29 Kɛ ɔ mɛnnin i ti’n su’n, ɔ wunnin i niaan bian Bɛnzamɛn m’ɔ nin i be nin ti kun’n.+ Ɔ seli kɛ: “?Amun sinma kan nga amun kɛnnin i ndɛ kleli min’n, yɛ ɔ o yɛ?”+ Ɔ seli ekun kɛ: “Min wa, maan Ɲanmiɛn yo ɔ liɛ ye.”
22 Be nga bé trán be wun lɛ’n, be yɛle Bɛnzamɛn akpasua’n nunfuɛ mun. Abidan+ m’ɔ ti Gideɔnin i wa’n yɛ ɔ ti Bɛnzamɛn i osu’n nunfuɛ’m be su kpɛn-ɔn. 23 I sran nga be klɛli be dunman mɔ be kwla di sonja’n, be ti akpiakpi ablasan-nin-nnun nin ya nnan (35.400).+