31 “Ń má yó maan ɔ mɛn’n bó i bo Jenvie Ɔkwlɛ’n su lele fá jú Filisti jenvie’n su lɔ, yɛ ɔ́ fɛ́ i aawlɛ flɛnnɛn’n nun lele fá jú Nzue Ba’n*+ su lɔ. Afin ń má fá be nga be o mɛn sɔ’n nun’n ń wlá ɔ sa nun, yɛ á wá fúan be.+ 32 Nán a nin be annzɛ be ɲanmiɛn liɛ’m be tra aenguɛ.+ 33 Ɔ fataman kɛ be tran ɔ mɛn’n nun naan be yo naan a fɔn min wun. Sɛ a su be ɲanmiɛn liɛ mun’n, i sɔ’n káci kɛ aya sa ɔ bo.”+

3 Nán amun nin be ja amun afiɛn bla. Nán amun fa amun wa bla mun man be wa yasua mun. Yɛ nán amun ja be wa bla mun fa man amun wa yasua mun.+ 4 Afin sɛ amun yo sɔ’n, bé yó maan amun wa yasua’m be su suman min kun, kpɛkun bé sɔ́ amuin mun.+ Ɔ maan Zoova fá amun wun ya dan kpa. Yɛ ɔ́ núnnún amun ndɛndɛ kpa.+

12 “Sɛ amun kaci amun sin si Ɲanmiɛn’n, naan amun fa amun wun mantan nvlenvle sɔ’m be nunfuɛ nga be kali amun afiɛn’n,+ sɛ amun nin be tra aenguɛ naan amun ja amun afiɛn bla’n,+ naan amun nin be sanngan nun’n, 13 maan amun si kɛ amun Ɲanmiɛn Zoova su fuanman nvle sɔ mun amun ɲrun kun.+ Bé wá káci kɛ tɛ* sa, bé káci kɛ aya sa, yɛ bé káci kɛ ngble sa amun wiasin,+ bé káci kɛ owie sa amun ɲinma’n su, lele amún wíe núnnún mɛn kpa nga amun Ɲanmiɛn Zoova fa mannin amun’n i nun.

2 Amun kusu, ɔ fataman kɛ amun nin mɛn nga nunfuɛ’m be tra aenguɛ.+ Yɛ ɔ fata kɛ amun bubu be tɛ yiwlɛ mun.’+ Sanngɛ amun a tieman min nuan ndɛ’n.+ ?Ngue ti yɛ amun yoli sɔ-ɔ? 3 I sɔ’n ti’n, n seli kɛ: ‘N su fuanman be amun ɲrun.+ Bé súa amun bo aya+ yɛ amún tɔ́ nun. Be ɲanmiɛn liɛ’m bé yó maan amún fá amun wun mántan be.’”+