7 “‘Sa tɛ’n i ti kpatalɛ tɛ’n i su mmla’n yɛ:+ Ɔ ti like ngunmin kun m’ɔ ti Ɲanmiɛn liɛ klonglo-ɔ. 2 Maan be kpɛ sa tɛ’n i ti kpatalɛ tɛ’n i nnɛn’n i kɔmin kan be kpɛ tɛ nga kɛ bé yí’n be yra nnɛn’n i kɔlikɔli’n i nnɛn’m be kɔmin lɛ’n. Maan be fɛ i mmoja’n+ be kpɛntɛnkpɛntɛn i tɛ yiwlɛ’n i bue kwlaa su.+ 3 Maan ɔ fa nnɛn’n i lui’n i kwlaa.+ Maan ɔ fɛ i lua’n nin i lui ng’ɔ kɛtɛ i aya’m be wun’n wie, 4 ɔ nin i aklɛnzia nɲɔn’n nin be lui m’ɔ o i asi’n nun. Maan ɔ yi i buɛ’n i wun lui’n ɔ nin i aklɛnzia mun likawlɛ.+