24 “Like ng’ɔ fata kɛ Levifuɛ’m be yo’n yɛ: Kɛ yasua kun ko ɲan afuɛ ablaɔn-nin-nnun’n (25), maan ɔ fɛ i wun wla be nga be di min tannin sua’n nun junman’n be nun.

2 Fa ɔ niaan mɔ be ti Levi akpasua’n nunfuɛ’n, yɛle kɛ ɔ si i akpasua’n nunfuɛ mun, naan be uka wɔ, yɛ be di junman man wɔ+ nin ɔ mma mun Aenguɛ’n* i tannin sua’n+ i ɲrun lɛ. 3 Maan be di junman nga a fa wlali be sa nun’n, yɛ be di min tannin sua’n i nun junman’n kwlaa.+ Sanngɛ nán maan be wunnge lika m’ɔ ti min liɛ klonglo’n i nun ninnge mun ɔ nin tɛ yiwlɛ’n be wun koko. Afin sɛ be yo sɔ’n bé wú, yɛ amún wú wie.+

32 Asa ekun’n, be di tannin sua mɔ Ɲanmiɛn yi i wun nglo nun’n, nin lika m’ɔ ti Ɲanmiɛn liɛ klonglo’n be nun junman nga be fa mannin be’n. Kpɛkun be uka Aarɔn i mma mɔ be ti be niaan’n naan b’a nian Zoova i sua’n i lika.