ƐNTƐNƐTI SU FLUWA SIEWLƐ Watchtower

Ezipti Lɔ Tulɛ 20:12

Ɲanmiɛn Ndɛ’n—Mɛn Uflɛ Biblu’n
- 12 “Bu ɔ si nin ɔ nin be sran.+ I liɛ’n, á cɛ́ kpa mɛn nga Zoova m’ɔ ti ɔ Ɲanmiɛn’n ɔ́ mán wɔ’n nun.+

Mmla’n 21:18-21

Ɲanmiɛn Ndɛ’n—Mɛn Uflɛ Biblu’n
- 18 “Sɛ yasua kun le ba kun mɔ be kan ndɛ kle i-ɔ ɔ timan, kpɛkun i ɲin su ti kekle dan,+ naan i si nin i nin be tu i fɔ-ɔ, ɔ fɛmɛn i su sieman be nuan bo’n,+ 19 maan i si nin i nin be fɛ i wɔ kpɛnngbɛn’m be ja su klɔ’n i anuan’n nun lɔ. 20 Maan be se klɔ’n su kpɛnngbɛn’m be kɛ: ‘Be kan ndɛ kle e wa nga-ɔ ɔ timan, yɛ i ɲin su ti kekle dan. I ɲin yiman e. Ɔ ti aliɛ safuɛ+ nin nzanboɛfuɛ.’+ 21 Maan klɔ’n sufuɛ’m be kwlaa be finfin i yɔbuɛ naan ɔ wu. I liɛ’n, amún yí like ng’ɔ ti tɛ’n amun afiɛn. Yɛ Izraɛlifuɛ’m be kwlaa bé tí, kpɛkun srɛ kún be.+

Ɲanndra Mun 20:20

Ɲanmiɛn Ndɛ’n—Mɛn Uflɛ Biblu’n
- 20 Sran ng’ɔ bo i si nin i nin be sannzan’n,
  kɛ lika’n wá lú tritri’n, i kannin’n núan.+

Ɲanndra Mun 30:17

Ɲanmiɛn Ndɛ’n—Mɛn Uflɛ Biblu’n
- 17 Sran ng’ɔ yo siɛ kun i finfin’n, mɔ i ɲin yiman niɛn kun’n,+
  kongo’n nun kɔkɔkuankuan’m bé bóbó i ɲinma’n
  yɛ anunman ɲin’n i mma’m bé dí i.+

Matie 15:4

Ɲanmiɛn Ndɛ’n—Mɛn Uflɛ Biblu’n
- 4 I kun yɛle kɛ Ɲanmiɛn waan: ‘Bu ɔ si nin ɔ nin be sran,’+ yɛ ‘Sran ng’ɔ kɛn i si annzɛ i nin i ndɛ tɛ’n,* maan be kun i.’+