Denggan do Akka Huria Diatur

Debata na taratur do Jahowa. (1 Korint 14:33) Jadi lomo do rohana asa taratur naposona. Songon dia do akka huria diatur? Aha do na ikkon taulahon asa taratur huria?

1. Ise do pamimpin ni huria?

Bibel mandok, ‘Kristus do ulu ni huria.’ (Epesus 5:23) Diparrohahon Jesus do sian surgo akka ulaon ni naposo ni Jahowa di liat portibi on. Dipillit Jesus do piga-piga sintua naung berpengalaman lao gabe “naposo haposan jala na marbisuk”. Digoari ma nasida Punguan na Mangaradoti Organisasi. (Jaha Mateus 24:45-47.) Songon di abad na parjolo, adong do akka apostel dohot sintua di Jerusalem na mangalehon akka petunjuk tu huria. Dos songon i ma saonari, dilehon Punguan na Mangaradoti Organisasi do akka petunjuk tu sude huria di liat portibi on. (Ulaon ni Apostel 15:2) Alai dang gabe pamimpin nasida di huria. Diihutton nasida do petunjuk na sian Jahowa dohot sian Bibel. Jala diihutton nasida do petunjuk sian Jesus, pamimpin ni huria.

2. Aha do tugas ni akka sintua?

Sintua, i ma akka bawa naung setia manomba Jahowa saleleng piga-piga taon. Dipakke nasida do Bibel lao mangajari, mangurupi, jala patoguhon akka naposo ni Jahowa. Dang digaji nasida mangulahon tugasna i. Didok di Bibel, ‘Rade do nasida mangulahon i songon lomo ni roha ni Debata. Sian ias ni rohana do i diulahon, jala dang naeng mangalului uttung.’ (1 Petrus 5:1, 2) Adong do muse akka parhobas na mangurupi sintua di huria, jala dung piga-piga leleng boi do tong nasida gabe sintua.

Dipillit Punguan na Mangaradoti Organisasi do piga-piga sintua lao gabe pengawas wilayah. Ro do pengawas wilayah tu huria lao patoguhon jala mangalehon akka petunjuk. Nasida do na mamillit akka sintua dohot parhobas di huria mangihutton akka persyaratan na adong di Bibel.—1 Timoteus 3:1-10, 12; Titus 1:5-9.

3. Aha do tugas ni sude Saksi Jahowa?

Sude na di huria boi do ‘mamuji goar ni Jahowa’ tikki di parpunguan dohot di ulaon marbarita. Diulahon nasida do i sian nasa tolapna.—Jaha Psalmen 148:12, 13.

ASA LAM TAATTUSI

4. Pamimpin na burju do Jesus

Dilehon Jesus do undangan tu hita sude. Jaha Mateus 11:28-30, dung i bahas ma sukkun-sukkun on:

• Pamimpin na songon dia do Jesus i, jala boha do perasaanta mamboto i?

VIDEO: Hatop do Akka Sintua Bertindak Tikki Terjadi Gempa di Nepal (4:56)

Dipaboa do di Bibel ikkon songon dia do akka sintua mangulahon tugasna.

Jaha Jesaya 32:2 dohot 1 Petrus 5:1-3, dung i bahas ma sukkun-sukkun on:

• Songon Jesus, marsitutu do akka sintua mangurupi na asing. Boha do perasaanmuna mamboto i?

• Boha do cara ni akka sintua maniru Jesus?

5. Ikkon gabe sitiruon do akka sintua

VIDEO: Angka Sintua na Manguluhon! (7:39)

Dilehon Jesus do sipaingot tu akka na manguluhon di huria. Jaha Mateus 23:8-12, dung i bahas ma sukkun-sukkun on:

• Molo diida hamu, aha ma beda ni akka sintua di huria tu akka pamimpin agama na asing?

1. Marsitutu do sintua patoguhon haporseaonna dohot haporseaon ni keluargana

2. Diparrohahon sintua do sude dongan di huria

3. Taratur do sintua marbarita na uli

4. Mangajari do sintua. Jala dohot do tong nasida paiasson inganan parpunguan

6. Kerja sama ma hita dohot akka sintua

Dipaboa do di Bibel boasa ikkon kerja sama hita dohot akka sintua. Jaha Heber 13:17, dung i bahas ma sukkun-sukkun on:

• Boasa didok di Bibel porlu taoloi jala unduk hita tu akka sintua? Menurut hamu masuk akkal do i?

Jaha Lukas 16:10, dung i bahas ma sukkun-sukkun on:

• Boasa ikkon taoloi akka sintua nang pe didok rohatta hira na so penting petunjuk na dilehon nasida?

KESIMPULAN

Jesus do pamimpin ni huria. Ditiru akka sintua do Jesus, diajari jala dipatogu do hita. Alani i las ma rohatta kerja sama dohot nasida.

Tinjauan

• Ise do pamimpin ni huria?

• Aha do na diulahon sintua lao mangurupi huria?

• Aha do tugas ni sude Saksi Jahowa?

LULUI MA

Ida ma bukti na patuduhon parduli do Punguan na Mangaradoti Organisasi dohot akka sintua tu hita sude.

Patoguhon Akka Dongan Tikki Diorai Pamaretta (4:22)

Ida ma tugas aha do na diulahon pengawas wilayah.

Kunjungan Pengawas Wilayah tu Daerah Terpencil (4:51)

Jaha ma taringot tugas ni akka borua di huria.

“Dohot do Akka Borua di Saksi Jahowa Mangajarhon Hata ni Debata?” (Joujou Paboahon, 1 September 2012)

Ida ma songon dia akka sintua marsitutu patoguhon akka dongan.

“Akka Sintua ‘na Gabe Dongan Sakarejo na Mambahen Las Rohatta’” (Joujou Paboahon, 15 Januari 2013)