21 “Ɔ fataman kɛ a yo aofuɛ’m be tɛtɛ annzɛ a kle be ɲrɛnnɛn,+ afin ɔ bɔbɔ a yoli aofuɛ Ezipti mɛn’n nun lɔ.+

22 “Ɔ fataman kɛ amun yo angbeti bla mun nin ba nga be leman si’n* be tɛtɛ.+

17 Afin Zoova m’ɔ ti amun Ɲanmiɛn’n ɔ ti ɲanmiɛn’m be Ɲanmiɛn,+ yɛ ɔ ti miɛn’m be Miɛn. Ɔ ti kpli, ɔ le tinmin dan, ɔ yo sro. Ɔ kpaman sran nun+ yɛ ɔ sɔman adi ninnge nun. 18 Ɔ kan ba ng’ɔ leman si’n* nin angbeti bla’n be ti ndɛ kɛ ɔ nin i fata’n sa.+ Ɔ klo aofuɛ ng’ɔ tran amun afiɛn’n,+ yɛ ɔ mɛn i aliɛ nin tralɛ.

5 “Ń má wúnnge lɔ naan ń dí amun jɔlɛ. Be nga be di bae’n,+ nin be nga be kunndɛ bla be yi bo annzɛ bian be wun bo’n, nin be nga be ta ato nda mun’n,+ nin be nga be di be junman difuɛ m’ɔ fata kɛ be tuɛ i kalɛ’n+ nin angbeti bla mun nin ba nga be leman si’n*+ be lufle’n, ɔ nin be nga be kloman kɛ bé úka aofuɛ mun’n,*+ ń kó bú be fɔ ndɛndɛ. I sɔfuɛ’m b’a sroman min,” Zoova m’ɔ ti sonja’m be su kpɛn’n yɛ ɔ kan sɔ-ɔ.

27 Ɲanmiɛn sulɛ m’ɔ ti kpa mɔ fiɛn kaan sa nunmɛn i wun e Si Ɲanmiɛn i ɲrun’n, yɛle aika ba+ nin angbeti bla+ mɔ ɲrɛnnɛn o be su’n+ be lika nianlɛ, ɔ nin be wun su mɔ be niɛn i titi naan b’a yoman mɛn’n nun sa tɛtɛ’m be nun wie fi’n.+