16 Amun ka cɛn ba ablenun (50)+ lele fa ju Wunmiɛn-lolɛ-cɛn nso su’n i cɛn ng’ɔ su i su’n su. I sin’n, amun fa ble annzɛ i wunsu like be man Zoova ekun.+

18 Kpɛkun maan amun fa bua ba yasua nso mɔ be ti kpa’n mɔ be le afuɛ kun’n, ɔ nin nannin gbanflɛn, nin bua ɲin+ nɲɔn be uka kpanwun’m be su. Bé wá fá be yí tɛ nga kɛ bé yí’n be yra nnɛn’n i kɔlikɔli’n bé mán Zoova. Maan be fa ble annzɛ i wunsu like, nin nzan m’ɔ fata kɛ be fa sie su’n be man naan be yra be sin’n su, naan ɔ bɔn Zoova i bue nun fannin.*