• Bo Bolɛ 15:18-21
    Ɲanmiɛn Ndɛ’n—Mɛn Uflɛ Biblu’n

    • 18 Cɛn sɔ’n nun’n, Zoova tali Abramun i nda.+ Ɔ seli kɛ: “Ń fá mɛn nga ń fá mán ɔ osu’n nunfuɛ mun.+ Mɛn sɔ’n fɛ i nzue ba ng’ɔ o Ezipti lɔ’n su lɛ lele fa ju Efrati’n m’ɔ ti nzue dan’n su:+ 19 Keninfuɛ mun,+ nin Kenizifuɛ mun, nin Kadimɔnfuɛ mun, 20 nin Ɛtifuɛ mun,+ nin Perizifuɛ mun,+ nin Refafuɛ mun,+ 21 nin Amɔɔfuɛ mun, nin Kanaanfuɛ mun, nin Giigasifuɛ mun, ɔ nin Zebisifuɛ mun+ be mɛn’n, ɔ́ yó be liɛ.”

  • Ezipti Lɔ Tulɛ 3:8
    Ɲanmiɛn Ndɛ’n—Mɛn Uflɛ Biblu’n

    • 8 Ń má jrá, ń kó dé be Eziptifuɛ’m be sa nun.+ Kpɛkun ń fá be ń kɔ́ mɛn kun m’ɔ ti kpa’n, m’ɔ cɛnnin’n i nun. Nɔnnɔn nin awɛma nzue be sonji mɛn sɔ’n nun.+ Ɔ ti Kanaanfuɛ mun, nin Ɛtifuɛ mun, nin Amɔɔfuɛ mun, nin Perizifuɛ mun, nin Ivifuɛ mun, ɔ nin Zebisifuɛ’m be mɛn.+

  • 1 Famiɛn Mun 9:20, 21
    Ɲanmiɛn Ndɛ’n—Mɛn Uflɛ Biblu’n

    • 20 Amɔɔfuɛ mun nin Ɛtifuɛ mun nin Perizifuɛ mun nin Ivifuɛ mun nin Zebisifuɛ+ mɔ be nunman Izraɛlifuɛ’m be nun’n,+ be nun wie’m be kali lɛ. 21 Be osu’n nunfuɛ nga be kali nvle’n nun’n, yɛle kɛ be nga Izraɛlifuɛ’m b’a kwlá nunnunman be’n be osu’n nun sran mun’n, Salomɔn fali be wlali plɔtrɔ junman’n nun kɛ kanga sa. Lele nin andɛ’n be te yo sɔ.+