai taon 1914?

Hea do disukkun akka sisean ni Jesus tu Jesus, “Aha do tanda ni harorom dohot tanda ni panutup ni jaman on?” (Mateus 24:3) Dipaboa Jesus ma akka peristiwa na terjadi dung gabe Raja ibana di surgo di Harajaon ni Debata. Termasuk ma i porang, kelaparan, dohot gempa bumi. (Jaha Mateus 24:7.) Dipaboa Bibel do tong songon dia pangalaho ni akka halak di “ari parpudi” na mambahen gabe lam susa keadaan. (2 Timoteus 3:1-5) Lam tarida ma sudena on mulai sian taon 1914.

3. Boasa gabe lam sursar portibi on dung mamaretta Harajaon ni Debata?

Dung gabe Raja Jesus di Harajaon ni Debata, marporang ma ibana mangalo Sibolis dohot akka suru-suruan na jahat. Alai talu do Sibolis. Dung i didok di Bibel, “Didabuhon ma [Sibolis] tu tano on . . . Dohot do akka suru-suruanna i didabuhon rap dohot ibana.” (Pangungkapon 12:9, 10, 12) Muruk hian do Sibolis, alana diboto ibana satokkin nai lao dipamate nama ibana. Jadi dibahen ibana ma godang hasusaan dohot masalah di portibi on. Alani i ma gabe lam sursar portibi on. Alai satokkin nai padengganon ni Harajaon ni Debata do portibi on.

ASA LAM TAATTUSI

4. Perhitungan waktu na adong di Bibel mengarah tu taon 1914

VIDEO: Nungnga Mamaretta Harajaon ni Debata Mulai Taon 1914 (5:02)

Najolo dibahen Debata do marnipi Raja Nebukadnesar, raja ni Babel. Di nipi i, dipaboa Debata do aha na lao masa di ari na naeng ro. Boi do tajaha di Bibel taringot nipi i dohot lapatanna na dipaboa si Daniel. Nipi i paboahon taringot Harajaon ni si Nebukadnesar dohot Harajaon ni Debata.—Jaha Daniel 4:17.a

Jaha Daniel 4:20-26, dung i ida ma tabel berikut on asa boi dialusi hamu sukkun-sukkun na di toru on:

• (A) Aha do na diida si Nebukadnesar di nipina?—Ida ayat 20, 21.

• (B) Aha do na masa tu hau i?—Ida ayat 23.

• (C) Aha do na terjadi di ujung ni “pitu masa” i?—Ida ayat 26.

Hubungan ni Hau na di Nipi i tu Harajaon ni Debata

NIPI (Daniel 4:20-36)

Pamarettaon

(A) Hau na massai balga jala timbo

Dang mamaretta

(B) “Taba ma hau i” jala pasombu ma i saleleng pitu masa

Mamaretta muse

(C) “Na lao gabe raja do ho muse”

Penggenapan nipi i na parjolo . . .

• (D) Manggombarhon ise do hau i?—Ida ayat 22.

• (E) Nandigan do sanga ibana dang mamaretta?—Jaha Daniel 4:29-33.

• (F) Aha do na masa tu si Nebukadnesar di ujung ni pitu masa i?—Jaha Daniel 4:34-36.

PENGGENAPAN NA PARJOLO

Pamarettaon

(D) Si Nebukadnesar, raja ni Babel

Dang mamaretta

(E) Dung taon 606 SM, gabe rittik ma si Nebukadnesar jala dang boi be ibana mamaretta saleleng pitu taon

Mamaretta muse

(F) Waras ma muse si Nebukadnesar jala mamaretta ma muse ibana

Penggenapan nipi i na paduahon . . .

• (G) Manggombarhon ise do hau i?—Jaha 1 Kronika 29:23.

• (H) Mulai nandigan do dang adong be raja na mamaretta di Israel? Sian dia do taboto, tong do dang adong dope raja di Israel tikki di tano on Jesus?—Jaha Lukas 21:24.

• (I) Didia jala andigan do Harajaon i mamaretta muse?

PENGGENAPAN NA PADUAHON

Pamarettaon

(G) Akka raja na mamaretta di Israel na mewakili pamarettaon ni Debata

Dang mamaretta

(H) Dihancurhon ma Jerusalem jala dang adong be raja di Israel saleleng 2.520 taon

Mamaretta muse

(I) Mamaretta ma Jesus di surgo gabe Raja ni Harajaon ni Debata

5. Lam sursar do portibi on mulai taon 1914

Putar ma VIDEO.

VIDEO: Lam Sursar do Keadaan ni Portibi on Mulai Taon 1914 (1:10)

Nungnga dipaboa Jesus hian songon dia keadaan ni portibi on molo dung gabe Raja ibana. Jaha Lukas 21:9-11, dung i bahas ma sukkun-sukkun on:

• Sian na dipaboa di ayat on, na dia ma naung terjadi diida hamu?

Dipaboa Apostel Paulus do tong songon dia sifat ni akka halak saleleng ari parpudi. Jaha 2 Timoteus 3:1-5, dung i bahas ma sukkun-sukkun on:

• Toho do songon na didok ayat on pangalaho ni godang halak na diida hamu saonari?

6. Aha ma na ikkon taulahon ala nungnga mamaretta Harajaon ni Debata?

Jaha Mateus 24:3, 14, dung i bahas ma sukkun-sukkun on:

• Aha do ulaon na paling penting na patuduhon nungnga mamaretta Harajaon ni Debata?

• Boha do carana asa boi dohot hamu mangulahon i?

Nungnga mamaretta Harajaon ni Debata jala satokkin nai mamaretta nama i di tano on. Jaha Heber 10:24, 25, dung i bahas ma sukkun-sukkun on:

• Ala “nungnga lam jonok ari i”, aha ma na ikkon taulahon?

KESIMPULAN

Boi do taida bukti naung mamaretta Harajaon ni Debata sian akka hatorangan naung dipaboa Bibel hian, sian perhitungan waktu na adong di Bibel, dohot sian keadaan ni portibi on. Jadi tapaboa ma taringot Harajaon i jala taratur ma hita marpungu.

Tinjauan

• Aha do na terjadi di ujung ni pitu masa na dipaboa di bukku Daniel?

• Boasa pos rohamuna naung mamaretta Harajaon ni Debata mulai taon 1914?

• Boha do carana patuduhon na porsea hamu naung mamaretta Harajaon ni Debata?

LULUI MA

Aha do na didok akka sejarawan dohot akka halak na asing taringot pangalaho ni akka halak mulai taon 1914?

“Mulai sian i Gabe Lam Jahat do Pangalaho ni Jolma” (Dungo ma!, April 2007)

Aha do pengaruhna tu ngolu ni sahalak bawa dung dijaha ibana Mateus 24:14?

“Najolo Holan Bisbol do di Rohangku!” (Joujou Paboahon No. 3 2017)

Sian dia taboto taringot Harajaon ni Debata do na dipaboa di Daniel pasal 4?

“Nandigan do Harajaon ni Debata i Mamaretta? (Bagian 1)” (Joujou Paboahon, 1 Oktober 2014)

Aha do buktina taon 1914 do ujung ni sipitu masa na dipaboa di Daniel pasal 4?

“Nandigan do Harajaon ni Debata i Mamaretta? (Bagian 2)” (Joujou Paboahon, 1 November 2014)

Nungnga mamaretta Harajaon ni Debata. Satokkin nai, bahenon ni Harajaon i nama perubahan na balga di tano on. Tabahas ma piga-piga perubahan i.

1. Boha do cara ni Harajaon ni Debata mambahen asa adong hadameon dohot keadilan di tano on?

Di porang na digoari Armagedon, dipamate Jesus Raja ni Harajaon ni Debata ma akka parjahat. Jala dihancurhon ibana ma sude pamarettaon ni jolma. (Pangungkapon 16:14, 16) Di tikki i, saut ma janji ni Debata na mandok, “Satokkin nai, dang adong be akka parjahat.” (Psalmen 37:10) Marhite Harajaon i, hilalaon ni sude halak ma hadameon dohot keadilan di tano on.—Jaha Jesaya 11:4.

2. Boha do keadaanta molo nungnga saut lomo ni roha ni Debata di tano on?

Molo nungnga mamaretta Harajaon ni Debata tu tano on, “lehononna do tano on gabe parbagianan ni halak na tigor marroha, jala mangolu ma nasida disi saleleng ni lelengna”. (Psalmen 37:29) Pasti las do rohatta tikki i! Alana sude do halak mangulahon na sittong, makkaholongi Jahowa jala masihaholongan. Dang adong be na marsahit, jala mangolu saleleng ni lelengna ma sude jolma.

3. Dung dipamate akka parjahat, aha ma muse na lao diulahon Harajaon ni Debata?

Dung dipamate akka parjahat, mamaretta ma Jesus rap dohot 144.000 donganna saleleng 1.000 taon. Saleleng 1.000 taon i, diurupi nasida ma akka jolma asa sempurna muse. Di ujung ni 1.000 taon i, nungnga gabe Paradeiso be tano on. Jala marlas ni roha ma sude halak na tinggal disi, ala sai dioloi nasida paretta ni Jahowa. Dung i, pasahaton ni Jesus ma muse Harajaon i tu Jahowa. Ujungna, gabe ‘dipabadia ma goar ni Jahowa’. (Mateus 6:9, 10) Gabe tarida ma tutu do Jahowa i Penguasa na terbaik na parduli tu sude rakyatna. Dung i, pamateon ni Jahowa ma Sibolis, suru-suruan na jahat, dohot sude halak na mangalo Ibana. (Pangungkapon 20:7-10) Jala sude akka na denggan na dibahen Harajaon ni Debata, martahan do i saleleng ni lelengna.

ASA LAM TAATTUSI

4. Lao dihancurhon Harajaon ni Debata do sude pamarettaon ni jolma

Bibel mandok, “Gabe susa do molo jolma na mangarajai jolma.” (Parjamita 8:9) Godang do jolma na susa ala terjadi ketidakadilan di portibi on. Alai molo nungnga mamaretta Harajaon ni Debata tu tano on, dang adong be ketidakadilan i.

Jaha Daniel 2:44 dohot 2 Tessalonik 1:6-8, dung i bahas ma sukkun-sukkun on:

• Aha do na lao dibahen Jahowa dohot Jesus tu sude pamarettaon ni jolma dohot akka halak na mendukung pamarettaon i?

• Boasa pos rohamuna pasti sittong jala adil do cara ni Jahowa dohot Jesus manguhumi?

5. Jesus do Raja na terbaik

Godang do perubahan na lao dibahen Jesus tu tano on na bermanfaat tu sude jolma. Putar ma VIDEO na patuduhon memang lomo do roha ni Jesus mangurupi jolma, jala nungnga dilehon Debata huaso tu ibana lao mangulahon i.

VIDEO: Dipatudu Jesus do Aha na Lao Bahenon ni Harajaon i (1:13)

Tikki di tano on, godang do na dibahen Jesus lao mangurupi akka halak. On patuduhon songon i do tong na lao dibahen ibana di masa depan. Sian daftar berikut on, na dia ma na paling dipaima-ima hamu? Jaha ma akka ayat na adong di daftar on na berkaitan tusi.

6. Luar biasa do masa depanta alani Harajaon ni Debata

VIDEO: Manatap Janji ni Debata di Masa Depan (4:38)

Jaha Psalmen 145:16, dung i bahas ma sukkun-sukkun on:

• Boha do perasaanmuna dung mamboto lao dilehon Jahowa do “sude na porlu” tu nasa na mangolu?

KESIMPULAN

Marhite Harajaon ni Debata, gabe saut ma lomo ni roha ni Debata. Bahenonna ma tano on gabe Paradeiso jala holan akka halak na manomba Jahowa ma na tinggal disi saleleng ni lelengna.

Tinjauan

• Boha do carana Harajaon ni Debata i pabadiahon goar ni Jahowa?

• Boasa pos rohatta boi do Harajaon ni Debata pasautton akka janji na adong di Bibel?

• Sian sude na lao diulahon Harajaon ni Debata, na dia do na paling dipaima-ima hamu?

LULUI MA

Jaha ma aha na didok Bibel taringot Armagedon.

“Aha do Porang Armagedon i?” (Artikel web)

Hea do dipaboa Jesus taringot “hasusaan bolon”. Aha ma na lao masa di tikki i?—Mateus 24:21.

“Aha do Hasusaan Bolon i?” (Artikel web)

Tonton ma sada keluarga na mambayakkon nungnga di Paradeiso nasida.

Aha na Laho Diulahon Ho di Paradeiso? (1:50)

Di artikel “Godang do Sukkun-Sukkun na Sai Ro tu Pikkiranku”, jaha ma taringot sahalak bawa na sogo rohana tu politik. Alai nga dapotna be jalan keluarna.

“Bibel Mambahen Denggan Ngolukku” (Joujou Paboahon, 1 Januari 2012)