Mambahen Gambar asa Lam Mura Diingot Hamu Parsiajaranna

Godang do halak na maol mangingot aha na diparsiajari nasida, termasuk do ra hamu disi. Alai molo ajaran ni Jesus, mura do taingot. Boasa? Alana jotjot do dipakke ibana tudosan. Gabe mura ma taingot parsiajaranna ala boi tabayakkon tudosanna i. Jadi asa lam mura diingot hamu na diparsiajari hamu, bahen ma gambar taringot parsiajaran i.

Biasana molo dibahen sasahalak gambar taringot aha na baru diparsiajari ibana, gabe lam mura ma diingot ibana parsiajaranna. Dang holan aha na dihatahon, alai marhite mambahen gambar, boi ma taingot aha lapatan ni hatana i jala aha parsiajaranna. Dang ikkon mambahen gambar na massai bagak hira lukisan, alai cukkup holan gambar na sederhana. Jadi boi ma mura taingot aha na diparsiajari marhite mambahen gambar, tarlumobi ma tu akka naung matua.

Tikki marsiajar hamu, coba ma bahen gambar taringot parsiajaran i. Ra longang ma rohamuna, ala godang na boi diingot hamu.