15 I sin’n, Zoova kannin ndɛ kleli Abramun aolia nun. Ɔ seli kɛ: “Abramun, nán srɛ kun wɔ.+ N ti ɔ sasafuɛ.*+ Ń má cɛ́ ɔ like dan kun.”+

2 Kɔnguɛ’n, Ɲanmiɛn kannin ndɛ kleli Izraɛli aolia nun. Ɔ seli kɛ: “ Zakɔbu, Zakɔbu!” Yɛ ɔ tɛli su kɛ: “Min yɛ n wo yɛ!”

9 Moizi nin Aarɔn nin Nadabu nin Abiu ɔ nin Izraɛli kpɛnngbɛn ableso (70) be fuli oka’n su, 10 be wunnin Izraɛli Ɲanmiɛn’n.+ Like wie m’ɔ ti kɛ yɔbuɛ nga be flɛ i kɛ safii’n sa’n ɔ o i ja’n i bo. Ɔ ti sanwun kpa kɛ ɲanmiɛn su lɔ’n sa.+ 11 Ɲanmiɛn w’a yoman Izraɛli kpɛnngbɛn’m+ be sa fi. Be wunnin Ɲanmiɛn Kpli aolia nun, kpɛkun be dili like yɛ be nɔnnin nzan.