16 Ribɛnin i osu’n nunfuɛ mun nin Gadi i osu’n nunfuɛ’m+ be liɛ’n, n fali lika ng’ɔ fɛ i Galaadi lele fa ju Aanɔn Kongo’n* nun’n n mannin be. (Kongo’n i afiɛn’n nun yɛ be lika’n i nuan su’n wo-ɔ.) Ɔ kɔ lele ju Zabɔku, yɛle kɛ kongo ng’ɔ o Amɔnfuɛ’m be lika’n i nuan su’n, 17 ɔ nin Araba’n nin Zurdɛn’n nin i nuan su’n. Yɛ ɔ fɛ i Kinerɛti lele fa ju Araba Jenvie’n mɔ yɛle Jenvie ng’ɔ ti Njin Nzue Klakla’n i su lɔ. Jenvie sɔ’n wo Pisga oka’n i bo lɛ, wia afiliɛ lɔ.+

11 Kɛ Zabɛn m’ɔ ti Azɔɔ famiɛn’n tili ndɛ sɔ’n, ɔ toli Zobabu m’ɔ ti Madɔn famiɛn’n,+ nin Simunrɔn famiɛn’n, nin Akisafu famiɛn’n+ be ngaliɛ. 2 Ɔ toli famiɛn nga be o nglo lɔ lika’n nun okaoka’m be nun lɔ’n, nin Kinerɛti i ngua lɔ aawlɛ flɛnnɛn’n nun lɔ’n,* nin be nga be o Sefela lɔ’n, nin Dɔɔ+ okaoka lika’n m’ɔ o wia afiliɛ lɔ’n be ngaliɛ wie.

5 Cɛn kun’n, kɛ Zezi jin Zenezarɛti nzue’n*+ i nuan lɛ’n, sran kpanngban kpa be yiɛli i wun lɛ, be miɛn i fii. Be su tie Ɲanmiɛn ndɛ’n.

6 I sin’n, Zezi kpɛli Galile Jenvie mɔ be flɛ i ekun kɛ Tiberiadi’n, ɔ ɔli i bue kun lɔ.+