9 Sanngɛ sɛ amun sa amun sin min wun naan amun fa min mmla’m be su’n, sɛ amun di be su’n, kannzɛ amun bo sanndi nvlenvle’m be nun lele ju ɲanmiɛn’n i tiwa lɔ bɔbɔ’n, ń kó fá amun+ lɔ, yɛ ń fá amun ń bá lika nga n fali naan min dunman’n tran su’n i nun.’+

19 “I sɔ’n ti’n, maan amun kaci amun akunndan’n,+ kpɛkun amun kaci amun sa.+ I liɛ’n, bé yáci amun sa tɛ’m bé cɛ́ amun.+ Ɔ maan Zoova* bɔbɔ maan amun wun jɔ́ amun kpa fɔuun.