51 Sɛ amun waan amún fá tannin sua’n amún kɔ́ amun ɲrun’n, maan Levifuɛ’m be tutu.+ Sɛ kusu amun waan amún kplán tannin sua’n, maan Levifuɛ’m be kplan. Sran nga b’a mɛnmɛn i atin* naan ɔ mɛntɛn i’n, maan be kun i.+

4 Maan be uka ɔ. Tannin sua mɔ n yi min wun nglo nun’n, i nun like ng’ɔ fata kɛ be yo’n, maan be yo. Yɛ maan be di tannin sua’n i nun junman’n kwlaa. Nán maan sran nga b’a mɛnmɛn i atin’n,* ɔ wunnge amun wun koko.+

7 Min ɲrun jranlɛ junman m’ɔ fata kɛ a nin ɔ mma’m be di’n, yɛle tɛ yiwlɛ’n nin rido’n i sin lɔ junman’n.+ Ɔ fata kɛ amun di junman sɔ’n.+ N fali min ɲrun jranlɛ junman’n n mannin amun. Sran nga b’a mɛnmɛn i atin* naan ɔ wunnge lɔ’n, maan be kun i.”+