Sukkun-Sukkun sian na Manjaha

Dung tubu Jesus, boasa si Josep dohot si Maria tetap tinggal di Betlehem jala dang mulak tu Nasaret?

Memang dang dipaboa di Bibel alasanna. Alai adong do piga-piga hatorangan na menarik sian Bibel na mangurupi hita mamboto boasa dibahen nasida keputusan i.

Sada suru-suruan mandok tu si Maria lao hamil ma ibana jala manubuhon anak. Tikki dipasahat suru-suruan i barita i, tinggal di Nasaret do si Maria dohot si Josep, sada kota di Galilea. (Luk. 1:26-31; 2:4) Di pudian ni ari, tikki mulak nasida sian Mesir, lao do nasida tu Nasaret. Disi ma Jesus dipagodang-godang, jala digoari ma ibana halak Nasaret. (Mat. 2:19-23) I do alana jotjot do Jesus, si Josep, dohot si Maria dihubungkon tu huta Nasaret.

Adong do keluarga ni si Maria na tinggal di Judea, goarna si Elisabet. Istri ni sahalak malim na margoar si Sakaria do si Elisabet, jala ibana do omak ni si Johannes Pandidi. (Luk. 1:5, 9, 13, 36) Hea do si Maria mangunjungi si Elisabet jala tinggal di jabu ni si Elisabet saleleng tolu bulan di Judea. Dung i mulak ma si Maria tu Nasaret. (Luk. 1:39, 40, 56) I do alana takkas do diboto si Maria luat Judea.

Dung i ala disuru pamaretta do akka halak “mandaftarhon diri tu huta hatubuanna be”, lao ma si Josep sian Nasaret tu Betlehem. Jala di Betlehem do tubu Messias songon naung disurirangkon hian. (Luk. 2:3, 4; 1 Sam. 17:15; 20:6; Mik. 5:2) Dung ditubuhon si Maria Jesus disi, dang diboan si Josep si Maria dohot gellengna i menempuh pardalanan na dao tu Nasaret. Tinggal di Betlehem do nasida, hira-hira 9 kilometer ma i sian Jerusalem. Sian i boi ma diboan nasida gelleng ni nasida na baru tubu i tu bagas joro jala mangalehon pelean songon na diparettahon di Patik.​—3 Mus. 12:2, 6-8; Luk. 2:22-24.

Sebelumna nungnga dipaboa suru-suruan ni Debata tu si Maria anak na ditubuhonna i do na lao manjalo “tahta ni si Daud” jala lao “gabe Raja”. Bisa jadi on ma alasanna si Josep dohot si Maria marpikkir ikkon di kota ni si Daud do Jesus ditubuhon. (Luk. 1:32, 33; 2:11, 17) Jala mungkin didok roha ni nasida denggan do asa tetap tinggal di kota i sahat tu dapot ni nasida muse petunjuk sian Debata.

Dang taboto nungnga sadia leleng nasida tinggal di Betlehem tikki ro akka datu manjuppangi nasida. Tikki i keluarga i tinggal di jabu jala nungnga “dakdanak” Jesus, dang poso-poso be. (Mat. 2:11) Sian on taboto dang mulak nasida tu Nasaret, alai tinggal do nasida di Betlehem piga-piga leleng jala adong do jabu ni nasida disi.

Diparettahon si Herodes do “asa dibunu sude dakdanak bawa na di Betlehem . . . na marumur dua taon tu toru”. (Mat. 2:16) Dipasingot sada suru-suruan do si Josep taringot on. I do alana melarikan diri ma si Josep dohot si Maria mamboan Jesus tu Mesir, jala tinggal ma nasida disi sahat tu na mate si Herodes. Belakangan diboan si Josep ma keluargana tu Nasaret. Boasa dang mulak nasida tu Betlehem? Alana di tikki i anak ni si Herodes, i ma si Arkelaus do na mamaretta di Judea, jala halak na kejam do ibana. Berbahaya do molo lao nasida tusi. Alai molo di Nasaret, boi ma si Josep pagodang-godangkon Jesus gabe sisomba Debata.​—Mat. 2:19-22; 13:55; Luk. 2:39, 52.

Nungnga mate si Josep sebelum tarbukka dalan lao mangolu di surgo marhite haheheon ni Jesus. Alani i dipahehe di tano on do annon si Josep. Boi ma hita pajuppang dohot ibana, jala sukkunotta ma muse annon boasa ibana dohot si Maria mamutusson tetap tinggal di Betlehem dung tubu Jesus.